Айкеԯӑт - Новости

Рәпата мӑты хӑннєхә! 2022-мит оӆ ай кєр тыӆӑщ оӆӑӊмит хӑтӆ вўш эвӑӆт 1991-мит оӆ вән кєр тыӆӑщ 19-мит хӑтӆ вўш эвӑӆт № 1032-1 «Россия мўв ӆуваттыйн рәпитты ёх» нємпи поступсы йиӆпатсы. Щиты ай кєр тыӆӑщ оӆӊитумн кӑши-мәш тӑйты хӑннєхә пӑта рәпата тӑхет па щирн мӑты питӆыйт, рўщ щирн «квота» аӆьӆы. Тӑм поступсы щирн мәщмӑӆтум хӑннєхә рәпатая вўюм пурайн мосты нєпекӑт мєт тәса па ма нух вантӆыйт, ӆәӆн тәп квота щирн щитӆаӆ ӆэщӑтман ат вәсӑт.

Тӑм пўш Югра мўвевн имухты 19-мит па 20-мит фестивальӊӑн мӑнсӑӊӑн. 19-мит кӑсупсы пӑта мєт вуӆаӊ мойӆупсы па 600 щурӑс шойт вух Индия мўвн єсӆум «Камешки» нємпи кина ӆэщӑтты ёх хоӆумсӑт. 20-мит кӑсупсыйн мєт вуӆаӊ мойӆупсыйн Роман Михайлов па Фёдор Лавров катӆуптӑсыйӊӑн, ӆын «Сказки для старых» нємпи кина ӆэщӑтсӑӊӑн.

Ай кєр тыӆӑщ 4-8-мит хӑтӆӑтн Ёмвошн вўӆєӊ ёх VII-мит мўвтєӆ мир вән Конгресс мирхот вәс. Тыв Россия мўвев 29 тӑхи эвӑӆт вўӆєӊ ёх юхтыйӆсӑт. 

Ин Россия мўвев Арк­тической Совет ху­ща кәщая вәӆ, щирн щи вән мирхот мўӊ хущева ӆэщӑтсы. 

Тӑмхӑтӆ мўӊ хӑнты ясӑӊ газетаев 65 оӆ постӑты вўраӊӑн нӆ­мит иньщӑсупсы хӑнш­ӆўв. Юхӆы ясӑӊ тыв китаты:  khanty-yasang-65@mail.ru.

4. Мӑта оӆн «Ленин пӑнт хўват» газета «Хӑнты ясӑӊ» нємн пунсы?

«Югра» нємуп ай павӑтты тӑхийн тәнӆуп тыӆӑщн 11-мит хӑтӆӑн ёх ӑктӑщсӑт па путӑртсӑт, муй вўрн Югра хуща «Россия ӆух пӑнт» мӑнты питӆ.

Путӑр тӑйсӑӊӑн «Юг­раМегаСпорт» тӑхи кәща лӑӊкӑр хә Олег Дресс па Олимпийской кӑсты тӑхетн ӆухн нух питыӆум хә Евгений Дементьев. Ӆын «Россия ӆух пӑнт» нємпи 40-мит пўш Россия ӆуваттыйн ӆухн кӑсты тӑ­хи оӆӑӊӑн путӑртсӑӊӑн.

Игрим вошн Сўмӑтвош районӑн вошӑӊ депутат хәя м ар оӆ мӑр Игорь Николаевич Дудка вәӆ па рәпитӆ. Щив ӊхмємн, ӆўв пиӆэӆа нємасыя  вәйтантыйӆсум, путрємӑты хущсєм па сыр-сыр айкеӆӑт уша вєрсум.

- Игорь Николаевич, мӑта тӑхийн нӑӊ вәӆӆӑн, муйсӑр рәпата тӑйӆӑн? 

90 оӆ юхӆы 1932-мит оӆн тәнӆуп тыӆӑщ 14-мит хӑтӆӑн няврємӑт вәнӆтӑты хуятӑт ӆэщӑт­ты пӑта Остяко-Вогульск вошн нємасыя тӑхи пўншсы – «Остяко-Вогульский националь­ный педагогический техникум». 

Ешӑк Ёмвошн па районӑн вәӆты ёх!
Югра округев «Центр занятости» тӑхи хуща вәӆты хӑннєхуятӑт тӑм  кўтн шєӊк ӆӑӊхаӆӑт, ӆәӆн рәпата ӑн тӑйты ёх ӆыв унтасэӆн ӆывеӆа государстваев эвӑӆт мосты вєр, рўщ ясӑӊ щирн, профессиональной ориентация, еӆӆы вәӆты хурасэӆн ат мущатсӑт.

Кашӑӊ щив юхӑтты хӑннєхә имухты уша вєрӆ, муйсӑр м рәпатайт тӑм хӑтӆӑтн округев рәпитты тӑхетн вәӆӆӑт па муй щирн щимӑщ вєрӑта еӆ­ӆы вәнӆтыйӆты рӑхӆ. 

Тӑм ванӑн Ёмвошн округ кәща нє Наталья Комарова мирхот вєрӑс, щӑта округ пра­вительства кәща ёх мосты вєрӑт оӆӑӊӑн путӑртсӑт. 

Мирхотн нєпекн ӆэ­щӑтсы, щӑта хӑнш­ман вәӆ, 2022-мит оӆн округ бюджет эвӑӆт ай вошӑтн вәӆты ӑшколайт вухн мӑӆыйт. Миюм ву­хӑт унтасн ӑшколаятн физкультура па спорт пӑта хӑрӑт омӑсты питӆыйт.

Тәнӆуп тыӆӑщ 21-мит хӑтӑӆн 2022-мит оӆн онлайн-трансляция щирн Россия мўв ӆуватн арсыр вән вошӑтн вәӆты немщӑт диктант нємасыя хӑншсӑт. 

Тӑм Мўвтєӆ мирӑт пӑта вєрум мӑӊхӑтӆ Юнеско тӑхи 1999-мит оӆн ӆэщӑтӑс, ӆәӆн мўӊ хон пєлкев хуща вәӆты сыр-сыр мирӑт ӆыв рәт ясӑӊӆаӆ муй культура щирӆаӆ мсыева еӆӆы тәсӑт па ӑн юрємӑсӑт.