Айкеԯӑт - Новости

Тӑта мосванӑн Югра мўвев Росгвардия тӑхи хуща вәӆты ёх Нємӆаӆ ӑн вәйтты солдатӑт хӑтӆ постӑсӑт. 

Щи пӑта Ёмвош кев хурас хуща нух вў­щитум тўт пўӊӑӆн ӆыв ӆоӆь­сӑт. Щӑӆта Росгвардия, вошӑӊ кәщайт, волонтё­рӑт па шуши хӑннєхуятӑт нәмӑӆмӑсӑт Вуӆаӊ ӆаӆьн, арсыр ӆаӆь хӑрӑтн ӑнтә­ма вум хӑннєхәйт.
Щимӑщ вєр пийн ӆыв ӆыӆӑӊ лыптӑт нух вўщи­тум тўт ӆєпн пўнсӑт. 

Югра мўв Росгвардия тӑхи кәща хә, полковник Евгений Симаков щи пу­райн путӑртӑс: 

Ас потты тыӆӑщ 24-мит хӑтӆӑн Ёмвошн округ дума 14-мит мирхот вәс. Тӑм хӑтӆӑн депутатӑт 2023-мит па еӆӆы питты 2024-2025-мит оӆӑта мим округ бюджет вухӑт нух вантсӑт, щӑӆта щи поступсыйн ёш посӑт пунсӑт.

Мосӆ лупты, тӑм 2022-мит оӆн мўӊ мў­вевн шимӑӆшӑк питы сорни мўв иӆпийн нух вў­ӆы, щирн бюджет ин еша пасырашӑк вєрсы. 2023-мит оӆн округ бюджета 287,2 млрд шойт вух йиӆ, 2024-мит оӆн – 291,4 млрд шойт вух, 2025-мит оӆн – 297,6 млрд шойт вух. 2023-мит оӆн округ бюджетн тӑруптӑты вухӑт – щит 329,5 млрд шойт вух, 2024-мит оӆн – 320,6 млрд арат шойт вух, 2025-мит оӆн – 332,4. 

Ас потты тыӆӑщ 11-мит хӑтӆӑн Ёмвошн «Югра-Экспо» хотн «ЮграТур-2022» нємпи ванӆтупсы пўншсы.

Ванӆтупсы пўншмаӆн округ кәща нє На­та­лья Ко­марова лупӑс, хуты тӑм ванӆ­тупсы – щит мўӊ мў­вева мойӊа тәтьӆяты ёх па ӆыв пӑтэӆа рўтьщӑты тӑхет ӆэ­щӑтты ёх пӑта мєт мосты вєр, вантэ, ӆыв кўтэӆн иха рәпитты пӑта кашащты нєпекӑтн ёш посӑт пунты вєритӆӑт.

Ас потты тыӆӑщн 21-22-мит хӑтӆӊанӑн «Гражданские инициативы» нємуп ӑктупсы Когалым вошн вєрса. Щи ӑктупсы Югра мўвев кәща Наталья Комарова пўншӑс. Тыв нумӑс тӑйты федеральной экспертӑт, мир пиӆа рәпитты ёх, НКО па фондӑт тӑйты ёх юхӑтсӑт. Оӆӑӊ хӑтӆ ӑктупсы «Общественные инициативы для социального развития северных территорий» нєм тӑйс. Щӑта путӑртсӑт, муй вўрн мир тӑйты нумсӑт мосты вєрӑт щира ӆэщӑтты. 

Ёмвош округевн «Карта развития Югры» нємпи вєр ӆэщӑтӆы. Щи вєр унтасн Сўмӑтвош районӑн Тэк кәртӑн йиӆуп ӑшкола пўншсы. Щи хӑтӆӑн щив район кәщайт юхӑтсӑт па вәнӆтӑты хуятӑт па няврємӑт вәсӑт. Ӑшколайн тӑм пўш 63 няврєм вәнӆтыйӆ. 

Сўмӑтвош район кәща па «Единая Россия» партия секретарь хә Павел Артеев щи оӆӑӊӑн щиты лупӑс:

Ас потты тыӆӑщ 2-мит хӑтӆӑн «Югра» нємпи айкеӆӑт ӑкӑтты хотн профпатология тӑхи кәща хә Николай Ташланов па щи тўтӑӊ хоп мир мӑӆты вєр тәты хә Владимир Слабко пиӆа мирхот вәс. Ӆын айкеӆ тәсӊӑн, муй щирн тӑм ӆўӊ пурайн «Николай Пирогов» нємпи тўтӑӊ хопн тохтурӑт рәпитсӑт.  

Николай Ташланов лупӑс:

Ай пушхӑт лек­щитты м тохтур – щит ӑӊкия-ащия тәса нётты хуят. Кашӑӊ тохтур вән па ӆавӑрт рәпата вєрӆ, ӆәӆн няв­рємӑт тӑӆаӊа ат вәсӑт па вәна ат єнумсӑт.

Ас потты тыӆӑщ 20-мит хӑтӆӑн Ниж­невартовской окружной клинической пәӆьни­цайн няврємӑт мӑӆты ёх мӑӊхӑтӆ пос­тӑсӑт. Няврємӑт лекщит­ты ок­руг пәӆьницая арсыр ӆа­вӑрта кӑшитты пушхӑт питыйӆӆӑт. Кашӑӊ хӑтӆ щӑта рәпитты ёх вән па вуӆаӊ рәпата тәӆӑт, пуш­хӑта тӑӆаӊа вәӆты нётӆӑт.

Ас потты тыӆӑщ 1-мит хӑтӆӑн Каталин Надь ӑнтәма йис. Ӆўв филологической наукайт доктора вәс, мадьяр мир киникайт хӑншты ёх тӑхия ӆуӊӑс, Увӑс мирӑт йис путрӑт, тӑм йисн путрӑт хӑншты ёх киникайт мадьяр ясӑӊа тулмащтӑс, щи тумпи Будапешт вошӑӊ педагогической институтн айӆат ёх вәнӆтӑс. Ешавәӆ 20-мит хӑтӆӑн ӆўв 71 оӆа ӆәӆн йис…
 

«Хуят ӆыпи нумсӑт ма ат вәӆӆӑт» – 2022-мит оӆн тӑм вєр иса мирн ванӑн тӑйӆы. 

Мир пӑта мєт шопӑӊ, ӆәӆн ӆыв тӑӆаӊа, ӆыпи нумӑсӆаӆ ма, рома ат вәсӑт. Тӑӆаӊ хӑннєхә атум вєрӑта ӑн питӆ, ма рәпитты, иса мира унтас тәты щир тӑйӆ. Тӑӆаӊ хуят арсыр ӆавӑрт суртӑт мухты еӆӆы шәшты питӆ. Вантэ, тӑм йис пурайн арсыр щи­рӑт вәӆӆяӆӑт, щи утӑт пєӆы ӑн вантман еӆӆы вәӆты мосӆ, щи вєрн тәп тӑӆаӊ хӑннєхә кўрн така ӆоӆьты питӆ.

«Ма ӑн ӆӑӊхаӆум, ӆәӆн нарӑсты сыйӆам 
мир тәп хәӆӑнтсӑт, ма сыйӆам мухты 
хӑннєхә мӑӆты ӆӑӊхасум»
Георг Гендель

Ёмвошн психоневрологической пәӆь­ницайн наркологической тӑхи рәпитӆ. Тыв арсыр мәшӑт пиӆа хӑннєхәйт юхӑтӆӑт. Итәхӑт тыв юхӑтман нх мулӑӊа иса ӑн вăнтӆӑт, ӑн вәӆӑт, муй тӑмхӑтӆ вєрты питӆӑт, уяӊа йиты щир ӑн тӑйӆӑт.