Форма поиска

Для слабовидящих
  • Хантыйский
  • Русский

Вән кәрта касӑты ӑн кашащсӑт

Ас хӑты тыӑщн мўвев кәща нє Наталья Комарова Сўмӑтвош района Пәкӑр кәрта яңхӑс, хута мир ўвеа лупсӑт, кәртэн сыстам йиңк аяты тӑхи па хў, воньщўмут, тулӑх е тыныты вўр ӑнтәм. Сўмӑтвош эвӑт тўтӑң әхӑ апӑт мӑр тәп ипўш яңхӑс, Тєка яңхты тўтӑң хоп Пәкӑрн вўты ӑн хойыйс. Щи пурайн кәщайт ясӑң мӑсӑт, хуты щи вєрӑт тўңмӑтыйт, щӑта Сўмӑтвош эвӑт картке таы па 2015-мит он ат-хӑт нуви тўт єты пит. Щи тухапи вәнтӑн хоумтты утӑт вўйяты тӑхи вєры па кашӑң тыӑщ вош эвӑт пурмӑс, єтут тәтьяты питы, ән веккеши ӑн мосӑс щитӑт әттыя па кәрта яңхты. 
 
Пәкӑр вәйт пєлӑкн Вухаь пус овн омӑс, щи пус Лэв юхана увӑ. Юхи хӑщум оӑтн щи кәртые Сўмӑтвоша ӑңман вә. Хәнты арсыр тӑхет эвӑт хӑнтэт щив касуптӑсыйт па 1952-мит он щӑта сельсовет вєрсы. Тӑм пўяң кәрт хущи няъяңкєм хуят вә. Тӑаңтєн  80-кєм хӑннєхә хӑншаньщман вәӑт, итӑт тӑм пўяң армияйн, па хуятӑт вошн вәнтыйӑт муй Сўмӑтвошн рәпитӑт. 
Рәпата хотӑт эвӑт Пәкӑрн тәп кўлуп па нуви тўт вўщитты хот. Кәртӑң мир хў вепӑсуман вәӑт, ывеа тўтъюх сопӑсӑӑт па тӑн лыс омӑсӑт. Товийн щив яңхмємн кәрт оӑңӑн Раиса Загородняя, Иван Хандыбин, Вадим Туев па Виталий Тынзянов мӑнєма ай павӑтсӑт, муй щирн кәртэ тывӑс па муй вўрн хӑннєхәйт щӑта вәӑт. 
Раиса Загородняя, 52 о: 
– Ас пўңӑн вәўв, мўң Ас ёх. Путӑр сувев ор вош хӑнтэт путӑр хурасуп, щит пӑты арсыр ясңӑтн «у» сый лупўв па кәртэв Пукӑра аьщӑэв, касум хӑнтэт щирн – Пәхӑр. Вәйт пєлӑкн Вән Пукӑр вә, апа, щи пӑта кәртэв щимӑщ нємн аьщӑса. 1940-мит оӑт пӑрты артӑн ин коммунистической властян някєм кәрт эты мир тыв йиты партсыйт. Щит Пӑ кәрт ню, Войтехово, Катра Пукӑр па Непкинской эты. Вәнт орэвн ар ёх вәс, ищи тыв тәсыйт. Ванӑн нємы вўт кәртӑт вәсӑт, щӑта вәум хуятӑт ищи тыв касӑсӑт. Щи мирие хота пиа тыв йисӑт. Кәщайт нәмӑссӑт, тӑм мўвн колхоз вєрты ямшӑк пит. Тӑта вәйт пєлӑк, щит пӑта колхоз ар вой па ар мис тӑйс, мирев кӑртәпка па турнепс єнмӑсӑт, ар турн вєрсӑт. 
Иван Хандыбин, 45 о:
– Тӑта рәпата ӑнтәм, щит пӑта рәпатайы вәты хуятӑт тӑхийн оьум, щӑсаты тыӑщн апӑт щурӑс вух мӑа, ант па саккар вўты тӑрмӑ. Хў, васы ёша павӑтўв. Тӑм хӑт вәнта яңхсум, пойтєка омсыум лысам вантсум. Нємӑт ӑнтәм, нємӑт ӑн хойс. И шовар вантсум, навӑрман е щи мӑнӑс. Ощн кӑртәпка, помидорӑт, па утӑт омӑсув па тӑа єтут тӑрмӑ. апкайн ант хир вўўв, юн нянь вєрўв. Щирн, єтуты ӑн омӑсўв. апка кәртэвн ӑнтәм, єтут ки хуа,  әтӑсты тўтӑң әхӑн Тэка муй Сўмӑтвоша яңхўв. 
Яңкєм о мӑнєма пенсияя мӑнты вәнты, щи пура вәнты вәум муй ӑнтә, хуйн вәы. Шєңк ӑн яньщты ки, еы вәты щир вә. Ма ин кӑт-хәумкєм о ӑн яньщум. Щиты щи айкємн вәўв.
Н. Комарова вәумн муй шєңк путӑртсўв? Хў вепӑсӑты вєр оӑңӑн ай павӑтсўв. ўңӑн кәртэва тўтӑң хоп ӑн яңхӑ, щи пӑта Тэка па воша хопн яңхўв. Иньщӑссўв, тўтӑң хоп авӑты тӑхи вєры муй ӑнтә? Интум рўтьщӑты хӑтӑн вош эвӑт юхи мӑнты нәхӑ иса ӑнтәм. Кәщайт пойксўв, ән щи хӑтӑн Сўмӑтвош эвӑт тўтӑң әхӑ етн ищи тыв ат яңхӑс. Ин вән кәща нє пиа путӑртсўв па, мосӑң, тӑм пўш щиты яңхты пит. 
«Хӑнты ясӑң» нєпек оӑңӑн лупты ӑңхаум. Инмәнты Зина вән ими хущи яңхсум, ўв хущеа газета вантсум. Щит ўңӑтты кўш вўратыйсум, итәх ясңӑт иса уша ӑн вєрсӑам. Тӑаңтєн путӑр ки ўңӑтты, сащ иса ӑнтәм, муй хӑншман. Ма ўве иньщӑссум, лупӑс, ищи уш ӑн тӑй, муйсӑр ясңӑт щӑта хӑншман вәӑт. Ӑн вәєм, муй щирн ай ёх ӑшколайн вәнтӑыйт. Мосӑң, ыв хошӑт хӑнты ясӑңӑн ўңӑтты. Мўң интернатн ясңев ӑн вәнтӑсўв, ма сӑттєма путӑртты вәнсум – щащєм пиа хӑнты ясӑңӑн путӑртсум. 
Вадим Туев, 47 о: 
– Хў вепӑсуман щи вәўв. Вәнтыты ищи яңхўв, пойтэк, кўтӑри, вухсар па нюхӑс ысн па картсєсыйн веяўв. Сєсы ӑн вєрӑнтўв, пирӑщ ёх ӑнтәма ювум юпийн хә ёх юрємӑсӑт, муй щирн щитӑт вєрты. Вой сух вўты тӑхета щитӑт ӑн тыныўв, вантэ, щив мийяты пӑты пушкан тӑйты нєпек вўты мос. Щи пӑта вәты ёха тыныӑўв.
Виталий Тынзянов, 60 о:
– Ма Ванзетур эвӑт, хәнты имєм тыв рәпитты китсы, ўв пиаа йисум па ин няъяң о тӑта вәум. Имєм кўлўп кәща нєңа рәпит, ма рўтьщӑты мӑнмєм вәнты нуви тўт вўщитты хотн рәпитсум. Рўтьщӑты вухєм 14-кєм щурӑс шойт арат. Ма ширємн, па ёх киньщи рўтьщӑты ёха кәртӑн вәты кєншӑк. Вантэ, пенсия тухӑпи єты кеши па е тыныты пӑты хў веӑн па щиты ыэн єтӑ. Сыры мўң  ёш вой-хў тӑйсўв, 1999-мит о юпийн, хән вән йиңк вәс па турӑны хӑщсўв, войы щи йисўв. Итәх ёх интум вәнты овӑт тӑйӑт, ыв ӑн кирийыйт па иса хора йисӑт.
Ӑнтхән, советской лащ пура киньщи авӑрт вәты питӑс, интум тӑта рәпата ӑнтәм. Тәп нємӑт ӑн ки вєрӑн, єы хӑӑн. Иатн нумӑс вєрӑнтсы кәртӑң мирэв Сўмӑтвоша па Тєка касуптӑты, нємхуят щив мӑнты ӑн кашащӑс. Вантэ, вошн ищипа мўңева рәпата ӑнтәм, кәртэвн хў веман, воньщўмут воньщман єтут хоумтўв. 
Реональда Ользина
Наталья Краснопеева вєрум хурӑт
 
 

В село большое не переехали

Пугоры расположены в устье реки Вогулка. Эта речка впадает в Сосьву. Пугоры территориально относится Берёзовскому району. Этот населенный пункт появился давно, сюда переселили жителей из других деревень, а в 1952 году открыли сельсовет. На сегодняшний день в деревне проживает по прописке 80 человек: некоторые из них служат в армии, кто-то уехал учиться в различные города, и часть людей работает в районном центре. В деревне есть клуб и станция. В основном жители занимаются рыбалкой, охотой и заготовкой дров. Весной, когда была в командировке, о делах маленькой деревни мне рассказали Раиса Загородняя, Иван Хандыбин, Вадим Туев и Виталий Тынзянов.

Раиса Загородняя, 52 лет:

 – Мы жители Оби. Деревню назвали так, потому что она располагается на высоком месте. В 1940 году жителей 4-х деревень перевезли в одно село. Семьи забрали с собой дома, амбары, скот. Вскоре здесь организовали колхоз. На заливных лугах пасли скот, заготавливали сено. На полях выращивали картофель и турнепс.

Иван Хандыбин, 45 лет:

– В деревне нет работы. Мы теперь безработные, состоим на учете в центре занятости. В месяц получаем небольшое пособие в размере семи тысяч рублей. И это хватает только на муку и сахар. В огороде мы выращиваем помидоры, огурцы и разную зелень. Приезжала к нам губернатор Наталья Комарова. Жители села рассказали о том, что в летний период не ходит пассажирский транспорт. 

Вадим Туев, 47 лет:

– В основном занимаемся ловлей рыбы. В лесу добываем глухарей, куропаток, ставим ловушки для лис, песцов. Некоторые снасти для охоты мы не помним. Пушнину не сдаём, для этого надо зарегистрировать охотничьи ружья.

Виталий Тынзянов, 60 лет:

– Я родился в Ванзетуре. Жена по распределению была направлена на работу в Пугоры. Вот уже 40 лет живу в этой деревне. Жена трудится в клубе, а я уже на пенсии. Много лет работал на станции. Получаю пенсию, мне хватает. Добываю рыбу, чтобы прокормить семью, иногда продаю. В первые годы жизни в селе было большое хозяйство, после большого наводнения уже не держим скот. Раньше жителям деревни жилосьлегко, а теперь работы нет. Нам предлагали переехать в село Теги, но никто не согласился. Мы можем на своих родовых угодьях рыбачить, собирать ягоды и грибы.

Перевод Раисы Решетниковой

 

Рубрика: 
Шуши мирев вәԯупсы - Жизнь хантыйского народа
Номер Ханты Ясанг: 
№ 19 (3415)
8.10.2014