- Хантыйский
- Русский
Кантеровăт – вўӆэт ӆавăӆты ёх
Юхи хӑщум оӆăтн Ёмвошев – щит Югра мўв мăӊхăтԯӑң тӑхи нємн аӆьщӑты питсы. Щи пăта тăӆа вум пурайн кашӑӊ йиӆуп оӆ постăты вєр еӆпийн па еӆӆы рўтьщăты хăтӆăтн «Археопарк» хăрн нємасыя юнтăӊ па амтăӊ нюки хотăӊ кәрт ӆэщăтӆы.
Йиӆуп 2023-мит оӆ постăты пурайн тăта ищиты юрн хотăт, щит няврємăт пăта нюки хот, сыр-сыр пурмăсăт тăйты юрн хот, мойӊа юхтум мир пăта шуши мир йис вәӆупсы ванӆтăты, арсыр йис хурамăт вєрты вәнӆтăты па ариты-якты вєрӑт аӆьты нюки хот, «Хăнты хăннєхә хуща» па IT- нюки хот. Щи тумпийн «Археопарк» нємуп хăрн хăннєхә пӑӆаттыйн ӆоньщ эвăӆт хурамăӊ па єӆпăӊ ӆапăт ӆоньщăӊ хăнты мир аканят шиваӆăты рăхăс.
Йиӆуп 2023-мит оӆ мăӊхăтӆăт әмща постăты па рўтьщăты щира «Археопарк» хăрн Сәрханӆ мўв эвăӆт вўӆэт ӆавăӆман тăйты Кантеровăт рәт ёх нюки хотăт омсăӆтыйӆсăт. Щив вантман – нюр ай кәртые тывăс.
Нюки хотăт омăсты па вўӆэт ванӆтăты вєр әхтыйн Клим Кантеров кәщая вәс. Ԯўв йиӆуп нєӊиеӆ Виктория Каюкова пила юхтăс. Айӆат нє щиты лупăс:
- Мўӊ Лянтор вош эвăӆт тыв, Ёмвоша, йиӆуп оӆ мăӊхăтӆăтн рәпитты щира юхăтсўв. Нюки хотӑт па вўӆэт тәсўв, ӆәӆн вошăӊ па мойӊа юхтум мира Сәрханӆ мўв йис вєрăт ванӆтăты, хăнты мир ӆєтутӑтн ӆапăтты, вўӆы әхăӆн мир хăтăтьӆяты. Ма щирємн, тăм вєр шєӊк әмăщ! Ин ванттємн, Ёмвошăӊ па мойӊа юхтум мира мўӊ йис вєрӆўв шєӊк әмщăт, няврємӆаӆ имухты вўӆы әхăӆа ӆєӆумӆăт па хăтăтьӆяты шєӊк вўратӆăт. Ăӊкиӆаӆа-ащиӆаӆа тăм вєр ищи сăма рăхӆ.
Интăм мўӊ вәнт шушийн вәӆӆўв. Ма, вантэ, айтєӆн вәнт шушийн вәсум па єнумсум. Щăӆта Угут кәрт ăшколайн вәнӆтыйӆсум. Щи пурайн, иха ӆўӊăтты ки, ма 11 оӆ ăшкола-интернатн вәсум, юхи тәп рўтьщăты хăтӆăтн ăӊкємн-ащємн тәтьӆясаюм.
Ăӊкєм нємӆ – Наталья Ивановна, ащєм – Николай Данилович Каюковӊăн. Ԯын ищиты вәнт шушийн вәӆӆăӊăн. Иха вәйтантыйӆӆўв ки, кўтэвн мўӊ тәп хăнты ясăӊăн путăртӆўв, няврємӆўв ищиты рәт ясăӊ ма тăйӆăт. Нын ӆэщăтты «Хăнты ясăӊ» газетайн мўӊ ӆўӊăтӆэв, щит мўӊ хущева вәнта тәтьӆяӆы.
Икєм нєм нын ма вәйтӆăты. Щит Клим Кантеров. Ԯўв ванкўтӆы тыв, Ёмвоша, рәпата щирн юхтыйӆ. Ма щит тәп нӆ пўш тыв юхтыйӆсум, вантэ, кăт няврєм тăйӆум. Ин ӆын еша вәншăка йисӊăн.
мăӊхăтӆăт пăта Югра мўвн вәӆты мира ар тӛпăӊ ясӊăт китӆум. Ищки тәрумн ăн потты, аршăк хăтыйӆты па апрăӊ м вєрăт тўвман еӆӆы вәӆты.
Александр Юрьевич па Ирина Константиновна Кантеровӊăн ищи Лянтор вош эвăӆт юхӑтсӑӊӑн. Кăтӊăн йис вєрăт тўвман вәнт шушийн вәӆӆăӊăн. Иха сăма рăхсăӊăн па интăм атэӆт ар няврємăӊ хоттєӆ ёха питсăӊăн. Пиӆыеӊăн нӆ няврєм єнмăӆӆăӊăн. Айӆат хә ясӊăт щирн, Ёмвоша мăӊхăтӆăта ӆўв яӊкєм оӆ ӆуват вўш эвăӆт рәпитты щира юхăтты питăс. Ая вәӆмаӆ пура эвăӆт вўӆы әхăӆн мойӊ мир хăтăтьӆяты вєрӆ ма вәӆӆэ.
Хәӆмит Кантеровăт хоттєӆ ёх, щит Денис Григорьевич па Екатерина Андреевна. Тăм кăтӊăн вәӆупсэӆ оӆăӊăн ищи ай павăтсăӊăн:
- Мўӊ «Нюки вош хўлы» нємпи хăра нємасыя рәпитты юхăтсумн. Ма ăӊкєм-ащєм вўӆэт ӆавăӆман вәнт кәртэвн вәӆӆăӊăн. Ăӊкєм нємӆ Аграфена Фёдоровна, ащєм Григорий Александрович нєм тăйӆ. Ма Екатерина Андреевна пиӆым пиӆа кăт няврєм єнмăӆӆумн. Юӆн рәтӆўв, няврємӆўв пиӆа мўӊ тәп рәт ясăӊăн путăртӆўв, щи пăта ӆыв айтєӆн ясăӊ така тăйӆăӊăн. Ёмвоша мўӊ ванкўтӆы юхтыйӆӆўв. Итәх щосн нєпекăт тәса ӆэщăтты щира, итәх артăн мўӊ нємасыя арсыр мăӊхăтӆӑта вохийӆӆаюв. Юхи хăщум оӆăтн йиӆуп оӆ постăты щира нюки хот ванӆтăты па вўӆы әхăӆн мир тәтьӆяты Ёмвоша юхтыйӆӆўв. Щи пăта мойӊа юхтум мира тăӆаӊа, уяӊа-пищăӊа хурамăӊ Югра мўвевн еӆӆы ищиты м нумăсн вәӆты па рәпитты.
Светлана Ромбандеева
Хăнты ясăӊа тулмащтăс:
Ирина Самсонова
Кантеровы – люди оленные
В районе Археопарка в Ханты-Мансийске к Новому 2023 году ставили семь чумов – детский чум, хозяйственный, чум туриста, ремёсел, творчества, чум «В гостях у ханты», IT-чум. Площадку назвали «Чумовая улица». В этом году её украшали семь ледовых скульптур традиционной куклы народов ханты и манси – акань.
На праздник в столицу Югры со стойбищ Сургутского района приезжали оленеводы с оленями. Виктория Николаевна Каюкова рассказала:
– Мы приехали из Лянтора, будем работать все праздничные дни Нового года, до 8-го января. Со своим чумом и оленями приехали. Гости посещают чум, интересуются нашими традициями, детей на оленях катаем.
Живём мы в лесу, в тайге, я там и выросла. Училась в посёлке Угут, 11 лет жила в интернате, домой только на каникулы ездили.
Мама моя Наталья Ивановна Каюкова, отец Николай Данилович Каюков. Они также в лесу живут. Между собой мы на хантыйском разговариваем, и дети, конечно, тоже знают родную речь. Мы читаем газету «Ханты ясанг», её привозят к нам.
У меня двое детей, мужа зовут Клим Кантеров. Сюда я четвёртый раз приехала, а Клим уже много раз приезжал по работе. Жителям и гостям города желаю здоровья, и в нашу суровую зиму не замёрзнуть, больше двигаться. Удачи, благополучия, мирного неба над головой!
Супруги Александр Юрьевич и Ирина Константиновна Кантеровы приезжали из Лянтора. Мужчина сказал, он с детства рос с оленями, в Ханты-Мансийск с 10 лет приезжает, гости любят кататься на оленях. Семья у них многодетная, четверо детей.
Денис Григорьевич Кантеров немного рассказал о себе:
– Мы из Лянтора приехали. Родители мои оленеводы, мама Аграфена Фёдоровна, папа Григорий Александрович. Мою жену зовут Екатерина Андреевна, у нас двое детей. Дома мы по-хантыйски говорим, поэтому наши дети знают свой язык.
В Ханты-Мансийск часто приезжаем по делам, оформляем документы. В последние годы на Новый год приезжаем, детей и гостей города катаем на оленях. Поздравляем всех жителей округа с Новым годом! Желаем здоровья, счастья, мира!
Светлана Ромбандеева
Перевод на хантыйский язык Ирины Самсоновой
