Шуши мирев культура - Культура обско-угорских народов

Мўвтєӆ мирӑт кўтн ин тӑм вәнты ар йис путӑр хӑннєхә әптӑт оӆӑӊӑн тәӆы. Увӑс мўв мирӆўв хущи ищи щимӑщ вєр вәӆ. Йис вўш эвӑӆт шуши мирӆўв картӑӊ сэв тӑйсӑт. Вантэ, әптӑт хӑннєхә ӆавӑӆты щир тӑйԯӑт. Щи пӑта әптӑт ма тӑйты мосӑс, нух сэвты, арсыр хурамӑӊ карты щўӊкӑтн хурамтӑты.

Мєт оӆӑӊ ӆўӊ хӑтӆӑн, Мўвтєӆ няврємӑт ӆавӑӆты хӑтӆӑн, йис пурмӑс шавиты па ванӆ­тӑты «Торум Маа» хот хуща Вурщӑк мӑӊхӑтӆ вє­рӑнтыйӆса.

Йис путрӑтн, йис монь­щӑтн вурщӑк сыр-сыр щира тӑйса. Вурщӑк и щирӑӆн – щит йис тәты вой, кимӑт щирӑӆн па – няврєм ӆавӑӆты вой,  няврє­мӑта уй тәты вой, няв­рє­мӑта ясӑӊ хӑщуп­тӑты вой.

Йис пурайн кондинской вухаӆь ёх вурщӑка пойк­щӑсӑт па нємасыя поры вєрӑнтыйӆсӑт. Тӑм порєс­ты вєр вухаӆь ими А.М. Конькова нє­пека хӑншӑс па тӑмхӑтӆ вәӆупсыйн йиӆуп мӑӊхӑтӆа вєрса. 

Ас нопӑтты тыӆӑщ 22-митн Югорск вошн «Народные традиции в реалиях города» нємпи шуши мир этнокультурной форум вәс. Щит «Югра ӆыӆӊуптӑты» нємпи шуши мир ассоциация ёх ӆэщӑтсӑт.

Мєт сыры ассоциация ёх Югорск па Совет­ской вошӊӑн хущи шуши мир пиӆа вәйтантыйӆсӑт па путӑртсӑт, муй щирн ӆыв хущеӆа кәщайт нўша  вєрӑт тўӊматты нётӆӑт.

«Югра ӆыӆӊуптӑты» ас­социация кәща нє Люд­мила Алфёрова, Манстӑр район щи тӑхи кәща ӆӑӊ­кӑр нє Валентина Фанова па Советской вошӑӊ тӑхи Оксана Серебрякова рә­патайӆаӆ оӆӑӊӑн ай тәс­ӑт. 

Ас нопӑтты тыӆӑщ 27-митн Россия мўвевн киникайт ӆўӊӑтты хот мӑӊхӑтӆ постӑсўв. Тӑм хӑтӆӑн Ёмвошн Югра мўв киникайт ӆўӊӑтты хот рәпатнекӑт рәпатайӆаӆ оӆӑӊӑн путӑртсӑт па арсыр әмӑщ тӑхет аӆьсӑт. Киникайт ӆўӊӑтты хотн мойӊ ёх вєритсӑт арсыр әмӑщ нєпекӑт вантты па рәпитты хуятӑта м ясӊӑт лупты.

Тӑта рәпит­ты нє Евгения Оста­нина мойӊ ёха киникайт ӆўӊӑт­ты хот ванӆтӑс. Сыры мўӊ тӑм хотн мєт м рә­питты ёх оӆӑӊӑн хурӑӊ ванӆ­тупсы шиваӆӑсўв. Ӆыв тәняӆ коронавирус мәш пурайн тарма рә­питсӑт. 

Еӆӆы Е.И. Останина бук­вайт хӑншты вән карты щўңк аӆяс: 

Кева мӑнты нумсєм щи питыйӆмаӆ, 
Овкәрт пан нёӆн па м вәӆум вєрсум. 
Мирӆам пиӆа путрємӑсум, мосӑӆтӑсум, 
Няврємӆам пиӆа шӑншӑн ӆэӆтумтсум.
Оӆӊєм уккеӆн нюхтӑӆєм
Пелӑкӆам сувн хўват
Нухӆы ма мӑнӆум.
Ӛшєм вана вєрман ариӆум,
Еӆӆы Хӑрсора юхӑтӆум,
Вўӆыӆам рўтьщӑӆӑт.
Щӑӆта Нымвошкәрт вана юхӑтӆ,
Щӑта кумайӆам пиӆԯам хуща хойӆум,
Шай яньщӆум, ариӆум па мӑнӆум.
Кирум кәрт хӑщӆ,
Ай Ӆовсӑӊхум хӑщӆ.
Сєма питум кәртєма юхӑтӆум
Хот овєм портыман омӑсӆ,

Ёмвош район Кышик вошн 800-кєм хуят вәӆ, ӆыв кўтэӆн ар хӑнты хуят. Щӑта няврємӑт иса хӑнты кәртӑтн вәӆты ёх иты шуши мир кӑсты вєрӑт пєӆы сӑмӑӊӑт. Щи оӆӑӊӑн мӑнєма Иван Владимирович Лозямов путӑртӑс.

Щимӑщ йиӆуп киника тӑм 2021-мит оӆн Югра мўвев писателят муй поэтӑт оӆӑӊӑн литературной критик хәев Михаил Рябий кашӑӊ хӑннєхә пӑта тәса хӑншӑс. Киникайӆ «Первый издательско-полиграфический холдинг» тӑхийн Санкт-Петербург вошн нємасыя Россия хон пєлӑк ӆуватн ӆўӊӑттыя єсӆӑс.

Щи йиӆуп нєпекӑӆ араттєӆн ветсот кӑтхущьяӊ страница араткєма йис па ветсот щимӑщ киника щи из­дательства хот йитн м­сыева вєрсы.

Там ванӑн «Хӑтӆ» нємпи Ас-угорской театр хуща рәпитты шуши мир артистӆўв Победа мӑӊхӑтӆ пос­тӑты кєши йиӆуп «Вуӆаӊ» нємпи якӑӊ етн­хот ванӆтӑсӑт. Тӑм йиӆуп щирн ӆэщӑтум «пластической» якты вєр Еремей Айпин хӑншум «В окопах, или явление Екатерины Великой» путӑр хўват ӆэщӑтсы.

«Вуӆаӊ» нємпи етнхот Пєтра хон вош эвӑӆт ре­жиссёр ики Анатолий Гу­щин омсӑӆты вўянтӑс. Йи­ӆуп щирн аӆюм якӑт – Карелия мўв Петрозаводск вошн арсыр мирӑт яка вәнӆтӑты хә Александр Козин унтасн тывсӑт.

Вән кєр тыӆӑщ 10-мит хӑтӑӆн Нижневар­товск вош «Нюӆ х» нємпи ӛращты вєра вәнӆтӑты па рўтьщӑты тӑхи пўӊӑӆн Вурӊа мӑӊхӑтӆ постӑсы.

Ай кєр тыӆӑщ юхи хӑщум хӑтӆӑн «Югра» айкеӆӑт ӑкӑтты хотн вәйтантупсы вәс. Тыв «Торум Маа» нємуп йис пурмӑсӑт шавиты тӑхи  эвӑӆт программайт па проектӑт пиԯа рәпитты хә Вячеслав Кондин па округев оса тӑхет штаб хуща рәпитты хуят, «Новости Югры» газета вән кәща хә Владимир Меркушев юхтыйӆсӑӊӑн.