Шуши мирев культура - Культура обско-угорских народов

Ванӆтупсы «Увӑс ёх нәй эвӑӆт ёнтты йис пурмӑсӑт» 11-мит хӑтӆ вўша Ас нопӑтты тыӆӑщ вәнта Галерея-мастерская Г.С. Райшев хуща рәпитты питӆ.

Тӑм ванӆтупсы пўнш­са, хән мўӊ Ханты-Мансийской автономной округев – Югра 90 оӆа йис. Тӑм вєр ӆэщӑтсӑт хәӆум тӑхийн рәпитты ёх, щит «Союз мастеров традиционных промыслов Югры», «Ханты-Ман­сийс­кое отделение Союза ху­дожников России» па «Га­лерея-мастерская Г.С. Райшева».

Сәрхан мўвн Русскинской вошн ай кєр тыӑщ 20-мит хӑтӑн вўы авӑты, вой-хў вепӑсуман вәты ёх кєша мӑңхӑт вәс. Вўӆєӊ әхӑӆн кӑсты щира тыв Сәрханӆ мўвн вәнт кәртӑтн вәӆты хӑннєхәйт ӑктӑщсӑт.

Аӆӑӊая яӊ щос кємн хә ёх артащсӑт, мӑ­та ёх пит­ӆӑт кӑсты. Еша вәӆман н хопты кирум әхӑтн Тәрум юхан имет па икет ӑктӑщты щи питсӑт. 

Тӑм ванӑн Сәрханӆ мўв Русскинская кәрта ңхмємн Тәрум юхан йис пурмӑсӑт ӆавӑӆман тӑйты хот кәща нє Татьяна Ядрошникова пиа вәйтантыйӆсум. Ӆўв эвӑӆтэӆа Александр Павлович Ядрошников, щит тӑм ими аще, оӆӑӊӑн уша вєрсум. Вантэ, хәнты рўщ хӑннєхә Александр Ядрошников унтасн па ӛрн щи музей пўншсы. 

«Ма шєӊк м рәпата тӑйӆум», – щиты сырыя нёхмӑс мӑнєма Светлана Михайловна Филиппова, хән ма ӆўв пиӆэӆа Игрим вошн Сўмӑтвош районӑн вәйтантсум. Мосӆ лупты, хуты тӑм нє Игрим вош киникайт ӆўӊӑтты хотн кәща нєӊа вәӆ. Щи пӑта иха юхӑтман, путрємӑсман ма ӆўвеӆ тӑмиты иньщӑссєм:

Светлана Михайловна, муйсӑр тӑхийн нӑӊ сырыя вәнӆтыйӆсӑн, хән тӑта рә­питты пиньщӑсӑн па муй нын вошӑӊ библиотека хот оӆӑӊӑн ин мӑнєма айкеӆ ӆэщӑтты вўтьщӑӆӑн?

Вотас тыӑщ 17-20-мит хӑтӆӑтн Сәрхан район Русскинская кәртӑн А.П. Ядрошников нєм­пи мўв-авӑт па хӑннєхә музей хота пиӆтӑщум увӑс мир вєрӑт тәты тӑхийн тӑм мўв вєртутӑң хуятӑт ёнтӑсты хӑра ӑктӑщийӆсӑт. Вәнӆтӑты хӑрн аӆьсы па вәнӆтӑсы, муй щирн Юган юхан хӑнтэт йис щирн нюки эвӑт ай тўтщаӊӑт па ай нюки хириет тәса ёнтты мосӆ. 

Югра мўвевн хӑнты имет йистєӆн сӑхӑт, молупщет, рнасӑт, щӑшканӑт па па пурмӑсӑт ёнтӆӑт, хурамӑӊ хӑншӑӊ сєвум вейт, посӑт тыйӆӑт, тўрлопсӑт па па утӑт вєрӆӑт. Тӑмхӑтӆ вантаты, муйсӑр вєрӑнтты имет мўӊ мўвевн вәӆӆӑт, ӆыв рәт мир йис вәӆупсы еӆӆы тәӆӑт, тәса ёнтӑсӆӑт, тыйӆӑт, сӑк кӑрӑтӆӑт.

 З.Н. Лозямова, Ёмвош

Тӑм хуӆам тәнӆуп тыӆӑщн 18-мит хӑтӆӑн «Торум Маа» музей хуща карты щўӊкӑт мухты мир путӑртты ӑкумсӑт. Тӑм пўш путӑр мӑнӑс «Тыӆӑщ поры оӆӑӊӑн», муй вўрн йис мӑӊ вєрӑт музейт хуща вєрты.

Мєт оӆӑӊ тӑм мӑӊ вєр финской уче­ной А. Каннисто 1906-мит оӆн нєпека хӑншӑс. Ӆўв хӑншум тыӆӑщ пори Ӆєв юхан ов хуща вәӆты вухаӆь мирн вєрӑнтса. 

Хўв мӑр щи вєр оӆӑӊӑн сый-кий ӑнтәм вәс. Щӑӆта Нуви сӑӊхум архивн рә­питты ёх, вәна вум мир эвӑӆт иньщӑсман па щи тӑмӑщ мӑӊ вєр ӆэщӑт­сэӆ, щит Поӆнавӑт вошн вәс. Мир эвӑӆт хӑншум пут­рӑт Т.М. Пятникова нє­пека пунсӑӆэ.

Вотас тыӆӑщ 15-мит хӑтӑӆн Ёмвошн «Буква» нємуп тӑхийн шуши мир шай яньщман рәт сӑӊ еӆӆы тәты вєрӑт, йис вәӆупсы ӆєрамтты суртӑт оӆӑӊӑн путӑртсўв. Кашӑӊ хӑннєхә ай павтӑс, муйсӑр вєрӑт 2020-мит оӆ мӑр ӆэщӑтӑс. 

Мєт оӆӑӊӑн ки­ни­ка ӆўӊӑтты хотн рәпитты нє Алла Иш­ти­мирова-Посохова сӑӊ вўс:

Щимăщ нємн мăсы Вуӆаӊ Отечественной ӆаӆь пурайн єнмум няврємăт оӆăӊăн вєрум документальной кина.

Тәняӆ Вуӆаӊ Победа 75 оӆ постăты щира Россия мўвев президент нємасыя поступсыйн ёш пос пунăс. Щи пийн Россия ӆуваттыйн щи оӆ ма постăты щира арсыр мосты вєрăт ӆэ­щӑтты питсыйт. Нижне­вартовской район культура вєрăт тәты профсоюз ёх Вуӆаӊ ӆаӆь пурайн «Ар вўрн шєӊкӆӑты рӑхӆ…» нємпи документальной кина вєрты пăта грант вух ёша павӑтсӑт, ӆывеӆа щи вєр тәты пăта 1 956 046 шойт вух мăсы. 

Югорск вошӑӊ киникайт ӆўӊӑтты хотн ар оӆ вәӆ па арсыр айӆат па вән хӑннєхуятӑт пиӆа рәпитӆ Ольга Николаевна Валинурова. Ма тӑта мосванӑн ӆўв пиӆэӆа нємасыя вәйтантыйӆсум па путрємӑсум. Мӑнєма әмӑщ вәс уша павӑтты, муй хурасуп вәйтантупсэт вєрӆӑт, муйсӑр айкеӆӑт киникаиӊ хӑншты ёхӆўв оӆӑӊӑн путӑртӆӑт. Муй щирн арсыр щимӑщ вєрӑт ӆыв хущеӆа мӑнӆӑт, ма тӑм нє иньщӑссєм.

- Ольга Николаевна, мєт оӆӑӊӑн мўӊева айкеӆ тў­ва, Россия мўвев мӑта тӑхи эвӑӆт нӑӊ тыв вәӆты-хоӆты юхӑтсӑн?