Шуши мирев вәԯупсы - Жизнь хантыйского народа

Тәня о ўң пурайн Сўмӑтвош район Ванзетур кәрта рәпата щирн яңхмємн ма хӑнты нє Фаина Алексеевна Собянина (Отшамова) пиа вәтаңа йисум. Тӑм нявлӑк, мир пєа сӑмӑң имие хәумъяң мутас о ӑшколайн няврємӑт вәнтӑты нєңа рәпитӑ. Тӑмхӑт ўв вәупсэ, рәпатӑй оӑңӑн нынӑна хӑншты ӑңхаум.

Тӑм хурасӑң хӑнты имие Фаина Степановна Кривых (Аликова) Русскинская кәртӑн вә. ўв ӑшколайн няврємӑт хӑнты пурмӑсӑт вєрты вәнтуман рәпит. Ма ўв пиэа вәтӑңа йисум, хән товийн «Медиашкола» вєр әхтыйн щив яңхсўв.

Тӑм ванӑн лыпӑт тыӑщн 17-мит хӑтӑн Мордовия мўв вуӑң Саранск вошн Н.П. Огарёв нємпи Мордовской государственной университетн хӑнты айат нє Анастасия Шиянова «Парные слова хантыйского языка (на материале шурышкарского диалекта)» нємпи диссертация етшуптӑс па филологической наукайт кандидат нєм хоумтӑс.

Ас нопӑтты тыӑщ Сәрхан район Русскинская кәрта арӑң-якӑң па тынєсты хӑр «Увертюра снежного края» нємпи вантупсыя яңхмємн ма путрӑң па әмӑщ хӑншӑң щаня ёх ернасӑн хӑнты имие пиа вәтӑңа йисум. Щит Зоя Николаевна Молданова.

Сәрхан вош увӑс мирӑт культура хот кәща нєңа ар о мӑр вухаь нє Марина Викторовна Самсонова вә па рәпит. ыпӑт тыӑщ 22-мит хӑтӑн ыв хущеа район арсыр ай кәртӑт па вошӑт эвӑт хӑнты ёхўв ияха юхтыйсӑт па ай хопӑтн кӑссӑт. Муйсар пурайтн тӑмӑщ кӑсупсэт вєрты питсӑт па муй унтас ыв шуши мирӑта тәӑт, щи вєр оӑңӑн нємасыя щи тӑхи кәща нє пиа путрємӑсум.

Геннадий Фёдорович Гурин Невьянск вошн Свердловской областян єнмӑс. Хәнты щи вош Демидовӑт хон воша вәс. Вошие Нейва юхан хонӑңӑн омӑс, щит пӑты Невьянск нєм тӑй. Щӑсаты юхан хўват и ки єсащты, Нейва щӑта хӑтань щирн Ницца нємн аьщӑы. Мос лупты, щи мўвн катра йисн хӑнтэт па вухаят вәсӑт, щит пӑты щӑта ар тӑхийн юханӑт па орӑт хӑнты па вухаь щирн аьщӑыйт. Нейва ищимӑщ нєм тӑй. Вәйтантыймємн Г.Гурин лупӑс, ай вўш эвӑт уша вєрты ӑңхӑс, «Нейва» рўщ ясӑңӑн щит муйсӑр ут? XVII-мит йисн Нейва юхан Невья нєм тӑйс, ӛхӑт рўщӑтн Нейвая аьщӑты питсы. Итәх нєпекӑң ёх луплӑт, хуты хӑнты щирн Невья щит Нуви юхан.

Москва хон вошева рәт ясңӑта вәнтӑты ёх кӑсупсыя яңхмємн ма тувинской ясӑңа вәнтӑты нє Алевтина Петровна Байыр-оол пиа вәтӑңа йисум.

Сўмӑтвош район Саранпауль воша яңхмємн ма ӑшкола кәща пиа вәйтантыйсум. Щит Андрей Дмитриевич Попов. Мин путӑртсумн ӑшкола вєрӑт оӑңӑн.

Мўвтэ мир яматы тӑхи щирн иса мўв уваттыйн кашӑң секунда мӑр хоңса таты вєр эвӑт и хӑннєхә сурма пит. Россия мўвевн 44 миллион хӑннєхә шар таӑт, кашӑң о щи вєр эвӑт 400-500-кєм хуят ӑнтәма йи.

Кимит ай тохтўр нє – щит Галина Иргиевна Азыдова. ўв Сўмӑтвош район пәьницая Калмыкия мўв эват 2009-мит он рәпитты юхтӑс.