Шуши мирев вәԯупсы - Жизнь хантыйского народа

Щиты Корлики кәртӑң ӑшколайн няврємӑт хӑнты ясӑңа вәнтӑты нє Светлана Фёдоровна Прасина лупӑс. Тӑм хӑнты ими ай кєр тыӑщ 10-мит хӑтӑн 1969-мит он Фёдор Семёнович Каткалев хотн сєма питӑс.

Нуви сӑңхум район Касум воша яңхмємн ма Любовь Ивановна Григорьева пиа вәтаңа йисум. ўв щӑта 23 о мӑр няврємӑт вәнтӑты нєңа рәпит.

Вәйт ор тыӑщ 29-мит хӑтӑн хўв пӑнта мӑнӑс хӑнты хә Герасим Николаевич Дыбин. ўв яма па тәса рўщ па хӑнты нарӑсты утӑтн юнтӑс па щи вєра няврємӑт вәнтӑс. Сыры пурайн Ваньщавӑт кәртӑн кашӑң емӑңхӑтӑн ўв нарӑсты сыйа мир хәӑнтсӑт.

Ма щащем Мария Алексеевна Новьюхова 1897-мет тӑн Хосyм куртӑн сэма питӑс Алексей Дорофеевич Неттин семья хщи. Щащем ащи оӑң нэңӑ ӑнтума йис, кӑт няврэм хӑщӑс. Щит Вара па Пая. Атэт вуты авӑрт вус, щирн щащем ащи кимет нэ тус. Щи нэ Шухaн курт (Шаганы) эты вумa. ўв ищи хуй ӑнтума  ювмa па кӑт няврэмӑ хуй эты хӑщмa. Щит Микола па Киршка. Ин щи кӑт няврэмӑң хятңӑн яха мӑнмaн, мхты ня няврэмӑңа  ювмaн. ын  яха вуты питмaн юпийн па 5 няврэм тӑиымaн. Щит Татья, Тарья, Коля, Марья па Нащта.

Вухаь Костин ёх  хўв йис тєн Ас пўңӑн вәсӑт. ыв вой-хў вепӑсӑты каркамӑт. Хўӑң Ас пўңӑн вәты хуятӑт мурта яма вәсэ муй вўрн па хән мухсӑң, вўнш, сәх катӑты рӑх. ыв Най нәмман, Вәрта пойкщуман вәсӑт. Яң няврємие єнмӑтум икєңӑн-имєңӑн Прокопий Семёнович па Евгения Андреевна Костинңӑн Перегрёбной вошн вәсңӑн.

Тӑм он ўң рўтьщӑты пўра мўң увӑс мўв няврємўв пӑты вән амӑт тәс. Вантэ, мєт оӑң пўш Краснодарской мўв Питы щорӑс хонӑңӑн Анапа вош «Черноморская зорька» нємпи рўтьщӑты па ямӑты тӑхийн «Арктика мўв нумсӑң няврємӑт» нємуп нємасыя мўвтє смена эщӑтсы.

Фёдор Михайлович Чирков Ёмвош районӑн Кышик вош кәщая вет о мӑр рәпит. ўв тәнуп тыӑщ 18-мит хӑтӑн 1966-мит он Тренька вошн Ёмвош районӑн сєма питӑс. Щӑта 1981-мит он Кышик вошн нив класс етшуптӑс. Еы Луговской вошн ӑшколай етшуптӑсэ. 

«Хӑнты ясӑң» 5-мит нєпекӑн хӑншсум няврємӑт вәнтӑты нє, вєрӑң па якты-ариты ими Клавдия Ксенофонтовна Шадрина оӑңӑн. Путӑртмємн пурайн ўв вәупсэ тухӑпи рәта оӑңӑн па пурмӑс вєрты әхтыйн ай павтӑс. Тӑм хӑт щи путӑр еы тәэв.  

Савинӑт па Шадринӑт рәт эвӑт

Тамара Семёновна Макарова Тэк куртэвн нэңӑт кўтн мет нптӑ вун. Туп щиты нэмт хят ӑн нмӑма. ўв таксӑр, нявлак сӑмпи па каркам ёшпи нэ, кашӑң хӑт вуты хӑтӑ ещат умща вантӑ. Мўң, вуна пелка ювм ёх, мты ям вер яха верты питўв ки, Тамара Семёновна ёхӑт, яха верӑв щи верӑӑв.

Валерий Алексеевич Каданцев пиа ма ай кєр тыӑщ 26-мит хӑтӑн Югорск вошн А.И. Харизова нємуп киникайт ўңӑтты вән хот йитн вәйтантыйсум па ўв пиэа путрємӑсум. Щи щосн вош эвӑт ияха ӑктӑщум хӑннєхуятӑт пӑта ма литературной вәйтантупсы эщӑтсум, хута хурамӑң хӑнты арӑт арисум па йис пура моньщӑт арсыр вошӑң мирӑта рўщ ясӑңӑн моньщсум. Щӑта аюм-китум айкеӑт тәсум щи хӑннєхуятӑта, муй щирн йис пура вўш эвӑт па ин тӑмхӑт вәнта тӑм увӑс мўвевн хӑнтэт вәсӑт, вой-хў вепӑсӑсӑт, вәлупсыа эщӑтсӑт.