Шуши мирев вәԯупсы - Жизнь хантыйского народа

Валерий Алексеевич Каданцев пиа ма ай кєр тыӑщ 26-мит хӑтӑн Югорск вошн А.И. Харизова нємуп киникайт ўңӑтты вән хот йитн вәйтантыйсум па ўв пиэа путрємӑсум. Щи щосн вош эвӑт ияха ӑктӑщум хӑннєхуятӑт пӑта ма литературной вәйтантупсы эщӑтсум, хута хурамӑң хӑнты арӑт арисум па йис пура моньщӑт арсыр вошӑң мирӑта рўщ ясӑңӑн моньщсум. Щӑта аюм-китум айкеӑт тәсум щи хӑннєхуятӑта, муй щирн йис пура вўш эвӑт па ин тӑмхӑт вәнта тӑм увӑс мўвевн хӑнтэт вәсӑт, вой-хў вепӑсӑсӑт, вәлупсыа эщӑтсӑт.

Павел Кириллович Дунаев пиа ма Советской вош киникайт ўңӑтты хот йитн ай кєр тыӑщ 27-мит хӑтӑн вәйтантыйсум па путрємӑсум. Тӑм Лозьва юханӑң вухаь ики Ханкокәртӑн 1959-мит он нуви тәрум ипия юхтӑс па ай пура оа иса щи кәртӑн мӑнсӑт.

XX-мит «Мужские и женские ремесла: музееведческий и этно-педагогический аспекты» нємуп вєртут вєрты хӑрн, щи ут лыпӑт тыӑщн «Торум Маа» музейн вәс, щӑта Павел Михайлович Тользин пиа путӑртсум. Мєт сыры ўв рәта оӑңӑн путӑртӑс, вантэ, мўң мўвев тумпи Тользинӑт Ямалн вәӑт. Ӛхӑт ўве иньщӑссєм, хән пурмӑсӑт вєрты вәнӑс па «Хӑнты ясӑң» нєпек ўңӑт муй ӑнтә.

Сәрхан вошн «Соцветие» нємпи якты-ариты емӑңхӑт пурайн тынєсты хӑрӑт рәпитсӑт. Щи артӑн ма хәум тынєсты хӑр шиваӑсум, щит нєш, и вєрӑнтты ими эщӑтма. ўв пиӑа вәтаңа йисум, щит Римма Кирилловна Молданова.

Хурн Варя Брусницина па пурмӑс вєрты хә Александр Сайнахов. Щи эвие лыпӑт тыӑщн «Тәрум Маа» музей хущи вєртут вєрты хӑрн ӑңке-аще па Павел Тользин щатьщаще пиа вәс.

Варяен ӑңки Анастасия Тользина Касум эвӑт вә, Анатолий Брусницин аще — вухаь хә Конда мўв эвӑт. Тӑм семья Ёмвошн вә, Анастасия па Анатолий щи музейн рәпитӑңӑн. Щатьщаще Касум эвӑт нємасыя щив юхтыӑс, ўв вєртут вєрты ики. Вухаь хә Александр Сайнахов арсыр мўвӑтн вәты мирн вәы. ўв ар о пурмӑсӑт вєр па нәам вантупсэта, щӑта пурмӑс вєрты хӑрӑта яңхӑ.

Ай кєр тыӑщн «Торум Маа» музейн ихущъяңмит пўш «История семьи в истории страны — след прожитой жизни» нємуп вантупсы пўншийсы. Мєт оӑңӑң щимӑщ ут 2008-мит он вәс, щи пурайн А.М. Хромова рәт оӑңӑн мирхот эщатыйсы. Мирхотн Эрика Сургутскова лупӑс: «Хәнты тӑмӑщ вантупсы вєрты мўң хотэв рәпатнекӑт нумӑс павӑтсӑт. Интум вәнты арсыр рәт оӑңӑн щи ут вєрӑнтсўв».

Тӑм тӑн мўң Тэк куртэв 65 оа йис. Щи арат тӑла йис ин вуты куртэв. Вӑнтэ, тӑм куртэв епийн мўң рутӑв йис прайн Катра Тэкн вусӑт, ёхaт па Кўтуп Тэка мирэв касӑс. Щирн, иса яха ки хум куртэв нуптӑ ўңӑтты питўв, щит шеңк ара щи ўв йисӑ пит.

Кашӑң ўң вәщ тыӑщ кимит рўтьщӑты хӑтӑн хў вепӑсӑты ёх хӑт постӑы. Тӑм емӑңхӑт 1965-мит он Ас нопӑтты тыӑщ 3-митн СССР Верховной Совет Президиум поступсыйн эщӑтсы. Щи пурайн хў вепӑсӑты вєр яма мӑнты питӑс, рыпакӑт ар хў весӑт па ар вух рәпитсӑт. Советской Союз пурайн хў вепӑсӑты ёх пӑта вошӑтн па кәртӑтн вән емӑңхӑтӑт вєрӑнтсыйт. Щи пурайн мирхотӑтн мєт яма вепӑсум па ар хў веум рыпакӑт ишӑкты нєпекӑтн па тынӑң мойупсэтн мойӑсыйт. ыв пӑтэа якты-ариты етнхотӑт, кӑсупсэт, вантупсэт вәсӑт.

Щиты путӑртты оңитӑс Русскинской кәртӑң ими Татьяна Архиповна Малахова. Ма ўв пиэа Сәрхан вошн «Соцветие» нємпи фестивалян вәтаңа йисум.

Леккар ёх емӑңхӑт лыпӑт тыӑщн пориӑы, тӑм пўш 17-мит хӑтӑн щит вәс. Щимӑщ емӑңхӑт 1971-мит он вєрсы, хән здравоохранения Мўвтє тӑхи па «Врачи без границ» нємуп тӑхи ёх Мўвтє тохтўрӑт нємуп емӑңхӑт постӑты нумӑс павӑтсӑт.