Айкеԯӑт - Новости

Ин 2022-мит оӆ щи сухнăӆ. Щит ӆавăрт оӆ вәс. Тәп мўӊ хуӆыева и­ха катӆăсман, и вєрн, и нумăсн вәӆты вєритсўв.

Йиӆуп оӆ мăӊхăтӆ постăты пурайн мўӊ рәт­ӆўв, ӆәхăс ёхӆўв эвăӆт хо­шум па тӛпăӊ ясӊăт ӆа­вăӆӆўв. Мєт вән пәма­щи­па ясӊăт мўвев ӆавăӆты ёхӆўва лупты ӆăӊхаӆўв. Ԯыв атӆ-хăтӆ Россия мўвев ӆавăӆман вәӆӆăт.

Россия мўв президент ики Владимир Путин пар­тупсы щирн, йиӆуп 2023-мит оӆ «Няврємăт вәнӆтăты хуят оӆ» нємн мăӆы. Югра мўвн тăм оӆ «Иха нётăсман вәӆты оӆа» аӆьты питӆўв. Вантэ, нётăсты ёх кўтн тăӆаӊ хăннєхә – щит няврєм вәнӆтăты хуят.

2023-мит оӆ пиӆа! Йи­ӆуп оӆ мӑӊхӑтӆ – щит кашӑӊ хуят пӑта вєра сӑ­мӑӊ хӑтӆӑт. Мўӊ уша вєр­ӆўв, муйсӑр вєрӑт тәняӆ ӆэ­щăтсўв па муй еӆӆы вєрты питӆўв. Ван рәтӆўва ар м ясӊӑт лупӆўв па ха еӆ вәӆупсы оӆӑӊӑн нәмӑсӆўв. Мӑнум оӆн мўӊ вәӆуп­сэв па щирн кєрӆӑс. Нә­мӑсты питсўв, хутыса йи­ӆуп щирн вәӆты мосӆ. Ӆавӑрт вәӆупсыйн мўӊ иха нётӑсман вәӆты питсўв, ӛрӑӊа па щомӑӊа йисўв. Мўӊ арсыр суртӑт пєӆы ӑн вантман еӆӆы шәшӆўв.

Кашӑӊ оӆ округ мӑӊхӑтӆ пурайн Ёмвошн «Товары земли Югорской» нємпи ванӆ­тупсы вєрӑнтӆы. Тӑм оӆн XXV-мит пўш щимӑщ ут ван хӑтӆуп тыӆӑщ 9-11-мит хӑтӆӑтн вәс. 

Ванӆтупсыйн 200 муӆ­тас арсыр тӑхи ёх Югра мўвев 21 вош муй кәрт эвӑӆт вєрум ӆє­тутӆаӆ ванӆтӑсӑт, щит воньщумутӑт, тулхӑт, ар­сыра вєрум ай нянят, вонь­щумутӑӊ, хўӆӑӊ нянят, мавӑт, хўӆ па нюхи эвӑӆт вєрум ӆєтутӑт, ӆәмӑтсух па сӑк, щӑшкан па вўӆы сух эвӑӆт вєрум арсыр хурамӑӊ ай утӑт. Ар пур­мӑс «Югра хущи вєрсы!» нємпи посн кантсы.

Ёмвошн ван хӑтӆуп тыӆӑщн 6-мит хӑтӆӑн «Государственная библиотека Югры» хот йитн Югра хуща вәӆты увӑс мир ясӑӊӑн хӑншум азбукайт па букварят ванӆтупсы вәс.

Хәсмит нәпӑт вәнта хӑнты мир хӑнты ясӑӊӑн хӑншум нєпекӑт ӑн тӑйсӑт, хӑншты пищ иса ӑн тӑйсӑт. Муй вўрн хӑнты ясӑӊ нєпека хӑншты, йис хӑнты ёхн ӑн па вәсы. Па мирӑт кўтн щи кўш муӆ­ты хӑнты ясӊӑт нєпека  хӑншийӆсайт. 

Ван хӑтӆуп тыӆӑщ 13-15-мит хӑтӆӑтн Нуви сӑӊхум район хуща «Югра ӆыӆӊуптӑты» шуши мир оса тӑхи XIV-мит вән мирхот вәс. Тыв Югра мўвев арсыр районӑт, вошӑт, кәртӑт эвӑӆт 50-кєм хуят юхтыйӆсӑт. Мєт сыры мойӊ ёх Касум кәрта йис пурмӑсӑт ӆавӑӆты хота тәтьӆясыйт. Тӑта музей рәпатнекӑт касум хӑнтэт вәӆупсы оӆӑӊӑн путӑртсат, «Касум ёх» кәрт аӆьсӑт, щӑта арсыр хотӑт кӑншман ущхуӆь юнт ӆэщӑтсӑт.

ӊта пӑсанӊӑн

Югра мўв сєма питум хӑтӆ еӆпийн ван хӑтӆуп тыӆӑщ 9-митн Ёмвошн «Югра-Классик» нємпи етнхотн ишӑкты нєпекӑт мӑты вєр вәс. Щи вән мирхота ар мойӊ ёх юхтыйӆсӑт.

Уральской Федераль­ной округ хўват Рос­сия мўв президент ӆӑӊ­кӑр хә Владимир Якушев лупӑс: 

Врач кашенг хоят иньсистыттэ: – Муй­сыр кашины нанг сы­ры кашитыйтсын?

– Нэммотты кашины ма ант кашитсым.

– А путянгыт ки ну­мысман лопта.

– Па иртны ангинаны кашитыйтсым. Я, си муй каши хун?

– Антом – сит тавырт каши.

Грипп-сит ара манты муш, тув сэмны ант катты микробытны ара туты. Там мушны татанг от рахыт кашитта, а ись­ки артытны мет ар хоят мушинга йита питл.

Там муш мушинг ёх эвыт янас ёха хунгхыт полшингны утты мик­робыт эвыт, тякты пол­шинг нох сортат ювпины, сята утты микробыт пыль пита нох этыммитыт. Си­ты тэваса янгхты мик­ро­быт тыт рув пита хан­нэ­хо тыпия питтыт па сит па­та ханнэхо мушит­та питл. Мушинг хоят хуттиты артны иситы микробыт ара мантыт.

Ван хӑтӆуп тыӆӑщ 1-2-мит хӑтӆӊӑнӑн Ёмвошн «Югра-Классик» хотн ӆыв саттэӆа вєрӑт тӑйты 300-кєм хуят вән мирхота ӑктӑщсӑт. Ин щи мирхот «Йиӆуп пура, йиӆуп вәӆупсы, йиӆуп вєрӑт» нєм тӑйс.

Вән мирхот Югра мўв экономика вєрӑт тә­ты департамент кәща хә Р. Генкель пўншман ястӑс: 

- Тӑм ӆавӑрт пурайн ок­ругевн ӆыв саттэӆа вєрӑт тӑйты ёх ищиты щи апрӑӊа рәпитӆӑт. Тәняӆ оӆ киньщи 7 % арат тынєсты вєр мшӑка мӑнты питӑс па 556 миллиард шойт вух арат ӆєтут-пурмӑс ты­ны­сы. Щирн нын ӆавӑрт пура пєӆы ӑн вантман еӆӆы ма рәпитӆăты.

 Москва хон вошн Ас потты тыӆӑщ 23-24-мит хӑтӆӊӑнӑн Увӑс мўв, Сибирь па Дальний Восток шуши мир няврємӑт вәнӆтӑты хуятӑт хәӆмит пўш вән мирхота ӑктӑщийӆсӑт. Тӑм вән мирхот Россия мўв оса тӑхи «Увӑс мўв, Сибирь па Дальний Восток Ассоциация» ёх па рәт ясӑӊ па увӑс мир литература вәнӆтӑты хуятӑт Ассоциация ёх ӆэщӑтсӑт.