Тӑм он Нуви сӑңхум воша яңхмємн ма 

район кәща ӑңкӑр хә Степан Николаевич Молданов пиа вәйтантыйсум. 

ўв путӑртӑс, хутыса районэн хот 

омӑсты вєрӑт мӑнӑт.Сыры оӑтн, хән округевн шуши мирӑт департамент рәпитӑс, хӑнтэта хот мӑты вєрӑт па па нўшайт кашӑң район хўща вантсыйт па тўңматсыйт. Щӑта департамент лӑп тәхӑрсы па иса вєрӑт Ёмвош правительствайн тўңматты питсыйт. Районӑта вухӑт щи вєра ӑн мӑсыйт. Степан Николаевич ясӑң щирн, тӑм ванӑн «Социально-экономическое развитие коренных малочисленных народов Севера» программа 2020-мит о вәнты эщӑтсы. Щирн, интӑм итәх вєрӑт па щи района мӑсыйт. Интӑм ыв район кәртӑтн хотӑт омӑсты щир тӑйӑт. Степан Николаевич лупӑс:

– 2013-мит он мўң орвошн вет йиуп хот омӑссўв. Щи хотӑт мӑсўв щи хуятӑта, хуйтат очередян хӑншман вәсӑт. Интӑм щӑта йиуп пәьница хот омӑсўв, щӑта сот мутас квадратной мєтра пит. 2014-мит он йиуп вән кўлуп щӑта омӑсты питўв. 

Ваньщавӑт кәртӑн мӑнум он ищи кӑт хот ня хотаң ёха омӑссы. Щитӑт няврємӑт вәнтӑты хуятӑта мӑсыйт. Тӑм он щӑта 4 семьяя хот 

омӑсты питы. Еы па щӑта ищи йиуп кўлуп омӑсты питӑт. Паштар кәртӑн па Вўтвошн йиуп пәьница хотңӑн омӑссыйңӑн. Мос луп-

ты, хуты Вўтвошн и вән хот омӑссы, щӑта пәьница, пәщта, кўлуп па еккар вәты хот омӑсман вәӑт. Степан Николаевич ясңӑ щирн, и нўша вә, ай кәртӑтн еккарӑт хўв мӑр рәпитты ӑн ӑңхаӑт. Хәум о мӑра кашащты нєпек хӑншаньщӑт, щи юпийн воша касӑӑт. 

Округевн программа рәпит, щи хўват шуши ёх йиуп хот әтты щира вухн сухуптӑыйт. Степан Николаевич луп, хуты сыры 2008-мит о вәнты нєпека хӑншум ёх иса йиуп хотӑтн муй па хот әтты щира вухӑтн мӑсыйт. Щи пурайн и он хәс мутас семья хотн мӑсы. Мӑнум 2013-мит он Нуви сӑңхум района тәп и семья пӑты субсидия вух мӑсы, тәп ыв щи вухӑт вўты ӑн вєритсӑт. Щит пӑты мӑнум он Нуви сӑңхум районӑн нємхуят субсидияйн хот ӑн әтӑс. Тӑм он щи поступсы еша пасыра вєрсы. Интӑм тәп 50 процент субсидия вух мӑты питӑт. Щи вухӑт мӑыйт тәп щи хуятӑта, хуйтӑт округевн 15 о мӑр вәӑт. Мос лупты, хуты интӑм Нуви сӑңхум районӑн 420-кєм хӑннєхә хӑншман вә, хуйтат ям вәты хот ӑн тӑйӑт. «И он районэва яң семья пӑты субсидия вух мӑты ки питӑт, интӑм щив хӑншум ёх тәп 42 о юпийн йиуп хот әтты щир тӑйӑт. Щит пӑты, ма щирємн, аршӑк вух щи вєра мӑты мос», – лупас Степан Николаевич. 

Ин нўша районэн па вә, иса хуятӑт нётупсы вухӑтн Нуви сӑңхум вошн хот әтӑт, щит пӑты ай кәртӑтн шимӑшӑк хӑннєхә вәты питӑс. 

 

Надежда 

Новьюхова