Тӑм пўш Тўкъякӑң мир кәртэ 220-мит оа ювум хӑт пориӑсӑт. Вәщ тыӑщ нямит хӑтӑн 42 кәртӑң ёх па мойң хуятӑт сӑран хопн кӑссӑт, щитӑт кўтн эвет-пухӑт па вән ёх вәсӑт. Щи вєр тренера вәты хә Александр Михайлов (Понавӑт) артӑӑс. Хопа єты епийн ўв кашӑң хуята лупӑс, муй вєрты рӑх, муй ӑн рӑх. Кӑсты ёх ивәнты кӑт хопн вәщсӑт: и хуят овӑтӑс, кимит хуят сэвӑсн омсӑс. Пєраманяңа хә ёх па нєңӑт кӑссӑт. Хәйт кўтн Георгий Гришкин, Валентин, Эдуард па Артем Себуровӑт, Михаил Покати, Семен Тарлин, Дмитрий Слепенков, Иван Яркин па па ёх вәсӑт. Нєңӑт эвӑт хопа єтыйсӑт: Диана па Александра Лельховайңӑн, Евдокия, Ольга, Елена па Оксана Себуровӑт, Надежда па Людмила Гришкинайңӑн, Ирина Чулкова, Галина Каирова, Роза па Валентина Тользинайңӑн, Светлана Лобачева, Наталья Краснопеева, Ефросинья Вагатова, Варвара Каксина, Юлия Лапеко, Раиса Афанасьева.