Сырыя округ губернатор ӑңкӑр хә Г. Бухтин ясӑң вўс па лупӑс, хуты тӑм ванӑн 17-31-мит хӑтӑтн па хон пєлӑк Катар мўвн кӑши-мәш тӑйты ёх кўтн мўвтє ӛрӑщты кӑсупсы мӑн. Россия мўв кӑсты ёх кўтн Югра мўв эвӑт щив А. Ашапатов, Е. Малых, Д. Душкин па А. Александров мӑнӑт.

Ёмвош округ «Центр адаптивного спорта» кәща хә М. Вторушин ясңӑт щирн, Югра мўвн иса мәшӑтум ёх эвӑт 6029 хӑннєхә ӛрӑщты вєрн вә. Щит кўтн 2893 айат ёх па няврємӑт. ыв пӑтэа кашӑң о арсыр кӑсупсэт эщӑтыйт. Тӑмхӑт округев хўваттыйн 169 тӑхетн кӑши-мәш тӑйты ёх пӑты ӛрӑщты вєрӑт тәыйт. 402 спортивной тӑхийн мәшитты хуятӑт пӑты нємасыя омӑсты па яңхты тӑхет, сыр-сыр мосты щўңкӑт кєншӑка хот ыпия уңты щира эщӑтман вәӑт.

Щи тумпийн кәща хә ясңӑт щирн, мәшмӑтум хуята ӛрӑщты кӑсупсэт пӑты нємасыя щўңкӑт әтты мос. Щит апӑт хуят пӑты кўрн хәхӑты щўңкӑт па кӑт хӑннєхә ёш пӑты нємасыя утӑт. Щи вєр яма тўңматты ки, Югра мўвн мєт ар ӛрӑщты ёх тӑаңа вәты пит.

Щи юпийн сєм мәш тӑйты хуятӑт оӑңӑн путӑр мӑнӑс. Тӑмхӑт Югра мўв уваттыйн 600 хӑннєхә щимӑщ мәш тӑй. ывеӆ ищи вәнтӑты мос, ән ыв мәшы хӑннєхә иты рәпитты ӑт вєритсӑт. Щиты 2016-мит о лыпӑт хойты тылӑщ вўш эвӑт «Сургутской медицинской колледжӑн» массаж вєрты вәнтӑты питы. Щит пӑты Г. Бухтин партӑс, ән ыв вәнтыйты юпийн рәпата ат вәйтсӑт.

2015-мит па 2014-2020-мит оӑт поступсы щирн Югра мўвн кӑши-мәш тӑйты ёх вәупсы кєншӑка вєрты пӑты 84819, 2 шойт вух єсӑсы. Интӑм мир лекщитты тӑхет йипатты питыйт, ән мәшмӑтум ёха кєншӑк яңхты ат вәс. 

Ирина САМСОНОВА