Йис пурмӑсӑт шавиты «Торум Маа» музей хущи «Этнографические посиделки» нємуп мирхот вәс. Хӑнты па маньщи мир ӆәмӑтсух оӆӑӊӑн пўтрємӑты юхтыӆысӑт.

Тӑта ма Людмила Каллистратовна Зубакина, Реональда Степановна Ользина, Светлана Михайловна Астапович, Римма Михай­ловна Потпот пиӆн вәй­тантыйӆсум па ӆыв пу­тӑрӆаӆ тый шӑшсум.
Дина Василь­евна Ге­расимова ясӑӊ вўс: 

- Катра, щит тынӑӊ Евдокия Андреевна Нёмысова эӆты мӑнум вєр. Ма ӆўв пиӆэӆа Поӆ­навӑт кәрта ӊхсум. Щӑта щи мєт оӆӑӊ щимӑщ ёнтӑсты мирхот вантсум. Щи пурайн мӑнєма шєӊк әмӑщ вәс хӑнты нєӊӑт кўтн шай пӑсан оӆӑӊӑн, йис вєрӑт оӆӑӊӑн путӑр хәӆӑнтты. Нєӊӑт ёнтӑс­ман омӑсӆӑт. Ин па ищи­ты ванкўтӆы ӑктӑ­щийӆ­сўв ки, щи ӆәӆн м вәс.

Елена Павловна Соло­мина па стӑӆ: 

- 1987-мит оӆн Ёмвош округ мир творчества хотн ищи тӑмӑщ вәйтан­тупсы вәс. Щи пурайн увӑс мир нєӊӑт  ӆыв муй па рәтӆаӆн ёнтум хӑнты сухӑтн хуӆыева юхӑтсӑт. Щит Реональда Степановна Ользина, Ульяна Николаевна Шульгина, Зоя Никифо­ровна Лозямова, Евдокия Николаевна Вожакова юхтыӆысӑт. Ӆыв вәӆупсэӆ  оӆӑӊӑн щи пурайн ар путӑр хәӆӑнтсўв. Евдокия Николаевна па Зоя Никифоровна тӑӆаӊ етн мӑр мўӊева арӑт ариман омӑссӑӊӑн. Шєӊк әмӑщ вәс.

Людмила Калистра­товна нәмӑӆмийӆ: 

- Ма щит айтєӆн ёнтӑс­ты питсум. Яӊкєм тӑӆа в­мєм пурайн аӊкаӊкєма  рнас ёнтсум. рнас сух вән хуятӆамн ваньщӑсса. Аӊкаӊкємн партсаюм рнасӆ тәп хәӆум пӑнтӑн таӆты. Айӆтыева вәнӆсум вєрантты. Щи вўш эӆты хӑнты ӆәмӑтсух ин па рәтӆама щи ёнтӆум.

Римма Михайловна Потпот путӑртӑӆ: 

- Ма ма нәмӆєм мєт оӆӑӊ хӑнты рнас ёнтум вєрєм. рнасєм ӑньхємн ваньщӑсса. Ӆўв нємӆ Светлана Кузьмовна Тользина вәс. Ма па ӆўв пўӊӆӑӆн ёнтӑсты вєрӆаӆ пєӆа вантман ванкўтӆы омӑссум. Мӑнєма щи мурта әмӑщ вәс йинтпӑӆ па ёнтӑсӆўйӆ лутӑӊ сый хәӆӑнтты! Ӑньхєм рна­сӑт хӑншийн ёнтты па пӑнтӑн таӆты шєӊк апрӑӊ вәс. Ӑӊкия тӑюм утємн па тәсыева веятн па мол­ща­ӊӑтн ёнтыйӆсаюв. 
Мўӊ Тользин рәтӆўв иса вєрантты па ёнтӑсты ёх вәсӑт. Вән щатьщащєм Кунавӑт мўв эвӑӆт вәс, щирн «Кунавӑт Митри икия» аӆьщӑсы. Ӆўв пӑ­ӆаттэӆ кӑрӑщ, ӛр хӑннєхә вәс, нэш, вўӆы порха вущ­кӑӆӆэ па щиты щи тәӆӆэ. Тўрсыйӆ вән щатьщащєм ики шєӊк сыяӊ вәс. Ўвӑт­таӆн ванӑн ӆойты нє иӆ рӑкнӑс. Щимӑщ вән ӛр тӑйс. Ма ӆўвты ма нәм­ӆєм, әпӑтӆаӆ кӑт сэва сэвман тӑйсӑӆӆэ. Вән щатьщащєм нәптӑӆ 106 оӆ вәнта вӑнтыйс. 
Щи пурайн мўӊ вўӆы хотн вәсўв. Вән щатьща­щев хуща вәнт кәрта ар пўш ӊхийӆсўв. Нәмӆєм, ӆўв мўӊев ӆавӑӆман сўва нёрщуман ӆойӆ. Ӆын ащєм пиӆа ванкўтӆы Пўпи як хот ӆэщӑтыйӆсӑӊӑн, арисӑӊӑн па моньщсӑ­ӊӑн.  
Щирн ма ай пура вўш эвӑӆт тӑмӑщ йис вәӆты пищӑт вантсум па хәӆӑнт­сум. 

Щатьщащєм хуща ӊх­тэвн ма нәмӆєм: вән ям имеӆ, ӑньхєм ими, ӆўв питы хӑншуп нуви сӑх тӑйс. Упєм ими па нуви хӑншуп питы сӑх тӑйс. Щимӑщ хурасӑӊ па хӑр­щи ёнтӑсты рәтна нєӊиет щи тӑйсум. Ма айтєӆн шєӊк нумсємн ӆӑӊхасум вусты рнас мӑнєма ёнт­ты. Вәнашӑк вмєм пийн щимӑщ пӑнтӑӊ па нуви хӑншӑӊ рнас мӑнєма щи ёнтыйӆсум. 
Катя эвим иса ма пўӊ­ӆємн єнмӑс, щирн ищи хӑнты ӆәмӑтсух ёнтты ма хошӆ. м арат нәй сӑх ёнтыӆӑс, хә рнасӑт, нє рнасӑт па сыр-сыр хӑнты пурмӑсӑт ёнтӑӆ. Ин няврємӆама ищи хурамӑӊ хӑнты ӆәмӑтсух: рнасӑт, нюки ваят, щи ёнтӆӆӑӆам.

Светлана Михайловна Астапович ястӑӆ: 

- Ая вәӆмєм пурайн нәмӆєм, аӊкаӊкєм ар пурмӑс сундукӑтн тӑйс. Ӆўв Фёкла Андреевна (Шадрина) Евлахова нємӆ вәс. Проточные юртайн Микояновской районӑн сєма питӑс. Хән Андрей Кириллович Евлахов пиӆа ха мӑнсӑӊӑн, Ным Няръёх кәрт мўвн вәӆты питсӑӊӑн. Ӆын нивӆ няврєм тӑйсӑӊӑн.
Ма єнмум пурамн хӑнтыя па маньщия яс­танты ёх еӆєм вәс. Рәт ясӊеӆн пăӆяӊ па ӑн пу­тӑртсӑт, щирн ма рәт ясӊєм ӑн вәйтӆєм. Тәп хән Пєтра хон вошн А.И. Герцен нємпи педагоги­ческой университетн вәнӆтыйӆты питсум, щи пурайн рәт маньщи ясӊєм па вәӆты йис щирӑт уша вєрты нумсєма па сӑмєма щи юхтӑс. 
Няврємӆам сєма питум пийн ма веӆщи рнас ёнтты питсум. Аӊкаӊєм щи пурайн шєӊк нух амтӑс. 
Надежда Андреевна Тынзянова, Россия мўвев народной мастер, щит анкаӊкєм упеӆ. Ӆўв тәсы­ева пӑнтӑӊ па хӑншийн ӆэщӑтум рнасӑт, щӑшкан сӑхӑт ёнтӑс. тлӑӊ вайт тывӆыйс, хурамӑӊ сӑкӑӊ нирӑт па ёнтӑс. Ин ӆўв  пурмӑсӆаӆ «Торум Маа» музей хущи шавиман тӑйӆайт.

Ма нумӑс вєрсум Ас пусӆ кимăӆн вәӆты маньщи ёх ӆәмӑтсухӑт ёнтты. Щи пурайн ма йис пурмӑсӑт шавиты «Торум Маа» музей хущи рәпитсум.  Щӑта тӑм вєрӑт щирн грант вєрсум. Нємасыя тӑм ёнтӑсты пищӑт ху­рамӑӊ киникая вєрсӑӆ­ӆам. Ин щи пурайн ёнтум пурмӑсӆам ма йис пур­мӑсӑт шавиты «Торум Маа» музей хущи щи вәӆӆӑт.

Реональда Степановна Ользина путӑр вўс: 

- Ма аӊкаӊкєм Мария Никифоровна Партанова маньщи нє вәс. Щащєм ими па Агриппина Ва­силь­евна Китаева, ӆўв ищи маньщи нє вәс. Щать­ща­щєм Василий Андре­евич Ользин, ӆўв хӑнты хә, Суреи нємпи кәрт эӆты вәс. Ӆын Агриппина Васильевна имеӆ пиӆа китумтăк 1864-мит оӆн сєма питман вәсӊӑн. 

Аӊщащєм Семён Его­рович Гришкин 1877-мит оӆн вәйт пєлӑк Тўкъ­якӑӊ кәртӑн сєма пи­тӑс. Аӊкӑӊкєм Мария Ни­ки­форовна Партанова нємӆ вәс. Ӑӊким Анна Семёновна Ользина (Гриш­кина) нємӆ вәс.
Мўӊ рәтӆăв кўтн ща­щєм ими Агриппина Ва­силь­евна ӆәмӑтсухӆаӆ тўӊа щирӑӊа шавиман тӑйӆӑӆӆăв. Ӆўв щӑшкан сӑхӆаӆ ӆытовӆаӆ иса порӑх вўш эӆты пӑнтӑн па хӑншийн ёнтман. Тӑюм вән ухшамӆ па мўӊ хў­щева вәӆ.

Тӑмиты ёх шай пӑсан оӆӑӊӑн омӑссӑт, рәт мўв­ӆаӆ па рәт ёхӆаӆ оӆӑӊӑн путӑртсӑт. Щӑӆта па Екатерина Балина, мир­хот ӑктум эвие, ястӑс: 

- Вән пәмащипа ны­нана, ха вәйтантыйӆсўв! Па ха ӑктӑщтэв пурайн хӑншэт оӆӑӊӑн ясӑӊ мӑнӆ. 

Путӑр хӑншӑс: Наталья Краснопеева