1938-мит оӆ увӑс мирӑт пӑта вуӆаӊ оӆа йис. Ёмвошн (щи пурайн Остяко-Вогульск) шуши мир эвӑӆт яӊ айӆат ёх ай тохтурӑта вәнӆтыйӆты етшуптӑсӑт. Щикўш шимӆ хуят вәс, тәп ӆыв рӑп тухӆӑӊ войет иты мўӊ увӑс мирев мєт оӆӑӊ мир мӑӆты хуятӑта йисӑт. 

Ӆыв кўтэӆн хӑнты айӆат эвие – Евс­то­лия Ивановна Киселёва вәс. Евстолия 1919-мит оӆ Ас потты тыӆӑщ 22-мит хӑтӆӑн Остяко-Вогульской округ Самаровской район Нялина кәртӑн хӑнты хот­тєӆ ёх хуща сєма пи­тӑс. Ащеӆ рыпака вәс па 1919-мит оӆн ӑнтәма йис, Евстолия щи пийн сєма питмаӆ. Ӆыв семьяеӆ ар няврємӑӊ вәс па ӆыв нўшаяӊа вәсӑт. Щӑӆта ӆўв ӑшколая вўсы па Са­марово кәртӑн ӆапӑт класс етшуптӑс. Щи пийн Остяко-Вогульской фельд­шерской ӑшколайн вәнӆ­тыйӆты питӑс. 

Щӑта вәнӆтыйӆты айӆат хуятӑт общежития хотн вә­сӑт. Щӑта ӆыв така тӑйсыйт, ӆєваса нємӑӆт тӑхия ӊх­ты ӑнт єсӑӆсыйт. Тәп ӆыв фельдшерской ӑшколайн вәнӆтыйӆты тумпи сыр-сыр оса вєрӑт вєрсӑт. Ӆыв ай кәртӑта ӊхсӑт, радива хўват путӑртсӑт, ӛращты кӑсупсэтн кӑссӑт па па ар мосты вєрӑт ӆэщӑтсӑт.

м ясӑӊӑн ӆыв фельд­шерской ӑшкола оӆӑӊ кә­ща хә Пётр Григорьевич Скоморохов оӆӑӊӑн пу­тӑртсӑт. Тӑм хә ӆывеӆа ипў­ша нётӑс, мосты пурайн м ясӑӊ путӑртӑс. 

Хән щи ӑшкола етшуп­тӑсӑт, ӆыв хуӆыева Омск вош вантты тәтьӆясыйт. Щӑта ӆывеӆа шєӊк мәс­тӑс, ӆыв вән хотӑт, кар­ты ӛш шиваӆӑсӑт. Щӑӆ­та фельдшерско-акушерс­кой сумкаятн мойӆӑсыйт, хута хӑннєхәя мєт оӆӑӊ пўш нётты пӑта сыр-сыр лекщитты пурмӑсӑт пунсыйт. 

Фельдшер диплом ёша павӑтмаӆ пийн Евсто­лия Ивановна Ямал мўва рәпитты китсы. Щи оӆӑтн щӑта ӆавӑрт вәӆупсы вәс. Ӆўв тӑӆн тарум ищкийн па ӆўӊӑн пєӆӊа пурайн шуши мир лекщитман вўӆы тӑй­ты хуятӑт хущи па ай кәртӑта ӊхӑс. м ӛш щи пурайн ӑнтәм вәс.    

Хән Вуӆаӊ Отечест­венной ӆаӆь тывӑс, Евс­толия Ивановна ӆаӆь хӑра мӑнты вохантӑс. Тәп ӆўв щив ӑн вўсы, тӑ­та ищи мир лекщитты мосӑс. Ӆўв па хӑннєхуятӑт иты ищи нух питты вєра ар ӛр мӑс. Етнӑтн ӆыв Ин­формбюро айкеӆӑт хә­ӆӑнтсӑт, муй щирн ӆаӆь хӑрӑтн вєрӑт мӑнӆӑт. Ӆыв хошум ӆәмӑтсухӑт ӑкӑт­сӑт па ӆаӆь хӑра китсӑт па па арсыр мосты вєрӑт ӆэщӑтсӑт. 

Евстолия Ивановна вә­ӆупсы мухты мўӊ па хуя­тӑт оӆӑӊӑн нәмӑӆмӑӆўв, хуйтат ищиты така па апрӑӊа рәпитсӑт, ӆәӆн Вуӆаӊ Победа хӑтӆ ва­нӑмӑты. 

1948-мит оӆн ӆўв Ём­воша рәпитты юхтӑс па тӑта няврємӑт вантман рәпитӑс. Пенсияя рўть­щӑты мӑнмаӆ пийн, ӆўв ӑӆ юӆн ӑнт омсӑс, сыр-сыр оса вєрӑт ӆэщӑтман вәс па иса нўшаяӊ мира нётӑс. 1980-мит оӆн вән кєр тыӆӑщн Евстолия Ивановна Киселёва ӑн­тәма йис. 

Ӆўв тәса па вещката рәпитмаӆ пӑта арсыр мой­ӆупсэтн па ишӑкты нєпекӑтн мойӆыйӆсы. Щиты ӆўв мєт оӆӑӊ хӑн­нєхәя йис, мӑта хуята «Отличник здравоох­ра­нения» мевӆ пос мӑсы. 

Тӑмхӑтӆ Евстолия Ивановна вәӆупсы па рәпатайӆ оӆӑӊӑн Тю­менской область мир мӑӆты ёх пӑта ӆэщӑтум музейн айкеӆ шиваӆӑты рӑхӆ. 

Фельдшерско-акушерской ӑшколая 4-7 клӑссӑтн вәнӆтыйӆты увӑс мирӑт няврємӑт ӑкӑтсыйт. Кӑт подготовительной отделения пўншсы: оӆӑӊмит –нӆ класс вўш эвӑӆт, кимит – 5-6 классӑӊ няврємӑт. Па основной тӑхи вәс, щив 7 класс вўш эвӑӆт айӆат ёх вўсыйт. 

Л.Ф. Струсь «Доктора земли обетованной» нєпек хўват путӑр хӑншӑс: Надежда Вах