Форма поиска

Для слабовидящих
  • Хантыйский
  • Русский

Ух әптӑԯ нувия ювум ими

Имет емӑңхӑт єпн ӑңхаум хӑнты мир поэт ики Данил Китаев шәңӑт ясңӑт эвиета, ӑңкета, аңкаңкета па щащета китты. ўв шєңк тәса хӑнты имет оԯӑңӑн хӑншӑс:

Хӑнты нє
Хурам хӑншєң
Нуви вейт,
Митра хӑншєң 
Вўԯы сӑхӑт,
Лыптӑң русєң
Вән ухшамӑт.
Питы әптӑң
Картэң сэвӑт,
Вусты сємӑң
Ушӑң вєншӑң.
Рәт ясңєна
Сӑм ар тӑйԯӑн,
Сора юкан 
Каркам кўрӑт…
Нумсӑң, хурасӑң 
Нє вєншен…
Тӑм стих ясңӑт шєңк яма  кашӑң хӑнты нєңа мәстӑԯӑт. Ма нынана ух әптӑԯ нувия ювум ими оӑңӑн хӑншум. Ксения Михайловна Сенгепова Нуви сӑңхум вош районӑн Вўтвош нємпи ай вошиен вә. Йис нәпӑтн Хаюп шәп сӑңхум воша тӑм кәрт аьщӑсы. Тӑм кәрт Касум юхан хонӑң кӑрӑщ вәншєп ёхумн вәԯ. Катра йисн тӑм сӑңхум емӑң вәс. Ин тӑта 122 хӑннєхә вә. Арӑԯ пєлӑк мир вәнт вой, хўԯ веԯпӑсԯуман вош пўңӑԯн кәртӑтн вәԯԯӑт. Итәх хуятӑт юкан вўԯыԯаԯ ԯавӑԯӑт.  
Ксения Михайловна Сенгепова эви опращ нєм Тарлина вўт мўвн вә. Айат эвия вәман культпросвет училища етшуптума юпийн Хаюп шәп сӑңхум ай воша рәпитты китса. Щӑта ўв мир кєша арсыр әмӑщ вєрӑт эщӑтыйӑс. Щиты айат нєңие ёх пиа рәпитта сахӑт вой-хў вепӑсӑты каркам хәйн Павел Сенгеповӑн вәты-хоты пиа вохса. Щимӑщ сєрюр хә хуят айат нє сӑма рӑхӑс. Щиты кӑт тӑхийн єнмум кӑтңӑн сӑмԯӑн яха тасайңӑн. Рәпатайн каркам айԯат хә Павел Сенгепов, хурамӑңа ёнтӑсты хурасӑң нєңие Ксения Тарлина ар оԯ вәԯты оты пиԯыева ԯўв хотԯа тәсԯэ. Щиты тывӑс ԯын семьяйн. Яха нәмӑԯмум айԯат кӑтңӑн вўԯы тащӑта рәпитты вўянтсӑңӑн. Вантэ, авие пиԯа тумпеԯ ԯавӑрт, ԯоньщ, ерт кўтн иса хорӑң тащ, войң тащ ԯавӑԯты мосԯ. Тӑм Сенгепов ики уяң веԯпӑс хә вәс. Вуртыен шойтуп щурӑс ԯаңки и тӑԯ мӑра тәтьԯяс. Вурты нюхӑсн, питы вухсарн мўвӑң-йиңкӑң ёхԯаԯн мурта мийԯийԯса. Щиты ын эвєң, пухӑң хот єнмӑтсӑңӑн. Тәп Павел нуви хӑт хўв ӑн вәс. Ксения Михайловна ар о мӑр вўы тащӑтн рәпитӑс. Нын щи вәԯан, вәнт кәртӑн хә хӑннєхә такԯы хӑщты – тумпеԯ вән шәк. Щи киньща хуԯта мӑнтэԯ, щиты хуԯты вәԯты питсӑт. Ике юпийн Ксения Михайловна няврємӑң хот атэԯт єнмӑԯтсӑԯэ. 
Ух әптӑԯ нувия ювум ими. Ин Павел Григорье-вич мўң пиԯава нуви Тәрумн ӑнтәм. Ԯўв уяң веԯпӑс хә ӛшԯа ин пухԯаԯ па хиԯыԯаԯ ԯоԯьсӑт.
Ин тӑмхӑт Ксения Михайловна вәнт кәртӑн Геннадий пух па мень, хиыа пиа вә. Ԯыв вәнт кәртӑн юкан вўыеа тӑйман вәԯԯӑт. Иса мўвӑтн имет емӑңхӑт єпн ма нӑңена, Ксения Михайловна, вўща ясӑң китум. Ешӑк Ксения Михайловна! Нӑң тӑмхӑт ӑңкия, щащия па аңкаңкия нёхумайн. Нӑң ывеа вәԯупсы мӑсӑн, еԯԯы шәшты ӛр, нӑң эвӑԯтана хоԯумтсӑт, така лупты тәс ясңен иса няврємӑнӑн па хиыӑнӑн нәмман ат тӑйԯа, уяңа, нәптӑңа ар оԯ нӑң вәԯа!
Ульяна Молданова

Дело отца продолжил сын

В канун международного женского праздника 8 марта, хочу статью начать прекрасными словами из стиха хантыйского поэта Даниила Китаева. Которое он посвятил женщинам:

Хӑнты нє

Хурам хӑншєң

Нуви вейт,

Митра хӑншєң

Вўԯы сӑхӑт,

Лыптӑң русєң

Вән ухшамӑт.

Питы әптӑң

Картэң сэвӑт,

Вусты сємӑң

Ушӑң вєншӑң.

Рәт ясңєна

Сӑм ар тӑйԯӑн,

Сора юкан

Каркам кўрӑт…

Нумсӑң, хурасӑң

Нє вєншен…

(Стих поэтом написан на языке оригинале)

Ксения Михайловна Сенгепова живёт в маленькой деревеньке Юильск Белоярского района. На сегодняшний день в Юильске проживает 122 человека. Большинство сельчан проживают вблизи деревни на территориях традиционного природопользования и ведут традиционный образ жизни народа ханты.

Ксения Михайловна молодой девушкой после окончания культпросвет училища приехала работать в Юильск. Молодой специалист проводила в деревне культурные мероприятия. Приглянулась девушка рыбаку-охотнику из крепкого хантыйского рода Сенгеповых, Павлу Григорьевичу. Как и полагается, он её сосватал по древним традициям. Молодожёны Сенгеповы проработали много лет в оленеводческих стадах Казымского совхоза. Павел Григорьевич, к сожалению, рано ушёл из жизни. После смерти супруга Ксения Михайловна одна воспитала и вырастила детей. В оленеводческой среде очень тяжело без мужчины, но ей во всём помогали старшие сыновья. Сегодня дело отца продолжил сын Геннадий. Он живёт с семьёй и с мамой на территориях традиционного природопользования. Выпасают небольшое стадо оленей.

Ульяна Данило 

Рубрика: 
Шуши мирев вәԯупсы - Жизнь хантыйского народа
Номер Ханты Ясанг: 
№ 5 (3449)
10.03.2016