Кәща ёх вєрӑт - Политика

Тӑм ванӑн округ кәща хә Руслан Кухарук Сўмӑтвош района ӊхӑс. Сўмӑтвошн ӆўв Руслан Александров район кәща пиӆа вош хўват ӊхӑс па вантӑс, муй тӑм оӆ щӑта омӑсты оӆӊитсы. 

Тухӆӑӊ хопӑт ӆатты тӑхи йиӆпа ӆэщӑт­ӆы. Щи тӑхи йиӆпатты оӆӑӊӑн тәняӆ путӑртсы, хән округ кәща хәев Сўмӑтвош районӑн вәс. Щи вєр пӑта округев эвӑӆт мосты арат вух єсӑӆсы. Ай тӑхет потты тыӆӑщ 1-мит хӑтӆ вәнты ӆатты тӑхийн, мӑта ут 1864 метра вәӆ, сэй па цемент эвӑӆт нє­ма­сыя рўвтум ут пунӆы. Па оӆ па асфальтобетонной утн эӆты лаӊкӆы. Ӛхӑт Сўмӑтвоша вәншӑк тухӆӑӊ хопӑт омӑсты щир тӑйты питӆӑт.

Вән кєр тыӆӑщ 25-мит хӑтӆӑн Москва вошн «Россия» национальной центр хот хуща Увӑс мўв, Сибирь па Дальний Восток мўвӑт ёх 10-мит пўш вән мирхота ӑктӑщийӆсӑт. 

35 оӆ мӑнӑс щи пура вўш эвӑӆт, хән ӆыв оӆӑӊ пўш ӑктӑщийӆсӑт, щи пурайн Увӑс мўв, Сибирь па Дальний Восток мирӑт Ассоциация пўншсы. Щи тумпи тӑм оӆн Ёмвош округев 95 оӆа йиӆ, щирн щи вән мирхот Москва вошн вєрӑнтсы. Тыв 400 хӑннєхә 28 мўв эвӑӆт юхӑтсӑт, щит 40 арсыр мирӑт ёх. 
Югра мўв эвӑӆт тыв кә­ща хә Руслан Николае­вич Кухарук па шуши ёх юхӑтсӑт. Округев кәща лупӑс:

Россия мўв Президент ики В. Путин поступсы щирн, 2024-мит оӆ Ас нопăтты тыӆăщ 30-мит хăтӆ вўш эвăӆт Югра мўв губернатор кана Руслан Кухарук йис.

Щи пура вўш эвӑӆт и оӆ мӑнӑс, щирн интӑм ай павӑтӆўв, муй­сӑр вєрӑт щи оӆ мӑр округ кәщаев унтасн вєрсыйт.
Р. Кухарук мєт вуӆаӊа Югра мўвн вәӆты мирев вәӆупсы, мирев нумсӑт па ясӊӑт вантман па имухты тўӊматман тӑйӆ. Щиты 2024-мит оӆ Ас нопӑтты тыӆӑщ 30-мит хӑтӆ вўш эвӑӆт тӑмхӑтӆ вәнта ок­ругевн щимӑщ йиӆуп тӑ­хет пўншсыйт:

Тӑм ванӑн Россия мўвев правительства кәща ёх «Концепция устойчивого развития коренных малочисленных народов Севера, Сибири и Дальнего Востока Российской Федерации» нємпи вуӆаӊ нєпекӑн ёш пос пунсӑт. Щи нєпек хўват ин шуши мирӑт 2036-мит оӆ вәнты нётты питӆыйт.

Россия мўвев сенатор хә, Увӑс мўв, Сибирь па Дальний Восток ми­рӑт Ассоциация кәща Александр Новьюхов лупӑс, муйсӑр йиӆуп вє­рӑт щи вуӆаӊ нєпекӑн хӑншсыйт:

Вән кєр тыӆӑщ 24-мит хӑтӑӆн округев Дума хотн 44-мит мирхот мӑнӑс. Щи вуӆаӊ вәйтантупсы пурайн иха ӑктӑщум депутатӑт еӆпийн Югра мўв кәща хә Руслан Кухарук арсыр айкеӆӑт вєрӑс, хуты юхи хӑщум 2024-мит оӆн ӆўв правительства кәщайт пиӆа вәс, вещката па тўӊщирӑӊа кашӑӊ вєр вєрӑс. 

Ёмвош округ Дума депутатӑт нємӆаӆ эвӑӆт нынана Вуӆаӊ По­беда 80 оӆ мӑӊхӑтӆ пӑта м вўща ясӊӑт лупӆум!
Нивӑӆъяӊ оӆ юхӆы юхи хӑщум пўш пушкан нёӆ сыйт сащсӑт, Вуӆаӊ Оте­чественной ӆаӆь сухнӑс. 1945-мит оӆ Ас нопӑтты тыӆӑщ хўвн хӑщӑс, тәп мўӊ, ӆаӆьн нух питум ёх няврємӆаӆ па хиӆыӆаӆ, иса пурайн ӆаӆьн ӆаӆясум ёхӆўва вән пәмащипа ясӊӑт лупты питӆўв мўӊе­ва сыстам єтар хӑри па вәӆупсы мойӆумеӆ пӑта. 

Нынана тӑм Вуӆаӊ ӆаӆьн нух питум па 80 оӆа вум Победа хӑтӆ пиӆа м вўща ясӑӊ китӆум! 80 оӆ юхӆы мўӊ йисӑӊ-нәптӑӊ хуятӆўв щимӑщ вуӆаӊ па кашӑӊ ай муй вәншӑк хӑннєхуятӑта мос­ты вєрӑт ӆэщӑтсӑт.
Итәх хәйт-нєӊӑт щи пӑӆтапӑӊ ӆаӆь хӑрӑтн пӑ­рӑтсыйт, итәх хуятӑт ӆы­ӆӑӊа хӑщсӑт па ищипа вє­ритты кємӑтн вещката, тўӊщирӑӊа ӆаӆь хӑрн ӆаӆяссӑт.

Тӑмхӑтӆ, 80 оӆ тум­пийн Вуӆаӊ ӆаӆьн нух питум пӑта мўӊ мӑӊ­хӑтӆ тӑйӆўв – кашӑӊ хӑн­нєхә сӑмн щит мєт вән мӑӊхӑтӆ. Мўӊ ух пунӆўв щи ёх пӑта, мӑта хуятӑт тарма ӆаӆяссӑт па ӆыв ӛреӆн мўӊ рәт мўвев тӑ­ӆаӊа хӑщӑс па єтӑр хӑри тәрум хәтӆӑс.
Ӆаӆь оӆнитум оӆӑӊ хӑт­ӆӑтн округев эвӑӆт ар щурӑс хӑннєхә ӆаӆь пӑн­та ӆоӆьсӑт. Ӆыв ӆаӆяссӑт Москва па Лениград ху­ща, тарма вуракӑт веӆсӑт  Курской дуга хуща, Европа мира нух питты нётсӑт, Берлин вўша ӆаӆясман юхӑтсӑт. 

Югра мўв Прави­тельства ёх шуши ми­рӑт правайт вәньӆь­ты хуят оӆӑӊӑн поступсы ӆэщӑтӆӑт. Щи оӆӑӊӑн округ Правительства мирхотн путӑртсы, мӑ­та ут Губернатор хәев Р. Кухарук тәс. Сы­ры тӑм вєр оӆӑӊӑн 2024-мит оӆн ван хӑт­ӆуп тыӆӑщ 24-мит хӑтӆӑн кашӑӊ оӆ вєрты округ кәща Послание пурайн путӑртсы.

Ай кєр тыӆӑщ 19-мит хӑтӑӆн Югра мўв Дума хотн ӆаӆь хӑра ӊхум хәйт «Государственное и муниципальное управление» щирӑтн йиӆуп рәпата вєрӑта вәнӆтӑсыйт. Ӆыв еӆпеӆн арсыр ӆўӊтупсэт Ду­ма хот кәща хә Б.С. Хохряков, ӆўв ӆӑӊкӑр нєӊӑӆ Н.Л. Западнова па Гражданской общества вєрӑт тәса ӆэщӑтты тӑхи кәща хә А.И. Саль­ников ӆўӊӑтсӑт.

Сырыя иха ӑктӑщум хӑннєхуятӑт еӆпийн Дума хот кәща Борис Хохряков вўща ясӑӊ вє­рӑс па путӑртӑс. 

- Нын арсыр вуӆаӊ вє­рӑт ӆаӆь хӑрн вантсӑты, пәмащипа нынана, хуты тӑмхӑтӆ мўӊ пиӆэва вәӆ­ӆӑты, – щиты ӆўв ӆаӆьн вәӆум ёха лупӑс.