Щи вєр оӆӑӊӑн округ кәща хә Руслан Кухарук нємасыя Градостроительной совет нємуп тӑхийн ӆӑӊкӑр ёхӆаӆ пиӆа путӑртӑс па ӆыв пиӆэӆа иха вєрум мирхотн артаӆӑс, муйсӑр йиӆуп хотӑт, мӑта вән вошӑтн еӆӆы омӑсты рӑхӆ.

Ӆўв ясӑӊӆаӆ щирн, вет щимӑщ йиӆуп проект планӑт щирн рӑхӆ ин ӆэщӑтты Нягань, Радужной вошӊӑнӑн, Манстăр, Сўмӑтвош па Сәрханӆ районӑтн.
Щӑӆта хәӆум щимӑщ поступсы йиӆуп хотӑт омӑсты щирн Нижневар­товск вошн па Ёмвошн ищиты йиӆпа вєрты мосӆ. 
Щиты Лянтор вошн Сәрханӆ район хәӆмит микрорайонӑн, хута Эс­тонской дорожникӑт па В. Кингиссеп вош хўлэӊӑн вәӆӆӑӊӑн, 2033-мит оӆ вўш вәнты вән кәщайт ӆӑӊхаӆӑт нӆ йиӆуп кев хот омӑсты. Тӑмхӑтӆ щи тӑхийн хуӆна х эвӑӆт омсум 12 хот омӑсӆ. 
Нягань вошн вәӆты вош хўлэтн, щит Свердловская, Речная, Советская муй Интернациональная ищи­ты йиӆуп кев хотӑт омӑсты питӆыйт. Округев кәща яс­ӊӑт щирн, х эвӑӆт вєрум хотӑт нух лосытӆыйт па ӆыв канэӆа йиӆуп па ӆӑщ­кам ӆапӑт кев хот нємасыя омӑсӆы. Щӑӆта няврємӑт, пирщамум хуятӑт рўть­щӑты тӑхет ищиты тўӊ­щирӑӊа ӆэщӑтӆыйт. 

- Ма щирємн, кашӑӊ щимӑщ хот омӑсты тӑхи мосӆ м­сыева артаӆӑты, ӆәӆн ай няврємӑт юнтты, сыр-сыр щирӑтн кӑсты па рўтьщӑты тӑхет иса ма ат вєрсыйт. Щи хотӑт хуща вәӆты ёх сӑмӑӊа ӆәӆн ӆыв вәӆты тӑхеӆ ат тӑйсэӆ, – щиты Руслан Кухарук ин лупӑс. 

Сўмӑтвош район кәща хә Руслан Александров округ кәщаева ванӆтӑс, муй хурасуп йиӆуп хотӑт еӆӆы Сўмӑтвошн омӑсты питӆыйт. Ӆўв ясӑӊӆаӆ эвӑӆт уша йис, хуты Брусничная па Югорская вош хўлэтн 2031-мит оӆ сухӑнтты вәнты йиӆуп ӆапӑт кев хот Сўмӑтвошн па омӑсӆы. Щи хотӑт пўӊӑӆн ищиты арсыр рўтьщӑты тӑхет вєрӆыйт. 

- Мўӊ тӑм кўтӑтн па щи­мӑщ йиӆуп поступсэт  вў­сўв, мӑта ут хўватн шуши мирӑт ӆывеӆа йиӆуп хотӑт ӆәтты вєритӆӑт, – Руслан Кухарук ӆўвеӆа нёхмӑс. 

Мосӆ лупты, хуты тӑм мирхотн ищиты кәщайт артаӆӑсӑт, муй щирн Ём­вошн еӆӆы йиӆуп хо­тӑт па омӑсӆыйт. Щиты Авиагородок, Калинина па Лопарева вош хўлэтн па арсыр тӑхет йиӆпатты вўтьщӑӆыйт. Щи киньща вән кәща ёх и нумса юхӑтсӑт па Градостроительной совет кәщайт пиӆа иха кашащсӑт.

- Мин тӑмхӑтӆ щи пӑта рәпитӆўв, ӆәӆн Югра мўв хӑннєхуятӑт еӆӆы мсыева вәсӑт. Хән кашӑӊ вєр тәса вєрты питӆўв, щи пурайн вәӆупсэв па ма мӑнты  питӆ, – щиты мирхота ӑк­тӑщум кәщаита Руслан Кухарук тӑмхӑтӆ путӑртӑс.

Кӑт оӆ мӑр Градострои­тельной совет кәщайт вантсӑт па артаӆӑсӑт араттєӆн 16-кєм йиӆуп поступсы, нивӑӆкєм ка­шащты нєпек арсыр хотӑт омӑсты тӑхи пиӆа ӆэщӑт­сӑт, ӆәӆн округ вошӑтн па районӑтн йиӆуп хотӑт еӆ­ӆы па мсыева омӑссыйт. Ин Сәрханӆ па Ёмвош районӊӑнӑн, Сәрханӆӑн, Нижневартовск вошн,  Ёмвошн щимӑщ кашащты нєпекӑт ӆыв хотӑт омӑстыя тӑхет пиӆа ӆэщӑтсӑт.
Нягань, Югорск вош­ӊӑнӑн, Нефтеюганской районӑн ин араттєӆн 69,7 щурӑс квадратной метра арат йиӆуп вәӆты хотӑт омӑссыйт. 

Хӑнты ясӑӊа тулмащтӑс: Владимир Носкин