Шуши мирев культура - Культура обско-угорских народов

Югра мўвн округ творчества хот хуща финно-угорской мир культура «Хӑтӆ щира вәӆты ёх» фестиваль етшӑс па кӑсты тӑхийн нух питум хуятӑт нємӆаӆ лупсайт. 

Тӑм фестиваль ок­ругев хуятăтн Го­су­дарственной Рос­сийской Дом народного творчества «Финно-угорский культурный центр Российской Фе­де­рации» В.Д. Поленова нємуп филиал пиӆа пиӆ­тӑщман вєрӑнтыйӆса. Ӆыв тӑм вєр ӆэщӑтты вєра нётсӑт.

Нуви сӑӊхум мўв вән вошн па Касум кәрт мўв ӆуваттыйн увӑс мир мӑӊхӑтӆ постӑсӑт. «Сэй пан» нємпи тӑхийн ар мир ӑктӑщсӑт, юхтум мир хурамӑӊ ӆәмӑтсухӑтн щив юхӑтсӑт. 

Щимӑщ нєм тӑйс мӑӊхӑтӆ, мӑта ут мўвтєӆ шуши мир хӑтӆ еӆпийн «Торум Маа» нємпи музей хуща ӆэщӑтман вәс.

Тӑм тӑхи кәща нє Людмила Алфёрова вўща вєрман лупӑс, ӆәӆн мўӊ и ӛрн, и нумӑсн округ шуши мирӑт – хӑнты, ву­хаӆь па юрн йис вәӆуп­сэв, рәт ясӊӑт ӆавӑӆман ат тӑйсўв па еӆӆы тәсўв.

Ин щиты Московской государственной университетн хәӆум вәнӆтыйӆты айӆат хуят путӑртты хошӆӑт. Щит Софья Ганиева, ӆўв 4-мит курс етшуптӑс па кимит курсӑн вәнӆтыйӆты кӑтӊӑн – Всеволод Маслюков па Варвара Тютюнникова. Ӆыв тӑм ванӑн Касум кәрт эвӑӆт Ёмвош мухты Москва хон воша кєрӆӑсӑт.

Вәйт ӆор тыӆӑщ 17-мит хӑтӆӑн вухаӆь мир учёной, профессор ими Дина Васильевна Герасимова 80 оӆа йис.

Ӆўв рўтьщуман хуӆ­на рәпитӆ – Сверд­ловской область Ив­дельс­кой район Полуночной кәрта няврємӑт вухаӆь ясӑӊа па Увӑс мир лите­ратурая вәнӆтӑты ӊхийӆ.

Тӑм ванӑн мўӊ редакциева кӑтӊӑн мойӊа юхтыйӆсӑӊӑн, щит «Почётный гражданин Нижневартовского района» нєм тӑйты ики Павел Янчевич Айваседа Елизавета Даниловна (опращнємӆ Айпина вәс) имеӆ пиӆа. Вәщ тыӆӑщ 20-мит хӑтӆӑн П.Я. Айваседа 81 оӆа йис. 

Вәщ тыӆӑщн, хән Ваньщавӑт кәрт мӑӊхӑтӆ постӑсы, кәртӑӊ нєӊӑт хӑшапӑт ванӆтупсыйн кӑссӑт. Ӆыв хӑшапӑт йирсӑт па щив сыр-сыр йис пурмӑсӑт пунсӑт, мӑта утӑт опращӆаӆ эвӑӆт хӑщсӑт. Щит арсыр йис карты анӑт, тунты эвӑӆт вєрум утӑт, ёнтум рнасӑт, щӑшкан сӑхӑт, сєвум вейт, посӑт па па арсыр әмӑщ пурмӑсӑт. 

Ма ая вәӆмємн пўпи хотӑта тәтьӆийӆсаюм. Сащ кўш ӑн тӑйсум, мӑнєма вантты әмӑщ вәс. Щӑӆта вєра ӆӑӊхасум ӆуӊӑӆтупӑт вєрты. Ӑӊкєм-ащєм нётсӑӊӑн, ӑӊкєм вәнӆтыйӆты нєпек вєрӑс. Па щи вєрӑта вәнӆтыйӆты питсум.

Кӑт щурӑс ветхущъ­яӊ­мит оӆн, хән ма вет­хущьяӊ тăӆа йисум, мєт оӆӑӊ пўш пўпи хотн арисум па ӆуӊӑӆтупӑт вєрты питсум.

Муй вўрн няврємӑт пўпи хот вєрӑта хущты, тӑмхӑтӆ ма щи оӆӑӊӑн еша путӑртӆум.

Мєт оӆӑӊ муй мосӆ

Тӑта мосванӑн, вәщ тыӆӑщ 18-мит хӑ­тӑӆн, Ёмвошн округев твор­чества хотн «Торсапӆ х ар сувӑт» нємуп ванӆ­тупсы вәс. Щи ут Фольк­лорной нємуп хӑтӆа мўӊ хущева кантсы. 

Щимӑщ вєр пӑта ма нємасыя щив ӊхсум па хӑнты муй вухаӆь нарӑс сувӑта айӆат ёх округ­ев ӆуватн вәнӆтӑты хә Алексей Рещиков пиӆа вәйтан­тыйӆсум па ӆўв эвӑӆтэӆа щи оӆӑӊӑн айкеӆ вўсум.

Алексей Александро­вич, муйсӑр няврємӑт пиӆа нӑӊ тӑта рәпитӆӑн?

Тӑмхӑтӆ ма Алла Иштимирова-Посохова оӆӑӊӑн хӑншты ӆӑӊхаӆум. м арат оӆ юхӆы ӆўв ӆўӊӑтты арӆаӆ пиӆа киникайӆаӆ єсӑӆты питӑс. 

Алла вәйт ӆор тыӆӑщ 8-мит хӑтӆӑн 1980-мит оӆн Пуӆӊавӑт вошн сєма питӑс. Щи пурайн ӑӊкеӆ Фаина Павловна Костина щи вошн культ­просветучилищайн якты вєрӑта вәнӆтыӆӑс. Рафаэл Махмутович Иштимиров ащеӆ – башкир хә, щи пурайн щи вошн рәпитӑс. 1981-мит оӆн Иштими­ровӊӑн Поӆнавӑт кәрта вәӆты па рәпитты юхӑт­сӑӊӑн. 

Фаина Павловна нә­мӑӆ­мӑсӆэ: