Шуши мирев культура - Культура обско-угорских народов

Щикєм әмӑщ, хән па мирӑт ёх мўӊ шуши мирӆўв йис вәӆупсы пєӆы сӑмӑӊӑт. Тӑмхӑтӆ ма нынана рўщ хә Алексей Александрович Рещиков оӆӑӊӑн хӑншты ӆӑӊхаӆум. 

Ԯўв Тэк кәртăн сєма питăс. Щиты ай пура оӆӆаӆ оӆăӊăн путăртăс:

- Ма 1-10 мит классӑтн Тэк кәртăн ӑшколайн вәнӆ­тыйӆсум. Ай пурамн ащєм баяниста вәс, ма нә­мӑстємн, щивеӆт питсум. Хән вәншăка йисум, ӑӊкєм мӑнєма гармошка ӆәтты нумӑс вєрăс. Щи пурайн ма нотая хәӆăнтӑты щи питсум. 

Аӆпа, кашӑӊ хуят рәтӆаӆ па опращӆаӆ оӆӑӊӑн уша вєрты ӆӑӊхаӆ, мӑта рәт эвӑӆт ӆўв ӆєрӆаӆ йиӆӑт па мӑта мўвн ӆыв вәсӑт. Тәп кашӑӊ хуят хән архивӑт хўват ӊхты, мосты айт кӑншты па уша вєрты питӆ. 

Югра мўв государст­венной архив хуща рә­питты ими Лидия Ми­хайловна Завьялова тӑм вән па ӆавӑрт вєра вўянтӑс. Ӆўв рәтӆаӆ оӆӑӊӑн уша вєрты питӑс, арсыр вошӑта ӊхӑс па архивӑт хущи рәпитӑс, рәт ёхӆаӆ пиӆа вәйтантыӆӑс па путӑртӑс. Щи пийн вән киника хӑншӑс, ӆўв нєпекӑӆ әх­тыйн 30 оӆ мӑр рәпитӑс.

Ван хăтӆуп тылăщ 9-митн «Торум Маа» катра пурмăсăт ӆавăӆты хотн «Наследники культуры предков. Сайнакова Наталья Юрьевна» ванӆтупсы пўншса. Тӑм ванӆтупсыйн кат­ра хурӑт, щӑӆта па рәт ӆєр хурамӑт, пурмӑсӑт па утӑт вәӆӆӑт.

м вўща ясӑӊ «Торум Маа» музей кәща нє Людмила Алфёрова путӑртӑс:

- Мўӊ Наталья Юрьев­ная, тăм м хăннєхәя, вўща ясăӊ ястӑӆўв. Мўӊ кашăӊ оӆ ӆўв семьяйӆ тыв вох­ӆэв. Наталья Юрьевна, вән пәмащипа нăӊена, мўӊ пўӊӆэвн вәӆӆăн.

Ван хӑтӆуп тыӆӑщ нивӑ­ӆмит хӑтӑӆн Ём­вошев Го­су­дар­ст­венной музей «Га­лерея-мастерская Г.С. Райшева» хот йитн округев ӆуватн «Хә ёхӆўв вєрум пурмӑсӑӊ ванӆтупсы» вәс, мӑта ут Югра мўвев тәса вєрӑнтты шуши мир тӑхи нємасыя ӆэщӑтӑс.

Тӑмӑщ ванӆтупсы мєт оӆӑӊ пўш пўншсы.
Тәняӆ оӆ тӑм ван хӑтӆуп тыӆӑщ пурайн округев шуши мир тәса вє­рӑнтты ёх тӑхи хуща вәӆ­ты хӑн­нєхуятӑт иха мирхота юхтыйӆсӑт па нәмӑссӑт, хуты па муй щирн тӑм 2022-мит оӆ су­хăнты кємн тӑмӑщ вән пурмӑсӑӊ ванӆтупсы вєрты.

Ешавәӆ йиӆуп оӆ мӑӊхӑтӆ постӑты питӆўв, щирн интӑм иса нєӊӑт нәмӑсӆӑт, муйсӑр ӆєтутӑт мӑӊхӑтӆӑн пӑса­на вєрты. Тӑмхӑтӆ мўӊ хӑнш­ӆўв, хутыса вўнш хўӆ пи­ӆа єпӆӑӊ салат вєрты. 

Нынана мосӆ: 
вўнш хўӆ (30 г), сёмга хўӆ (30 г), огурец (30 г), редис (20 г), вўрты лук (10 г), руккола нємпи турн (10 г), укроп (30 г), ая нюӆтум вўрты воньщумут (15 г), вәщвәӆ (15 г), суӆ, перец, єпӆăӊ растительной вуй.

Оӆӊӑӆн огурец ващ па хўв пўлыета эвӑтты мосӆ, редис па вўрты лук ӆәйтӑт щирн ваньщты, руккола турн щив пунты. 

Лидия Александровна 1954-мит оӆн лыпӑт хойты тыӆӑщ 4-мит хӑтӆӑн Амдерма кәрт Ненецкой автономной округн сєма питӑс. Ӑӊкеӆ па ащеӆ нӆ няврєм тӑйсӑӊӑн. Ащеӆ хўӆ веӆпӑсӆуман вәс. Ӑӊкеӆ пўт кавӑртты нєӊа вәс. 

Надежда Васильевна Лукина ван хӑтӆуп тыӆӑщн 2-мит хӑтӆӑн 85 оӆа йис. Ӆўв ис­ториче­ской наукайт доктор нєм тӑйӆ, хӑн­шум нєпекӆаӆ иса мўвӑт ӆуваттыйн ма вәӆыйт. 

Надежда Ва­си­льевна Шория мўвн сєма питӑс, ӑӊкеӆ-ащеӆ йис рўщ вәӆупсыйн вәсӊӑн. Ӑшко­ла пийн ӆўв педучили­ща етшуптӑс, щӑӆта па Томской государственной университета мӑнӑс. Щӑ­та ӆўв этнография вєр сӑ­мӑӊа тӑйты питӑс па немăщ ясӑӊӑн вєра ма путӑртӑс. Н. Лукина иса пўш хӑнты вәӆупсы вантман хӑнты кәртӑта ӊхӑс.

Ас нопӑтты тылӑщ хәтмит хӑтӆӑн Забайкальской мўв Агинской кәртӑн «Мўӊ опращев сорни сухум» нємпи арсыр мирӑт ӆәмӑтсухӑт IV-мит мўвтєӆ мир кӑсупсы вәс. Щив Югра мўвев эвӑӆт хӑнты вєрӑнтты ими Мария Григорьевна Эккерт (Молданова) ӊхӑс.

Ԯўв путӑртӑс, муй щирн щи кӑсупсы мӑнӑс:

Пыть-Ях вошн Ас потты тыӆӑщ 17-18-мит хӑтӆӊанӑн «Культурный центр: библиотека-музей» нємуп тӑхийн хӑнты пурмӑсӑт вєрты пӑта ёх ӑкумсӑт. Тӑм вошӑӊ кәщайт «Устойчивое развитие коренных малочисленных народов Севера в городе Пыть-Яхе» нєпек хӑншман тӑйӆӑт, щӑта хӑншум поступсэт вәӆупсыя тәты пӑта тӑмӑщ ӑктупсы щи пўншса.

Тӑмиты хўӆ суӆыты пӑта мухсӑӊ, сурӑх, щӑпӑр хўӆ вўӆы. Тәп мєт ма щимӑщ щирн суӆыты пӑта мевты хўӆ мӑнӆ.