Шуши мирев культура - Культура обско-угорских народов

Москва вошн ВДНХ хуща «Рабочий и колхозница» хотн «Трудовые династии» нємпи ванӆтупсы пўншсы. Щӑта Ёмвош округевн ар оӆ мӑр тәса рәпитты рәтӑт мира ванӆтӑсыйт. Ӆыв кўтэӆн шуши ёх ищи вәӆӆӑт. Щит Россия мўвев кәща Владимир Путин поступсы щирн вєрӑнтсы.

Касум мўвн ар хуят вәӆ, хуйтат арсыр м па мосты вєрӑт вєрӆӑт, щӑта вәӆ­ты музея нётӆӑт. Лариса Алек­сеевна Ерныхова ищи Касум музей хотн волонтёра вәӆ. Ӆўв щӑта мӑӊхӑтӆӑт пурайн нётыйӆ. Тӑм пўш Вўӆєӊ ёх мӑӊхӑтӆ пурайн «Моньщ хот» тӑхийн хӑнты моньщӑт моньщӑс. 

Тӑта мосванӑн вән кєр тыӆӑщ 18-мит хӑтӑӆн Ёмвош Государственной киникайт ӆўӊӑтты хот йитн ар пєлӑк эвӑӆт иха юхтум вошӑӊ хӑннєхуятӑт ӑктӑщийӆсӑт. Щи етнхотэӆ вєрум пурайн юрн мир шәӊӑт поэт хә «Юрий Вэӆӆа. Избранное» нємуп йиӆпа хӑншум киникаеӆ ванӆтупсы нємасыя щи ӆэщӑтсы. 

Нефтеюганской районӑн «Моньщ» нємпи рўтьщӑты тӑхийн «Пунси Пуут» вәнт кәрт омӑсман вәӆ. Ас нопӑтты тыӆӑщ 17-мит хӑтӆӑн щӑта Мўвев хӑтӆ постӑсы. 

Тыв 70-кєм хӑннєхә юхтӑс, щит Нефтею­ганской районӑн Карка­теевы, Лемпино кәрт­ӊӑ­нӑн, Нефтеюганск, Лян­тор вошӊӑнӑн вәӆты ёх. 
Нефтеюганск вошн шуши мир вєрӑт тәты тӑхи кәща нє Ольга Во­ронова путӑртӑс, хутыса щи мӑӊхӑтӆ постӑты оӆӊитсӑт:

Ас нопӑтты тыӆӑщ 18-мит хӑтӆӑн «Торум Маа» нємпи йис пурмӑсӑт ӆавӑӆты хотн Хоттєӆ ёх оӆ пӑта шуши мир хоттєӆ ёх пиӆа вәйтантупсэт ӆэщӑтман вәсӑт. Әмӑщ, тыв Ёмвошӑӊ хоттєӆ ёх мойӊа юхтыйӆсӑт.

Вәйт ӆор тыӆӑщ 27-мит хӑтӆӑн Ёмвошн «Панӑн» нємпи айӆат ёх тӑхийн Югорской государственной университет ёх оӆӑӊмит пўш «ЭтноСтудФест» нємпи ариты-якты фестиваль ӆэщӑтсӑт. Вантэ, тәняӆ ӆыв тӑм вєр тәты пӑта округ кәща нє грант нётупсы вухн мӑсыйт.

Щи тӑхия ӆуӊум мойӊ ёх «Нӑӊ рәт ясӊенӑн вўща ясӊӑт лупа!» нємпи ай киникайн мойӆӑсыйт. Щӑта арсыр ясӊӑтн вўща ясӑӊ, вәянтты вєр, па м вәӆа ясӑӊ хӑншман вәӆ. 
Тӑта кашӑӊ мир оӆӑӊӑн ванӆтупсэт, єпӆӑӊ пӑсанӑт ӆэщӑтман вәсӑт.
мӑӊхӑтӆ пўншум пу­райн тӑм вєр тәты нє Раисия Сунгурова вўща вєрӑс:

Тӑм ванӑн Москва вошн «Экспоцентр» нємуп тӑхийн XIX-мит пўш «Сокровища Севера» нємпи ванӆтупсы вәс. Тыв Россияевн вәӆты Увӑс мўв, Сибирь па Дальний Восток мўвӑт эвӑӆт арсыр мирӑт юхтыйӆсӑт – щит Алтай, Сӑран, Карелия, Тыва, Удмуртия па па мўвӑт ёх. Ӆыв мирӆаӆ йис вәӆупсы, культура вєрӆаӆ ванӆтӑсӑт. 

Нух питум хӑтӆ вўш эвӑӆт 79-мит оӆ постӑты пӑта «Югра ӆыӆ­ӊуптӑты» тӑхийн етнхот вәс.

Етнхот тәты кӑтӊӑн Ольга Князева па Виктор Банк мєт сыры лупсӑӊӑн, ӆаӆь оӆӊитум пурайн мўӊ хўӆ па вой веӆпӑсӆӑты, вўӆы тащ ӆа­вӑӆты икиӆўв имухты ву­ракӑт вошитты мӑнсӑт. Тӑта пирӑщ ёх, имет па няв­рємӑт така рәпитсӑт. Ар хуят ӆаӆьн ӑнтәма йи­сӑт, ар хуят тӑта тарма рә­питман сурма питсӑт. Щирн мўӊ щи ёх нәмман и минута мӑшьяя ӆоӆьсўв.

Тәняӆ «Арӑӊ, моньщӑӊ, путрӑӊ ёх» нємпи вән киника єтӑс. Щит хӑнты мир вәтаӊ айкеӆӑт ӑкӑтты, путрӑт хӑншты ими Зинаида Викторовна Лонгортова ӆэщӑтӑс, ӆўвеӆа К.П. Макарова, Р.Г. Ре­шетникова па М.М. Лонгортова нётсӑт.

Тӑм оӆ оӆӊитум пу­райн З.В. Лонгортова Ӆорвош район кәртӑт хў­ват ӊхман тӑм киника оӆӑӊӑн путӑртӑс па ӆўӊ­тарӑт, путрӑт хӑншты ёха мойӆӑс.
Тӑм антологияйн Югра мўв хӑншты ёхн хӑншум ӆўӊтарӑт, путрӑт хӑншман вәӆӆӑт. Щирн тӑм ванӑн Ёмвоша киникайт пиӆа 40 муӆтас кила посылка юхтӑс.

Сўмӑтвошн вәӆты няврємӑт ай пура вўш эвӑӆт шуши мир йис вєрӑт, мӑӊхӑтӆӑт оӆӑӊӑн уша павӑтӆӑт. «Хӑтӆые» нємпи садик хотн ӆыв щи вєрӑта вухаӆь нєӊӑн Надежда Пузинайн вәнӆтӑӆыйт. Тӑм пўш щӑта няврємӑт пӑта Вурӊа хӑтӆ вєрӑнтсы.

Надежда Петровна 37 оӆ мӑр Сўмӑтвошн воспитателя рәпитӆ. Ӆўв 1985-мит оӆн Ёмвошн вуӆаӊ нєпек ёша павтӑс, щи пийн Сўмӑтвоша рәпитты китсы. Ӆўв «Алён­ка», «Хӑтӆые» па «Кораблик» хотӑтн пуш­хиет ӆавӑӆман па вәнӆ­туман рәпитӑс, ин вәнты «Хӑтӆые» хущи вос­пи­тателя вәӆ.