Нуви сӑӊхум рай­он Касум вошн Ма­рия Кузьминична Волдина нємуп ки­никайт ӆўӊӑтты хот рәпитӆ. Тыв киника ӆўӊӑтты ёх киникайт вўты юхтыйӆӆӑт. Тӑ­та вошӑӊ мир пӑта ар­сыр ванӆтупсэт ӆэ­щӑтман вәӆӆӑт, ка­шӑӊ хӑннєхә мос­ты вєр тӑта вәятӆ. 

Киникайт ӆўӊӑтты хот хущи кӑт ӑктӑщты хӑр ӆэщӑтман вәӆ, ит няв­рємӑт пӑта – «Рәт ясӑӊ», па вәншӑк мир ёх пӑта – «Вєрӑӊ нєӊӑт». «Рәт ясӑӊ» нємпи ӑктӑщты хӑрн няврємӑт хӑнты ясӑӊ вәнӆтӑӆӑт, моньщӑт па хӑнты путрӑт, хоттєӆ ёхӆаӆ путрӑт ӑкӑтӆӑт па шуши мир вәӆупсы олӑ­ӊӑн уша вєрӆӑт. 

«Вєрӑӊ нєӊӑт» ӑктӑщ­ты хӑрн ёнтӑсты нє­ӊӑт ӑктӑщийӆӆӑт. И пўш ӆа­пӑтн ветмит хӑтӆӑн тыв юх­тыйӆӆӑт, тӑта арсыр мосты вєр вєрӆӑт па хӑнты пурмӑсӑт ёнтӆӑт. Хӑнты имиет катра йис вўш эвӑӆт щи вєр вєрты хошсӑт. Ӆыв юӆн па ӑӆ ӑн омӑсӆӑт, ён­тӑсӆӑт, пурмӑсӑт вєрӆӑт, тӑм вєрӑта ӆыв ай пура вўш эвӑӆт вәнӆтӑсыйт. Ӑӊкиӆаӆн ёнтум пурмӑсӑт хотӆаӆн шавиман тӑйӆӑт, ӆәӆн хотэӆн айӆат ёх щи вєрӑта вәнӆтӑты. Хӑнты нєӊиет хурамӑӊ хӑншӑӊ посӑт па сєвум вейт тый­ӆӑт, рнасӑт ёнтӆӑт, сӑк эвӑӆт сэвӆӑт, арсыр тўтщаӊ хирӑт хўӆ сўх эвӑӆт, сәнӑт па хинтӑт тунты эвӑӆт ма вєрты хошӆӑт. 

Кашӑӊ вєрӑӊ нєӊие ёнтум сухӆаӆн ӆўв ёнтум юӆ тӑйӆ. Валентина Гри­горьевна Багишева муй вєра вўянтӑӆ, иса хошӆ, рнасӑт ёнтӑӆ, тунты пи­ӆа рәпитӆ, хинтӑт па арсыр пурмӑсӑт тунты эвӑӆт вєрӆ. Екатерина Сер­геевна Ерныхова ху­рамӑӊ хӑншӑӊ вейт ши­рӑт эвӑӆт тыйӆ, хурамӑң тўрӆопсӑт, мевӆ ӆопсӑт сӑк эвӑӆт кӑрӑтӆ. Ӆўв йиӆуп тўрӆопӑс вєрты оӆӊитты еӆпийн хӑншиет нєпека хӑншӑӆ, ӆәӆн кашӑӊ сӑк сємие хӑншиета рӑхӑс, па вєрты тўрӆопсӑӆ ху­рамӑңа тывӑс. Ма сыры шимӑщ арсыр тўрӆопсӑт ӑн хошсум вєрты, щимӑщ хӑра ӊхты питсум, еша тывты щи питӑс. 

Екатерина Михайловна Иночкина рнасӑт, хә р­насӑт, щӑшкан сӑхӑт ён­тӑӆ, хӑншиет ма па тәса тывӆ. Светлана Алек­сандровна Тарлина пур­кайт па вейт, молупщи па па ӆәмӑтсухат вўӆы вой сух эвӑӆт ма ёнтӑӆ. Валентина Васильевна Григорьева хурамӑӊ тўрӆопсӑт, ай па вән тўтщаӊ хир хўӆ сух эвӑӆт вєрӆ, юнтты хӑнты аканят ёнтӑӆ. Ар митра па айшӑк айӆат ёх, няврємӑт хӑнты пурмӑсӑт вєрты вәнӆтыйӆӆӑт, муй вўрн сапӑӆа ӆәмӑтты хурамӑӊ ут вєрты муй па ай акань па арсыр әмӑщ пурмӑсӑт ёнтты. 
Зоя Никоновна Тарлина па Мария Ивановна Иги­шева тунты хущи хӑнши пунты па ай тунты пурмӑсӑт, сән муй ай вәнщуп ёнтты няврємӑт вәнӆтӑӆӊӑн. Мария Михайловна Ка­нева няврємӑта ванӆтӑӆ, муй вўрн сӑран акань мав нєпек эвӑӆт вєрты. Мария Михайловна пу­тӑртӑс, ӆўв ай пурайн, ая вәӆман, щимӑщ аканят пиӆа юнтӑс. Няврємӑт кашӑӊ хӑтӆ юхтыйӆӆӑт па муӆты вєрӆӑт, ай пурмӑсӑт ёнтӆӑт, сӑк кеӆ муй ӆәйтӑт сӑк эвӑӆт кӑрӑтӆӑт. Ма нәмӑстємн, щит шєӊк м. 

Мўӊ касум вєрӑӊ нєӊев Аксинья Григорьевна Ер­ныхова няврємӑта м ясӑӊ лупӑс: 

 Ая вәӆман, муй ӑӊкєм вєрӆ, мўӊ па вєр­ӆўв. Нына­на ма вәты мосӆ, хутыса йис щирн ӆәмӑтсухӑт ёнтсыйт, муй­сӑр хӑншиет муйсӑр су­ха мәстӑӆӑт, тӑм йис пур­мӑсӑт вантман ёнтты вәнӆтыйӆӆӑты. 

Щит па тәса вєрум пур­мӑсӑт, ӆәмӑтсухӑт әмӑщ ӆәмӑтты па тӑйты. Ёнтӑсты нєӊӑт па ӆыв хоттєӆ ёхӆаӆ иса хурамӑӊ ӆәмӑтсухӑт ӆәмӑтман тӑйӆӑт. Ӆыв ёшӆаӆн вєрум пурмӑсӆаӆ мӑӊхӑтӆӑт пурайн вошн па округев хўваттыйн арсыр ванӆтупсэтн ванӆтӑӆыйт. Вән пәмащипа лупты ӆӑӊхаӆум щимӑщ вєрӑӊ нєӊиета, вәншӑк хуятӑта, хуйтат мўӊев па айшӑк няврємӑт муӆты ёнтты па вєрты вәнӆтӑӆӑт. Щи тӑхийн щимӑщ хӑрн иха ӑктӑщман, путӑртман мєт әмӑщ муӆты вєрты. 

Путӑр хӑншӑс: 
Светлана Рандымова