Ёмвошн ван хӑтӆуп тыӆӑщн 12-мит хӑтӆ эвӑӆт 15-мит хӑтӆ вәнта тӑӆ тәрумн мира мосты ӑктупсы – Россия ӆуват па па хон пєлӑк эвӑӆт юхтум Ищки икет па Ӆоньщӑӊ эвет XV-мит ӑктупсы вєрӑнтсы. Тӑм ар мирӑӊ ӑктупсы Борис Лосев нємуп парк хуща вәс.

Нӆ хӑтӆ мӑр Йиӆуп оӆэв мӑӊхӑтӆа Ищ­ки икет па Ӆонь­щӑӊ эвет 35 пиӆ Россия арсыр мўв сўӊӑт эвӑӆт па Беларусь мўв эвӑӆт юхӑтсӑт. Ӆыв кўтэӆн кӑсупсы тӑйсӑт, ӆыв йиӆуп оӆ программайт ванӆтӑсӑт па щи вєрӑт мухты мӑта мўв Ищки ики па Лоньщӑӊ эви нух питӆӑӊӑн. Кашӑӊ оӆ мўӊ вошева Великий Устюг вош эвӑӆт мєт нәптӑӊ вән Ищки ики мойӊа юхтыйӆ.

Лупты мосӆ, Ищки икет па Лоньщӑӊ эвет ӑктуп­сы – щит мўӊ Югра мўвевн  тывум мӑӊхӑтӆ. Тӑмӑщ ӑктупсэт Ёмвошн 2001-мит оӆ вўш эвӑӆт вєрты оӆӊитсайт, 2007-мит оӆн Россия ӆуват мӑӊхӑтӆа вєрса, 2018-мит оӆ эвӑӆт тыв па хон пєлӑк мир юхӑтты питсӑт.

Югра кәща лӑӊкӑр нє Е.В. Майер ӑктупсы пўн­шумн ёх ещаӆт м вўща ясӑӊ лупӑс: 
- Тӑмхӑтӆ мўӊ Ищки икет ӑктупсы оӆӊитӆэв, 15-мит оӆ мӑр тӑмӑщ мӑӊхӑтӆ тӑм мўвн вєрӑнтӆўв. Тәх оӆӑтн арсыр сўртӑт пӑта тӑмӑщ мӑӊхӑтӆ мўӊ ӑн вєрӑнтсўв. Ин па ма ванттємн, тӑм мӑӊхӑтӆа вєра ар хуятӑт ӑкумсӑт, тӑмӑщ мӑӊхӑтӆ ӆывеӆа мосӆ. Мўӊ тӑта м нумӑсн, м сӑмн ӑкумсўв, тыв иса Россия 10 мўв сўӊ эвӑӆт 35 Ищки ики Ӆоньщӑӊ эвиӆаӆ пиӆа юхӑтсӑт.

Щӑӆта па ӆўв Донец­кой Народной Республика эвӑӆт юхтум мойӊ ёхӆўв оӆӑӊӑн путӑртӑс. Тӑмӑщ мӑӊхӑтӆа ӆыв мєт оӆӑӊ пўш юхӑтсӑт, ӆыв ищи ар ӑктупсы, ар щунь мўӊ ми­рева тәсӑт, щӑӆта па мўӊ сӑмӆўв хошум рўв ӆыв мўв няврємӆаӆа юхӆы тә­ӆӑт. 

Щи мирев пӑта мўӊ вән грузовик мойӆупсэт ӑкӑтсўв, щит «Добрые де­ла Югры» акция мухты ӑкӑтсайт.
- Тӑм вән мӑӊхӑтӆэв ин ван хӑтӆуп тыӆӑщн 12-мит хӑтӆӑн оӆӊитсэв па 15-мит хӑтӆӑн тәп хуӆаӆ, щи хӑтӆӑн мўӊ Ищки икет па Ӆоньщӑӊ эвет хуӆыева вантӆӑӆўв па пириӆўв, мӑта хуятӑт тӑмӑщ кӑ­супсыйн нух питӆӑт. Прог­раммайӆаӆ ванӆтӑты пӑ­та щи моньщӑӊ ёх, путрӑӊ ёх тыв щи юхӑтсӑт. Кӑсупсыйн нух питум ёхӆўв туристической пу­тёвка ёша павӑтӆӑт. Ма щирємн, тӑм вєра м вєр, щи пӑта мўӊ тӑ­мӑщ ӑктупсы па еӆӆы вєр­ты питӆўв, – юхи хӑщум ясӊӑӆн Е.В. Майер лупӑс. 

Нӆ хӑтӆ мӑр путрӑӊ-моньщӑӊ ёхӆўв, Ёмвош па мойӊ хуятӑт әмщӑӆу­ман путӑртсӑт па сыр-сыр вєрӑт ванӆтӑсӑт. «Долина ручьёв» хуща «У костра» вәйтантупсы вәс, щӑта ӑк­мум мирев ёшӊӑӆаӆ ха катӑӆман рат хӑр мухӑӆая арисӑт, яксӑт, юнтсӑт. Рат хӑр пєӆа вантман мосты вєрӆаӆ, кашӆаӆ оӆӑӊӑн нәмӑссӑт, щитӑт Йиӆуп оӆн ат йинумӆӑт.
Юхи хӑщум хӑтӆӑн Ищки икет па Лоньщӑӊ эвет ӑкумсӑт «Центр мо­лодёжных проектов» хот йитн «Метафора» нє­муп етнхотн. Тӑта арсыр вєрӑт вәсӑт: йиӆуп оӆ мӑӊхӑтӆӑтн ӆәмӑтты р­нас сухӑт, мастер-классӑт. Моньщӑӊ ёх няврємӑт пиӆа путӑртсӑт, юнтсӑт, ӆыв нумӑсӆаӆ м әмӑщ тӑхет пєӆа кєрӑтсӑт.
мӑӊхӑтӆ хуӆам етн уша йис, XV-мит Россия ӆуват Ищки икет па Лоньщӑӊ эвет ӑктупсыйн Сәрханӆ вошӑӊ хә, «Петрушка» нємуп театрӑн рәпитты хә Анатолий Лупашко нух питӑс.
Тӑмӑщ ӑктупсы пийн юхтыӆум ёх Йиӆуп оӆ ӆавӆӑсман әмӑщ нумӑсн, хошум сӑм рўвн ара щи мӑнсӑт.

Путӑр хӑншӑс: 
Пётр Айев