Мєт сырыя мўв пӑты сухуптум вух оӑңӑн путӑр мӑнӑс. Округ кәща нє Наталья Комарова щиты лупӑс: «Щи вухӑт эвӑт районӑт, вошӑт, кәртӑт бюджетӑт вәншӑка йиӑт. Тәп юхи хӑщум оӑтн шим хуят мўв пӑты вух сухуптӑ».

 

ўв ясӑңа эвӑт уша йис, тӑм вєрн ар нўша вә. Щит итәх пурайн тәса ӑн хӑншман, муйсӑр ёх тӑм муй тум мўв ёшн тӑй. Итәх пурайн ӑн хӑншман, мўв муйкєм арат тын тӑй. Щи тумпийн налоговой тӑхетн ар хуят нєпекӑн ӑн хӑншман вәӑт.Щит пӑты ыв налог вух ӑн сухуптаӑт. «Мўв пӑты сухуптум вух – щит вән нётупсы бюджет пӑты», – ястӑс Н. Комарова.

 

Мирхот пурайн Покачи вош кәща Раян Халиуллин ясӑң тәс:

– 2009-мит о Ас хӑты тыӑщ вўш эвӑт мўң вошевн мўв пӑты налог вәншӑка йис. Мӑнум он мўв налог вух унтасн вошӑң бюджетэв 1 миллион 264 щурӑс шойта вәншӑка йис.

Мос лупты, тӑм он лыпӑт тыӑщ 1-мит хӑт вўш эвӑт мўв пӑты ӑн сухуптум ёх вухн пуныйт. 

 

Юхи хӑщум оӑтн СНГ мўвӑт эвӑт юхтум ёх итәх вошўв киман мўвӑт әтты питсӑт. Щӑта нємат єтут ӑн омӑсӑт, тәп мўв эваса шӑкӑӑт.

 

Щи тухапи нух вантсы, муй щирн «Развитие системы обращения с отходами производства и потребления в Югре ...» нємпи поступсы рәпитӑ. Щит тәня о вўш эвӑт рәпитты оңитӑс.

 

Тӑм поступсы хўват нампар ӑкӑтты хӑрӑт муй щит эвӑт е муты вєрты пӑты вух нётупсы мӑты питсы. Щиты Советской районӑн па Горноправдинск вошн нампар ӑкӑтты вән хӑрӑт вєрсыйт.