Ма Ваньщавӑт библиотекайн рәпитты нє Н.В. Шабаршина няврємӑт пиа флешмоб нємпи ӑктупщи вєрсум. Кәртэв хўват киникайт ўңӑтман янхсўв, ән, нєпек пєы кашлы ёхўв библиотекая хущты.Шӑншўвн тӑмӑщ ясңӑт хӑншсўв: «Вәупсы киника хўват уша вєра!», «ўңӑтман хўв нумсупа йиан», «Еы вәупсэн нӑң ёшн вєрэ – ўңта!», «ӑңхаӑн сырыя вәты – ўңта!», «ўңӑтты айат ёх – мирев еы утӑң вәупсы!»…

Тӑм вєрев оӑңӑн «Одноклассникӑт» сайта хурўв пунсӑўв – ар мўвев сўң эвӑт юхы ясӑңӑн юхӑтсыюв. Краснодарской край эвӑт Е. Конаныхина хӑншӑс:  «Ма нумсєм нын пиана! Ям киникайт ўңӑтман хӑннєхә вещката йи. Пирияты щимӑщ киникайт, мӑта утӑт нынӑн тәс вәупсы ӛша оньщтӑӑт».

Санкт-Петербургӑн увӑс мир няврємӑт вәнтӑты учебникӑт єсӑты нєңие М. Рачинская амтатя: «Ма ищи нын пиана! Ма ая вәмємн нєпекам ёш эвӑт ӑнт єсыйсӑам. Щит пӑты әйңам пиа шим хәхӑтясум. ўңӑн камн хот овн ўңӑтты омӑсум. И ўң мўң ай хутңие тӑйсўв, ай куиенӑн вәйтсэв, сўс вәнты вән хурамӑң нуви хутӑңа єнмӑс. ўв ух ма ӑңкрєма пунӑэ па шӑншєм эвӑт вантты киника пєы сӑмӑң вәс, щӑта и мӑңӑнмӑ. Щиты мин киника щи ўңӑтсумн».

Т. Огнева Ёмвош эвӑт иса тәс вәупсы вєрӑт эвӑт йирн ӑн вә, ўв мўңев таңӑэ: 

« ўңтаты! Нын питаты тўңа хӑншты, нын пиана әмӑщ путӑртты пит!».

Н. Брусенцева культура хотэвн рәпитты нє ӑңхӑ: «ўңтупсы нынана нух пәрӑты тух ат мӑ, киникайт ар нумӑс, еы вәты амӑт ат тәӑт!»

Н. Вах Ёмвош эвӑт тыштуман путӑртӑ: «Ин няврємӑт ўңӑтты шим питсӑт. Нын ям мосты вєр вєрӑты! Нын ўңӑтты хотн кәртӑң ёхана амӑт еы ат тә».

Нуви сӑнхум вош эвӑт нє А. Ледкова вәйтӑэ: «Ай кәртӑң ёх киника ўңӑтӑт ки, вән вошӑта юхӑттэн так нумасн, апрӑңа вәӑт».

ўңтаты! Киникайт нётупсы нын вәупсэна ат тәӑт!

Сырышӑк хәум тыӑщ мӑр «ўңӑтўв и утэв епийн» нємпи акция хўват ӑңкет, ащет, аңкаңкет, аңщащет няврєма моньщ пиа и утаса.

Пушхиет сӑма рӑхты ван хуята нявлак тур сыие хәӑнтман ям нумасн и вуюмтыйт. Мєт ар киника вет хиыеаа Р.Д. Лаврентьева ўңтӑс. И.Д. Дыбина, В.В. Юмин, С.М. Полякова, Молданов Г.В. ищи ўңӑтман хиыаа вән амӑт тәсӑт. Ай няврємӑт тӑйты хотн рәпитты нєңие Р.П. Гришкина ищи әмӑщ моньщие ўңӑтман  пушхиет и вуйтӑ. 

О хўват мєт ар киника, сот мутас, кимит класс етшуптум эвие Влада Молданова ўңӑт. Мєт лутӑң хон хоттє ёх хуыева ўңӑтӑт, щит: И.Е. Арабок, И.Н. Молданов, В.Ф. Тимиргалеев семьяйт.

 

Нина 

Шабаршина