- Хантыйский
- Русский
Хўӆ веӆпӑсӆӑты ёх хӑтӆ вәс
Вәщ тыӆӑщ 11-мит хӑтӆӑн Россия мўв ӆуваттыйн хўӆ веӆпӑсӆӑты ёх мӑӊхӑтӆ постӑсы. Касум вошн вәщ тыӆӑщ 11-мит хӑтӆӑн хўӆ веӆпӑсӆӑты ёх мӑӊхӑтӆ вәс.
Тӑм мӑӊхӑтӆӑн касум мира арсыр кӑсупсэт ӆэщӑтсыйт. Аӆӑң саты вош мирев Амня юхана хўӆ веӆпӑсӆӑты юхӑтсӑт. Оӆӑңӑн «Хўӆ веӆты хә» кӑсупсы вәс. Вәнӆат па айӆат хуятӑт Амня юхан хонӑӊа хўӆ ншты юхӑтсӑт. Вантты мєт әмӑщ, няврємӑт ӑӊкиӆаӆ-ащиӆаӆ пиӆа юхӑтсӑт.
Тӑм кӑсупсыйн мир ар щирн кӑссӑт: мєт айӆат хўӆ веӆпӑсӆӑты хуят, мєт ар хўӆ катӆум хуят, мєт вән хўӆ катӆум хуят, мєт сора хўӆ катӆум хуят, мєт ар хўӆ катӆум щемья.
Мєт айӆат хўӆ веӆпӑсӆӑты хуята Степан Багишев айӆат пух йис.
Виктор Мельников – мєт сора хўӆ катӆум хуят. Арсений Канев – уяӊ ай хўӆ веӆпăсӆăты хә.
Имет кўтн, мєт ма хўӆ веӆпӑсӆӑты хуята – Мария Давкант питӑс. Ӆув пухӑӆ Кирилл Сайнахов сырыя питӑс, ӆўв «Юнга рыбной ловли» нєм щирн мойӆупсыйн мӑсы.
Татьяна Николаевна Тарлина Михаил пухӑӆ пиӆа мєт ар хўӆ веӆмăн, па тӑм кӑтӊӑң «мєт ар хўӆ катӆум хуят» нєма питсӑӊӑн.
Кашӑӊ оӆ Михаил Тарлин мєт вән хўӆ катӆум рыпака йиӆ па тӑм оӆ па щи сырыя питӑс. Ӆув мєт ар хўӆ ёша пӑвтӑс. Ӆўв хўӆ веӆпӑсӆӑты вєрӆ ма тӑйӆăӆэ, ӆўӊӑн кашăӊ хӑтӆ ншты ӊхӑӆ.
Тӑм пўш кӑсупсыйн ар хуятӑт кӑссӑт, ӆыв хўӆыева хўӆ такӆы юхи ӑн мӑнсӑт, кашӑӊ хуят хўӆ веӆмаӆ.
Щӑӆта музей питӑрн ай юханăн юрн хопӑӊ кӑсупсы вәс. Светлана Александровна па Алексей Семенович Тарлинӊӑн щи кӑсупсы ӆэщӑтсӑӊӑн.
Ёхӆўв ар щирн кӑссӑт, кӑт хоп мӑнӆ, ар хоп мӑнӆ, хуйтат сора юхӑтӆӑт. Юхана аршӑк хуят кӑсты юхӑтсӑт, эвет, пухӑт, вәнӆат хуятӑт. ма па пӑста хопиет тыв-тухи нопӑтсыйт.
Кўлупн рәпитты нєӊиет няврємиет пиӆа хўӆӑт оӆӑӊӑн арсыр юнтутн юнтсӑт.
«Касум ёх» пурмӑсӑт ӆавӑӆты хотн арсыр йис вєрӑӊ тӑхет ӆэщӑтман вәсӑт. Ар вєрты хӑр ӆэщӑтсы, кашӑӊ хӑннєхә ӆўвеӆа мәстум вєр вєрӑс, хуйтат хўӆ сух эвӑӆт ай хирыет ёнтсӑт, итәх хăннєхуятӑт тунты эвӑӆт пурмӑсӑт вєрсӑт. Валентина Васильевна Григорьева ванӆтӑс, муй вўрн хўӆ сух эвӑӆт ай хирыет ёнтты.
Раиса Гавриловна Тарлина ванӆтӑс, муй вўрн ӆўв нянь кәрн, єпӆӑӊ сорт кавӑрӆ.
Нюки хотн имет пăсанӑт ӆэщӑтсӑт, єпӆӑӊ хўӆ хошум йиӊк кавăртсӑт.
Щӑӆта мӑӊхӑтӆ постӑты пурайн нух питум ёхӆўв па юхтум хуятӆўв мойӆупсэтн мойӆӑсыйт.
Тӑм мӑӊхӑтӆ мўӊ вәӆты ёхӆўв пӑта мєт м, щит әмӑщ хӑтӆ, кашӑӊ шуши мириев йистєӆн хўӆ веӆпӑсӆуман вәӆӆӑт.
Мўӊ мириев ӛрӑт па ушӑӊӑт, хўӆ веӆпӑсӆӑты ар митра тӑйӆӑт. Хӑнты кәртыет юхан кимӑӆн омӑссыйт, хўӆые иса вантты мосӆ.
Хўӆ эвӑӆт ӆєтут арсыра вєрӆа, хўӆ сулыла, шәмӑха вєрӆа, ӆәӆн тӑӆн кавӑртты. Юханӑтн ар хўӆ вәӆты питӆ ки, мўӊ вәӆупсэв еӆӆы тәса мӑнӆ.
Кашӑӊ веӆпӑсӆӑты хуята вән вўща ясӑӊ китӆўв. Тӑӆаӊа, уяӊа вәӆаты, ар хўӆ хоӆпа па нша ат питӆ!
Путӑр хӑншӑс:
Светлана Рандымова
День рыбака в Казыме
11 июля в селе Казым прошли мероприятия, посвящённые Дню рыбака. Для организовали множество конкурсов и соревнований. На берегу реки Амня собрались и стар и млад, приятно было видеть семьи с детьми. Рыбаки соревновались в самых разных номинациях: на самую маленькую и самую большую рыбу, а также определяли, кто поймает больше всего рыбы и какая семья окажется самой удачливой.
Самую маленькую рыбку поймал Степан Багишев. Виктор Мельников стал первым, у кого начался клёв. Арсений Канев одержал победу в номинации «Удачливый рыбак».
Мария Давкант стала победительницей среди женщин, а её сын Кирилл занял первое место в номинации «Юнга рыбной ловли».
Татьяна Николаевна Тарлина с сыном Михаилом поймали больше всех рыбы. Неудивительно ежегодно видеть Михаила среди победителей, он очень серьёзно относится к своему увлечению. Летом его почти всегда можно увидеть со спиннингом на реке.
Удача не отвернулась от рыбаков, и в этот день каждый смог поймать рыбу для вкусного обеда.
Светлана Александровна и Алексей Семёнович Тарлины стали организаторами гонки на обласах. Участники соревновались в скорости и в парных заездах. В соревнованиях приняли участие как взрослые, так и дети.
Работники клуба организовали весёлые конкурсы и викторины. Работники центра «Касум ёх» провели мастер-классы, где каждый смог найти занятие по душе. Одни научились разделывать рыбью кожу и попробовали сшить небольшой мешочек. Валентина Васильевна Григорьева провела мастер-класс по изготовлению мешочков из рыбьей кожи. Дети плели себе красивые украшения, другие участники занимались изготовлением берестяных изделий.
Раиса Гавриловна Тарлина показала мастер-класс по приготовлению щуки в нянь коре. В чуме было организовано чаепитие, где все желающие могли попробовать вкусную уху и рассказать свою рыбацкую историю.
Этот праздник для нашего народа имеет большое значение. Коренные жители издавна знают множество секретов и приёмов удачной рыбалки. Не случайно они селились вдоль рек, чтобы на столе всегда была рыба. Из поколения в поколение передавались и способы её приготовления: рыбу солили, сушили и заготавливали на зиму.
От всей души поздравляем рыбаков с праздником! Пусть удача всегда сопутствует вам!
Светлана Рандымова
