Ёмвошн арӑӊ, моньщӑӊ хӑнты ими Ульяна Ни­колаевна Шульгина (Рандымова) вәӆ. Ӆўв Касум мўвн єнмӑс. Ар оӆ мӑр няврємӑт ёнтӑсты, сӑк кӑрӑтты вәнӆтуман рәпитӑс. Ульяна Николаевна — йинтпӑӊ ими, ар хӑннєхә ӆўв ёнтум рнасӆаӆн, щӑшкан сӑхӆаӆн шәшиӆӑӆӑт. Тӑм ванӑн «Хӑнты ясӑӊ» газетая ӆўв вєрум арӆӑӆ тәсӆэ.

Пєтра

Пєтра, Пєтра, Пєтра, Пєтӑр.
Оӆӑӊ хон воша ӊхум хәен,
Аӆ Тәпӑл воша ӊхум хәен.
Пєтра, Пєтра, Пєтра, Пєтӑр.

Тӑм хәйӆ сот ӆуӊум хота
Пєтӑр ма юхтыйӆумєм ищи.
Тӑм нєӊӑӆ сот ӆуӊум  хота
Пєтӑр ма ӆуӊтыйӆумєм ищи.

Пєтра, Пєтра, Пєтра, Пєтӑр.
Аӆ Тәпӑл воша ӊхум хәен,
Оӆӑӊ хон воша ӊхум хәен.

Нєӊа мосты ар пурмӑс-әәә,
Пєтӑр ма  тәтьӆийӆумєм-ие.
Хәя мосты ар пурмӑс-әәә,
Пєтӑр ма тәтьӆийӆумєм-ие.
Печар вєншӑӊ ар вух  ӆәйт,
Ӆәйт ар тәтьӆийӆумєм-ие.
Хӑтӆэн хӑншӑӊ, хӑншӑӊ ухшам.

Тыӆщиен хӑншӑӊ, хӑншӑӊ ухшам.
Арӑӆ тәтьӆийӆумєм ищи,
Арӑӆ ӆәтыйӆумєм ищи.

Пєтра, Пєтра, Пєтра, Пєтӑр.
Аӆ Тәпӑӆ воша ӊхум хәм,
Пєтӑр, ма вәӆӆийӆумєм-ие.

Тӑм «Ай Вара» ар Вань­щавӑт кәрт ими Мат­рёна Егоровна Яр­кина арисӑӆэ. Ар ясӑӊӆаӆ Ульяна Шульгина нєпе­ка хӑншсӑӆэ.

Ай Вара

Айе, айе, айе, айе,
Варайе,Варайе, Вара.
Ма хущєма вайе,
Айе, айе, айе!
Ай эвие, вайе-е
Мӑӆӑӊа вәри хонӑӊа,
Айе, айе, вайе!
Воньщумут воньщты мӑнӆумӑн,
Варайе, Варайе.
Айе, айе, айе, айе,
Ма хущєма вайе-е,
Ай Вара!

Пәхрӑӊ Макщум вән эви

Пәхрӑӊ Макщум кўтуп эвие
Хурасӑӊ нє хуриемӑн
Ма щи шәшияӆтєм.

Уяӊ хот сўӊ м тыхӆємӑн
Шәк ӑн вәйӆумєм ма.
Няврємӑӊ  хот щи тӑймєм.

Пушхӑӊ хот щи ма тӑймєм.
Пушхиеӆам ащиеӆ
Вещӑӊ хурӑӊ хәя вәс,
Уяӊ, апрӑӊ хәя вәс.

Мин тӑйсумӑн нивӆ пушӑх,
Найн-Вәртӑн ӆавӑӆыйӆумӑт.

Ма пиӆым щи тўвум,
Ӑн кӑншиӆум хўв пӑнта,
Ӑн вохиӆум хўв пӑнта,
Ма пиӆым щи тўвум.

Тыхлӑӊ нәӊи тыхӆыемӑн
Атэӆт хота щи хӑщмєм.

Хуӆща вўӆум ӛр нумӑс,
Пушхиеӆам щи вәтшумєм,
Пушхиеӆам щи хуӆатэӆ.

Иса вәлты, тухӆӑӊ сот-әәә.
Иса вәлты, кўрӑӊ сот-әәә.
Нын, муй щиты ӆэщитуман, 
Нын, муй щиты  партыӆуман?