Ай кєр тыӆӑщ оӆӑӊмит хӑтӑӆн Ёмвошн Государственной киникайт ӆўӊӑтты хот йитн округев ӆуватн йиӆуп нєпекӑт хурасӑӊа хӑншум писателят тӑм мӑнум 2022-мит оӆн округев кәщайн лауреат нємӑтн кантсыйт, ишӑкты нєпекӑтн па вухӑӊ мойӆупсэтн катӆуптӑсыйт.

Сырыя Югра мўв кәща нє Наталья Комарова иха ӑктӑщум хӑннєхәйт еӆпийн лупӑс: 

- Шєӊк м щи вєр, хуты мўӊ округевн щимӑщ писателят вәӆӆӑт, мӑта хәйт па нєӊӑт арсыр хон пєлкӑтн вәйтӆыйт, щит Еремей Айпин, Ма­рия Волдина, Андрей Тар­ханов шәӊӑт, Юван Шес­талов шәӊӑт па па хӑн­нєхуятӑт. Мўӊ хущева арсыр литературной кӑ­суп­сэт па грантӑт кашӑӊ пўш ӆэщӑтӆыйт, ӆәӆн щи утӑт унтасн ӆыв сыр-сыр әмӑщ па хурамӑӊ нєпе­кӑт ат хӑншсӑт па єсӑӆты вєритсӑт.

Щӑӆта Наталья Влади­ми­ровна тӑм 2022-мит оӆн литературной щирн вєрум кӑсупсыйн нух пи­тум писателята ишӑкты нєпекӑт, мевӆ посӑт мой­ӆӑс. «Документальной, публицистической щирн «м вәӆупсы щир, уйтӑӊ пӑнт!» киникайӆ унтасн Мария Вол­дина оӆăӊ тăхия юхтӑс. «Ху­дожественной проза» тӑхи щирн па Ере­мей Айпин иха ӑктум вет киникайӆаӆ пӑта нух питӑс. Поэзия хуща па Светлана Динисламова «Ма ум» нємуп стихӑӊ нєпекӑӆ пӑта оӆӑӊ тӑхи хоӆумтӑс. 

Мойӆупсэт пийн ли­тературной кӑсупсыйн нух питум писателят сыр-сыр вўща ясӊӑт тәсӑт. 
Мария Кузьминична нёхмӑс: 

- Ясӑӊ хуты ар вәӆ. Ма м вўща ясӑӊ тӑмхӑтӆ округ кәща нєӊа, хурамӑӊ киникайт хӑншты хәята-нєӊӑта па мўӊ нєпекӆўв ӆўӊӑтты хӑннєхуятӑта лупӆум! 

Щӑӆта Еремей Дани­лович путӑртӑс: 

- Египет хон пєлӑкн ом­сум нӆ вўрӑӊ кев хурасӑт хәӆум муй нӆкєм йиса питты пурайн иса хуӆые­ва ай нампра йиӆӑт. Тәп щи ёх хӑншум нєпекӑт хӑщӆӑт. Мўӊ ищиты тӑм мўв эвӑӆт па мўва пит­ӆўв. Тәп тӑмхӑтӆ хӑншум киникайӆўв хӑннєхуятӑтн еӆӆы ӆўӊӑтты питӆыйт па пура-пурайн м ясӑӊӑн нәмӑӆмӑӆыюв! 

Светлана Си­ливёрстовна иха ӑктӑщум хӑннєхәйт еӆпийн лупӑс: 

- Вән пәмащипа нынӑна, Наталья Владимировна, писателята па мўӊ кини­кайӆўв ӆўӊӑтты хуятӑта! Нын тӑмхӑтӆ шєӊк м мӑӊхӑтӆ мўӊ пӑтэва тӑта ӆэщӑтсӑты.

Путӑр хӑншӑс: 
Владимир Енов