Т. Молданов
Ӑӊкєма
Муя вєншен нӑӊ хӑнятӆэн,
Ар мўв яӊхум ар пӑнтыеӆӑн,
Вєнша тывсӑт иса
щира.
Хўв мўв эвӑӆт
Вош хӑрия нєпек
хӑнши,
Нӑӊ тәсыен,
Сєм хулюман щит щурӑтман.
Ӑнт шєӊкӆӑсӑн
хуӆна нӑӊ,
Хўӆ сорӑӆты нӑӊ щи ӆоӆьсӑн,
Ӑӊкєн яӊхум ар ӛшие
Нӑӊ хущєна тывсӑт
ищи.
Мӑтта хӑтӆ пухєн юхи
Ӆўв ӑнт юхтӑс.
Вєнш пўӊӆӑн хӑщӑс пӑнт.
Аӆ хӑнятэ вєншен нӑӊ.
Ар мўв яӊхум
пӑнтӆӑн щӑта,
Ар йиӊк яӊхум
пӑнтӆӑн щӑта.
Няврєм сєма питӑс хәнты,
Няврєм хоӆӑс,
Мӑтта хӑтӆ,
Нӑӊ вєншєнӑн
пӑнтӑт хӑщсӑт.
Вєншен хуты ўв щи лупӑ,
Ӆавӑрт хӑтӆ ӆўв па вәс,
Амтум рўвєн щӑта вәӆ.
Аӆ хӑнятэ вєншен нӑӊ,
Тывєӆт пєӆа тўӊа
ванта.
Номер Ханты Ясанг:
№ 6 (3474) 22.03.2017
