Ӆаӆь нух питум хўва хӑщӑс,
Вәна пєлка йиты питсум.
Катра вәӆум вән хуятӆам:
Ӆўв оӆӊеӆн хӑншты  питӆум.

Нивӑӆъяӊ пєӆа вет тӑӆ хӑщӑс,
Амтӑӊ ясӑӊ хән тыв юхтӑс.
Мирев ӆыв нәмӑсӆӑт ма йисӑт,
Хоӆӆуп кўтна апӑлтыйӆсӑт.

Ма ай вәӆмєм артна,
Ӆаӆь хӑр вантум акиӆам,
мсыева вәсӑт, рәпитсӑт,
Няврємиӆаӆ єнмӑӆсӑт.

Сойм па пєлӑк – Кәща хә ики,
Няняӊ-кәртӑӊ – Пещат хә ики.
Хунзи ики – Тов кәрт эвӑӆт
Оми Юхур – Отлёр эвӑӆт
Нивӑӆъяӊ пєԯа вет тӑӆ хӑщмаӆ,
Вән Победа юхтум хӑтӆ.

Тынӑӊ тынӑӆ сухуптумаӆ,
Мўӊ мириев мўв ӆуватна.
Рәт хуятӑт, и ӛр вєрӆўв,
Кев хурас кәрта омӑсты нётӆўв!

Щӑта ӆәӆн еша ӆоӆьӆўв,
Ин икиӆўв нәмӑӆмӑӆўв.
Кева нємӆаӆ ки хӑншӆўв,
Мухты ӆўв щи вәйтӆайт.

Тамара Пырысева