Мӑнум о округев сєма питум хӑт вўраңӑн Ёмвош «Югра-Экспо» хотн хәум хӑт мӑр «Товары земли югорской» нємпи тынєсты вантупсы вәс. Щив яңхмємн ма Касум мўвн вәты хӑнты хә Алексей Тарлин пиа вәтӑңа йисум. Щирн интӑм ўв вәупсэ па рәпатай оӑңӑн нынана айке тәты аңхӑум.
Алексей Тарлин 1970-мит о Касум вошн сєма питӑс. Ӑңке – Нина Васильевна Спиридонова, Кещлор мўв нє вәс. Аще – Семен Егорович Тарлин, Амня мўв хә. Йистєн ёх вўэт авӑман вәсӑт. Тарлинӑт хоттє ёхн кӑт няврєм: Алексей па Евгения єнумсӑңӑн. Евгения Алексей эвӑт ня о айшӑк.