Шуши мирев вәԯупсы - Жизнь хантыйского народа

Кондинской район Карл Маркс нэмып колхозны хут ветпыс­тыты хо Михаил Фё­дорович Тайлаков нуп­тыт хуват моттыкем сот тонн отынг сорт хут государствая мас. Тув ситы яма рупиттат пата мотты арат пуш пра­вительственной награ­да­ны мийтисы. Хун тув хутыммит квартал за­данияны масы, имох­ты ветпыстаты тахе­та ма­ныс. Михаил Фе­дорович Пихтовой ёхан хоси атармаин ветпыстыс па 10-мит сентябрь унта планыт кат пуша тарматсытэ. Сирны тув 5 молтас тонн ай па ун хут ветыс.

Кондинской район Карл Маркс нэмып рыбартель ёх картопка нох вуты на­рымсыт. Там курт хоси, хута картопкаит омысман утсыт, хутым хатл мар 2,5 гектар туват тахи эвыт 30 кем тонн картопка вусы. Картопка харытны ат уттэт мар рупиттыт мис пусты нэнгыт.

Уны нётыпсы вертыт там верны пирся ювым па ар нявремынг ангкет. Мет яма рупиттыт тамись ёх, хотыса Наталья Егоров­на Иванова, 57 отып Мар­фа Васильевна Копьева па Анна Васильевна Копьева.

Кондинской район «Россия» колхоз кимит по­леводческой бригаданы там ванны картопка нох вуты верны воскресник верынтса. Воскресникты Совлинской курт хус мол­тас хоят утыс.

Там хатлытны кол­хозной картопка харны антапа туп колхозникыт, рабочиит па служащиит яма рупитсыт, но и кол­хозной пенсионернгын Иван Евгеньевич Гладков па Яков Иванович Мак­симов. Куш тынана кашинг хоя 70 от, но нын айтат ёх эвыт ёхи хасьта ант тангхатнгын.
 

«Искра» колхозны ёш войхут тапыттот тэсят­ты план тарматса. Там колхоз пум харетны яма рупитсыт Е. Калинина, С. Алексеев, И. Кузнецов, А. Оленев, М. Золотухин, Н. Калугин, Г. Оленева, Саша Калинин.

Ёш войхут тапыттот тэсятты па урожай вуты верны ям нётыпсы ма­сыт ИРП пристань па горпищекомбинат рабо­чиит па служащиит.

Иса ёш войхут та­пыт­тот тэсятым мар Вон­зеват курт комсомоль­цыт, хота секретаря С.П. Молданов утл, колхозы­та уны нётыпсы вертыт.

Кашинг тапыт хутым хатл мар 5-6 комсомолец комсомольской органи­за­ция комитет член Ва­лентина Кожухова ёш итпины пум сэвырты тахия янгхтыт.

Сята тыв пум верты ёха пум сэвырты, коп­ная верты па яха тахты нёттыт.

Йис вўш эвӑӆт киникайт пиӆа рәпитты ёх мєт нумсӑӊ па нєпекӑӊ хӑннєхуятӑта вәсӑт. Ӆыв арсыр вєрӑт оӆӑӊӑн вәйтсӑт, хӑннєхәя путӑртсӑт, муйсӑр нєпекӑт ӆўӊӑтты мосӆ. Библиотекаря йиты хуятӑт, щит киникайт мєт мосман тӑйты ёх. Ӆыв шєӊк ар вух ӑн вўӆӑт, тәп рәпатаеӆ мєт м па мосты рәпатая ӆўӊӑтӆӑт. 

Югра мўвевн ар айӆат хуят вәӆ, хуйтат рәт мир вәӆупсы ванӑн тӑйӆӑт, рәт мир йис вәӆты щирӑт оӆӑӊӑн уша павӑтты ӆӑӊхаӆӑт. Щимӑщ айӆат хә пиӆа ма мӑнум ӆўӊӑн вәтаӊа йисум, щит Михаил Яркин.

Щи оӆӑӊӑн мўв­тєӆ мир вўӆєӊ ёх мирхот пурайн Тыва мўв Кызыл вош эвӑӆт юхтум ими Свет­лана Алексеевна Дём­ки­на айкеӆ тәс. 

Ӆўӊ тәрумн мўӊ мўвевн мєт ӆавӑрт вєр – щит вәнтӑт ёсты шәкӑӊ тўтӑт. Щи тўтӑт мўвев-йиӊкев па саты тємӆӑт, ӆантӑӊ ёхмӑт, воньщумутӑӊ мўвӑт иса хоюм вәнта ёсӆайт.

Вәнт кәртӑн вәӆты ёха тӑмӑщ шәкӑӊ тўтӑт – щит мєт ӆавӑрт сурт. Хотӑт, пурмӑсӑт ёсӆайт, хӑннєхә ӆыӆ рўв рмӑӆӆӑт. Щи пӑта хән мўӊ вәнт кәртӑӊ ёх пиӆа вәйтантӆўв, ӆыв иса пўш щи тарум шәкӑӊ тўтӑт оӆӑӊӑн путӑртӆӑт.

Тӑмхӑтӆ нын уша вєрӆӑты хӑннєхә артериальной дав­ленияйӆ нух єӆумты пурайн муй щирн ӆўвеӆа нётты мосӆ па муй ӑн рӑхӆ вєр­ты. 

Гипертонический криз – щит хән хӑннєхә артериальной давленияйӆ шӑӊкап нух єӆумăӆ па хўв мӑр ая ӑнт йиӆ. Щит тывийӆ, хән хӑннєхә ар­териальной давленияйӆ ванкўтӆы вәншӑк вәӆӆяӆ. Щимӑщ мәша муӆтыкєм аӆӑӊ саты питыйӆӆы. Щи пурайн кӑшитты хуята ӑн рӑхӆ муӆты шӑнкап щирн вєрты (шӑӊкап нух ӆоӆьты, иӆ омӑсты, иӆ уӆты, иӆ нюрийӆты) па па муӆты ӆавӑрт ут вєрты.