Хӑнты ясӑң вәнԯтӑԯўв - Изучаем хантыйский язык

Тӑмхӑтӆ мўӊ хӑнты ясӑӊ газетаев 65 оӆ постӑты вўраӊӑн хәтмит иньщӑсуп­сы хӑншӆўв. Юхӆы ясӑӊ тыв китаты: khanty-yasang-65@mail.ru.
 

6. Мӑта пура вўш эвӑӆт «Хӑнты ясӑӊ» газетаевн Сәрханӆ мўв хӑнтэт рәт ясӑӊӑн нємасыя лопӑс єтты питӑс?

Каҷәӊ қантәҳ ӓви айн-унта кәӆвуӆ ов сәвта. Ма анқәмән йәӊ оӆывәӆ онәӆтойем. Номәқсә­ӆәм ропиӆтәта мәнӆәм опәт сәвта.

Авит ләҳат пыриӆәт: коӆән ов сәвта сиқкәӊ ярнаснам? Ики йота коӆха әнты мәнәм ави сумәнтахӆәх воӆәӆ пан опәтӆаӆ коӆән ӆаӊӑл тохән сәвӆәтәх. Ики йөта мәнты пырән ӆув сумәнтаҳнат йимәӆәӆ.

Опәт киҷа сив әнтәм. Виҷипи йаҷәп сәвәт. Тәм нопәт ӑвит опет­ӆаӆ пыкәт корас сыват сәвӆәт. Сиқкән сәвәт пыра әнам әнты кыҷӆәт. 

Тынӑӊ няврємӑт! Сәрханӆ районӑн Лямина кәртӑӊ ӑшко­ла няврємӑт «Дом на воде» нєпек ӆэщӑтӆӑт. Щи нєпек ӆыв хәӆум ясӑӊӑн єссӑӆӆӑт: рўщ, хӑнты па английской ясӊӑтн. Мўӊ хәӆум тыӆӑщ мӑр ипўш щи нєпек эвӑӆт сәрханӆ хӑнтэт ясӑӊӑн хӑншум путрӑт тыв вєрты питӆўв. 

Тӑм оӆ мўӊ Россия ӆуваттэвн – щит «Йис вәӆупсы нух ӆэщӑтты оӆ» па иса мўв ӆуват­­тыйн «Шуши мир кан ясӊӑт нух ӆэщӑтты яӊ оӆ». Тӑм оӆӑт Югра хуща «Тёпӑӊ ясӊєм» нємпи наука па вәӆупсы щира вєрум мирхотн олӊитсайт. Тӑм мирхот тәнӆуп тыӆӑщн 21–23-мит хӑтӆӑтн вәс. 

Тӑмӑщ наука па вә­ӆупсы щир мир­хотн и пєлӑк ёх ха ӑктӑщман путӑртсӑт, кимӑт пєлӑк ёх карты щўӊкӑт мухты путӑртсӑт. Мирхот Мегион вошн «Экоцентр» нємуп тӑхийн оӆӊитса. 

Рәт ясӑӊ щира вєрум мӑӊхӑтӆӑн «Хӑнты, вухаӆь, юрн ясӊӑтн пу­тӑртум путрӑт нєпекӑта хӑншты» вәнӆтыйӆты пищ ӆэщӑтман вәс. Ас-угорской институтн рәпитты ёх 2015-мит оӆн нумӑс пунсӑт щит ӆэщӑтты. 2017-мит оӆ вўш эвӑӆт тӑмӑщ вєр кәща ёхӆӑнӑн вана вўсы, щит округевн вәнӆтӑты вєрӑт, культура, оса па па хон пєлӑк вєрӑт тәты департаментӑт, «Югра ӆыӆӊуптӑты» тӑхи кәща ёх.

«Йис кәртӑт вәӆупсы» нємпи кӑсупсыйн 6-12 оӆ ӆуват няврємӑт кўтн хәӆмит тӑхия нух питӑс Ёмвошӑӊ пух Данила Самсонов. Ӆўв Тэк рәт кәртэӆ оӆӑӊӑн путӑр хӑншӑс.

Ма ӑӊкєм Ирина Вла­димировна Самсонова, эви опращ нємӆ Новьюхова, рәт мўвӆ – Тэк кәртые. Ӆўв щӑта сєма питӑс па єнмӑс. Ар пєлӑк рәтӆўв хўв пӑнта мӑнсӑт. Ин мўӊ пиӆэва тәп ӑӊкєм ный, щит Роза Григорьевна Новьюхова, Ёмвошн вәӆ. Ӑӊкєм па аӊкаӊкєм Роза апӑлнє мӑнєма Тэк кәрт оӆӑӊӑн ай павӑтсӑӊӑн. 

«Хӑнты ясӑӊ» газета ӆўӊӑтты ёх!
Тӑмхӑтӆ нын Варьёган кәрт оӆӑӊӑн путӑр ӆўӊӑтты вєритӆӑты. Щит «Йис кәртӑт вәӆупсы» нємпи кӑсупсыя Варьёган кәртӑӊ ӑшколайн нӆмит клӑссӑн вәнӆтыйӆты пух Богдан Казамкин китӑс. Ӆўв 7-12 оӆ ӆуват няврємӑт кўтн нух питӑс па кимит тӑхи вўс. 

Тӑмхӑтӆ мўӊ хӑнты ясӑӊ газетаев 65 оӆ постӑты вўраӊӑн хәӆмит иньщӑсупсы хӑншӆўв.  Юхӆы ясӑӊ тыв китаты:  khanty-yasang-65@mail.ru.

3. Мӑта оӆ вәнты «Ленин пӑнт хўват» нєпек Ас хӑнтэт путрупсыйн єтӑс?

«Йис кәртӑт вәӆупсы» нємпи няврємӑт пӑта ӆэщӑтум кӑсупсы сухнӑс. Сўмӑтвош, Нуви сӑӊхум, Нижневартовской, Ёмвош районӑт, Ёмвош, Мегион вошӊӑн эвӑӆт эвет-пухӑт хӑнты ясӑӊӑн 21 путӑр китсӑт, ӆывеӆа вән пәмащипа лупӆўв. Ӑӊкета-ащета, вәнӆтӑты ёха ищи вән пәмащипа ястӑӆўв, хуты няврємӑта әмӑщ путрӑт хӑншты нётсӑт. 
6-12 оӆ ӆуват няврємӑт кўтн Игрим кәртӑӊ эви Анастасия Новьюхова (12 оӆ) оӆӑӊмит тӑхия питӑс. Ин ӆўв путрӑӆ ӆўӊӑтты вєритӆӑты.

Помӑт кәртӑн йис пура вўш эвӑӆт рәт ёхӆам вәсӑт. Щӑта аӊкаӊкєм, аӊщащєм вәсӊӑн. Кәртэв Вўтвош пўӊӑӆн вәӆ. Ӆўӊ пурайн щив тәп юхан хўват мӑнты рӑхӆ. Ма кашӑӊ оӆ щив ӊхӆум, кәртєм мосман тӑйӆєм.

Интӑм щӑта шимӆ вәӆты хот омӑсман вәӆ, сыры щит вән кәрт вәс. Помӑтн ар катра хот вәӆ, тәп нємхуят щив ӑн юхӑтӆ. Сыры Иван Павлович Рандымов аӊ­ща­щєм мў­ӊева, хиӆыӆ­аӆа, кәртэв оӆӑӊӑн пу­тӑр­тӑс, щирн щи оӆӑӊӑн хӑншты вўтщӑсум. Хӑнш­ты пу­райн «Касум – ёх» киника ӆўӊӑтсум, щӑта ищи ар мосты вєр уша павӑтсум.