Айкеԯӑт - Новости

Ёмвош округевн социальной развития департамент ёх нєпек китсӑт, муйсӑр нётупсэт увӑс мир хуятӑт пӑта мўң округевн вәӆӆӑт. Щи нётупсы «О государственной программе Ханты-Мансийского автономного округа – Югры «Устойчивое развитие коренных малочисленных народов Севера» па «Социальное и демографическое развитие» поступсэңӑн щирн ӆэщӑтӆы.

1. Шимӆ тыӆӑщ вух вўты хуятӑт щимӑщ нётупсыйн вєрӆыйт:

– лекщитыйӆты тӑхи вәнты яңхты па юхӆы йиты пӑта и хӑннєхә 20 щурӑс шойт вух арат вәнты сухуптӑӆы;

– няврємӑт ӆәмӑтсухн ӆәтты пӑта:

Ай кєр тыӑщ Ёмвошн округ кәща нє Наталья Комарова ўв-сом омӑсты тохтурӑт пиа вәйтантыӑс.

Вәйтантупсы  пўншум пурайн кәща нєңев ям ясңӑт лупӑс па мух омӑсты операция вєрум тохтурӑта ишӑкты нєпекӑт мӑс. Щиты лупӑс: «Тӑм ванӑн тәнуп тыӑщн мўң леккарўв мєт оӑң пўш мәшӑң хуята мух омӑссӑт. Щи операция яма мӑнӑс. Округ пәьница тохтурӑта вән пәмащипа путӑртум. Мос лупты, хуты тәня сӑм хуща 5318 операция, ўв-сом омӑсты 1560 операция вєрсы. Щи тумпи юхи хӑщум хәум о мӑр вєрк омӑсты щира 30 операция вєрсы, щи эвӑт кӑт – тӑм о».

Ай кєр тыӑщ 13-мит хӑтӑн «Открытый регион – Югра» нємуп тӑхийн айке хӑншты ёх пиа Ёмвош негосударственной пенсионной фонд кәща нє Мария Стулова па экономической вєрӑт тәты департамент хуща рәпитты ими Анна Губанова вәйтантыйсӑңӑн.   

Тәнуп тыӑщ 19-мит хӑтӑн Ёмвошн «Открытый регион» нємуп тӑхийн «Следопыт – удивительная Югра» экспедиция ёх кәщайт  нємасыя округев айкеӑт ӑкӑтты хӑннєхуятӑт пиа мирхот вєрсӑт.

«Най аңки» нємуп XVII-мит мўвтє кинайт вантӑты хӑр пўншты епийн РИЦ «Югра» хотн кинорежиссёр па щи вєр ух хә Сергей Соловьев, КТЦ «Югра-Классик» хот кәща нє Лариса Журавлёва, актёр Егор Морозов па кинайт пириты хә Борис Нелепо айкеӑт ӑкӑтты ёха ай павӑтсӑт. 

Тӑм епийн 16 кинайң хӑр вәс. Мосӑң, щит пӑты щи вєр эщӑтты кєна йис? Щи оӑңӑн па муй щирн оӑң фестиваль мӑнӑс, С. Соловьев тӑмиты лупӑс: 

Тәнуп тыӑщ 21-22-мит хӑтңӑнӑн Ёмвошн айат ёх пӑты «Нефтяная столица» нємуп II-мит Мўвтє мир вәйтантупсы мӑнӑс. Тӑм мирхот Югра мўв правительства ёх унтасн эщӑтсы. 

2019-мит он округева па хон пєлӑк мўвӑт эвӑт мўв ипи питы вуй па газ вўты тӑхийн рәпитты ёх муй па тӑм вєра вәнтыйты па йипатты хуятӑт юхтыйсӑт. Щит Азербайджан, Белоруссия, Бенин, Вьетнам, Конго, Индия, Иран, Казахстан, Китай, Колумбия, Россия, Сербия, Норвегия, Эквадор па Сирийской Арабской мўвӑт эвӑт. 

Вантэ, Югра мўв – питы вуй па газ вўты мєт вуаң тӑхи. 

Тәнуп тыӑщ 25-митн округ мир ямӑты вєр тәты департамент хуща рәпитты кәща ӑңкӑр хә Максим Малхасьян пиа вәйтантупсы вәс.
Мегион вошн хәум пәьница и тӑхия вєрты вєр оӑңӑн путӑр вәс.

М.В. Малхасьян лупӑс:

– Федеральной поступсы хўват, 300 щурӑс вәнты хуят вәты вошн тәп и пәьница  мос. Мегион вошн 55 щурӑс хуят вә, щи эвӑт апӑт щурӑс хуят Высокий ай вошн вәӑт.

Тӑмхӑтӆ ма хӑншӆум, муйсӑр нётупсэт шуши ёх тӑйӆӑт вәӆты хотӑт мӑты вєрн. Щи нётупсы мӑӆы округ правительства кәщаятн хӑншум «Развитие жилищной сферы» нємпи поступсы унтасн, мӑта ут 2018-мит оӆ ай тӑхет потты тыӆӑщ 5-митн хӑншсы.

2019-мит о ай кєр тыӑщ 2-3-мит хӑтңӑнӑн Ёмвошн Югра мўв кәща нє мойупсы хоумты щира округ районӑт эват мєт апрӑң сора ёшуп, пасты кўруп вўєң ёх юхтыйсӑт. 

Сырыя вўыйн кӑсты хуятӑт вўы авӑты вєр оӑңӑн иньщӑссыйт. Еы «Мустанг» нємпи ов шӑншӑн наврӑты хӑрн вошӑң па мойңа юхтум мир ӑктӑщийсӑт. Кӑсупсыя юхтум кашӑң район ёх тӑта нюки хота омсӑсӑт. Шуши мир єпӑң єтут тумпийн юрн хот пўңӑн әмӑщ тынєсты хӑрӑт ӆэщӑтман вәсӑт.

Тәнуп тыӑщ хәтмит хӑтӑн Ёмвошн айкеӑт ӑкӑтты ёх Югра мўвев социальной вєрӑт эщӑтты тӑхи кәща нє Светлана Давиденко пиа вәйтантыйсӑт па путӑртсӑт. Щи мирхот пурайн уша йис, муй щирн хӑщум 2018-мит он мўң округев социальной тӑхет рәпитсӑт па хуты тӑм йипа питум 2019-мит он ыв нәмӑсӑт ӑ хуятӑта нётты.