- Хантыйский
- Русский
Поступсэт эщӑтты хә оӑңӑн
Лыпӑт тыӑщ 27-мит хӑтӑн хӑнты мир путрӑт хӑншты хә, шуши мирӑт ассамблея кәща Еремей Данилович Айпин 65 оа йи. Тӑм хӑннєхә нєм округ хўваттыйн яма вәы. ўв путӑра хўват кина, ар пўш спектаклят вєрӑнтсыйт. ўв политической наукайт кандидат, «Государственный советник Российской Федерации III класса» нємңӑн тӑй.
12Еремей Данилович Нижневартовской район Варъюхан кәртӑн сєма питӑс. Ӑңке-аще вой-хў вепӑсуман, вўы авӑман вәсңӑн. Ӑш-колайн нив класс етшуп-тумӑ юпийн 1966-мит он Еремей Варъюхан кәртӑн рәпитты питӑс, вой-хў вепӑсӑс. Щӑ-та 1967-мит он Ёмвоша педучилищая вәнтыйты мӑнӑс па 1971-митн щит етшуптӑс. Щи юпийн вет о мӑр Москва вошн А.М. Горький нємуп литературной институтн вәнтыӑс. 1975-1976-мит оңӑнӑн армияйн служитӑс. Мос лупты, Еремей Данилович арсыр тӑхетн рәпитӑс. Оңӑн айкеӑт кӑншты хуята Ёмвош телевиденияйн. 1978-мит о вўш эвӑт 11 о мӑр Ёмвош округ культура отделн научно-методической центр хуща рәпитӑс. 1994-1997-мит оӑтн Увӑс мўв, Сибирь па Дальний Восток мирӑт ассоциация кәщая вәс. Щӑта ня о мӑр Ёмвош округевн Россия мўв Президент вєрӑт тәты тӑхи нётты хуята рәпитӑс. Па 2001-мит о вўш эвӑт ин вәнты округ дума кәща ӑңкӑр хәя, депутата, шуши мирӑт ассамблея кәщая вә. Мос лупты, 1987-мит о вўш эвӑт Еремей Айпин миревн ар пўш депутата пирийсы: народной депутатӑт Совета, СССР народной депутата, Государственной Думая, Ёмвош округ думая. Щи тумпи ўв па ар тӑхетн рәпитӑс шуши мирев вәупсы авӑты щира.
Еремею Айпину 65 лет
27 июня хантыйскому писателю, прозаику, председателю думы Ханты-Мансийского автономного округа – Югры Еремей Даниловичу Айпину исполняется 65 лет. Он также является кандидатом политических наук, Государственным советником Российской Федерации III класса.
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Telegram
- Viber
- Blogger