Ешaвуӆ няврэм вунӆ­тӑты ёх емӑӊхӑтӆ питӆ. Ма щи хӑтӆ ещаӆт Ём­вошн иха вунӆ­тыём ёхӆама вўща ясӑӊ кит­ӆм па м ясӑӊ ястӑты ӆӑӊхаӆм. Мўӊ 1968-1972-мет тӑӆӑтн 83-мет группайн вунӆ­тыйӆсўв. Тынӑӊ м ёх, ма пиӆэма вуӆм, вунӆ­тыём нэӊиеӆӑм, нынан ма ӆӑнхаӆм тӑӆаӊ кўр па тӑӆаӊ ёш, хўв па еӆ­ӆы тумтака вуӆаты, хи­ӆыӆӑн ма энмӑӆтаты, няврэмӆӑнӑн мосман ат тӑйӆайты, вунӆтыём няврэмӆӑнӑн ат нум­ӆайты. 

Вуӆман хўват ру­питсӑты, ар м мосты вер версӑты. Ин вуна пелка йисты. Ӑн хун метсӑты. Ин па ма шўтьщаты, хўв йис па нупӑт тӑяты, няврэмӆӑн па тумтака ат вуӆӆӑт, яӊа-пищӑӊа ат вуӆӆӑт, кашӑӊ вуӆты хӑтӆӑн умща вуӆӆаты, щўняӊа вуӆaты! 

ха вунӆтыём тӑӆӆӑв муй ӆампа умща мӑн­сӑт, ма мӑнсӑт. Арсыр м вер вериӆысўв. Оль­га Герасимовна Сюми­на, аӆпа, нумӆӑӆӆэ, муй щирн вунт хўват ӆухн хӑтӑтьӆисўв. И прайн рэп хщи иӆ питсмaн, ӆухӆамн, кўрӆамн ха ӆуӊсӑт. Вурайн щи хӆ павтӑсӑӆамн.

Нын, аӆпа, нумӆӑӆ­ӆaн, муй щирн мўӊ оӆӑӊ­мет курс пийн Ульяновск воша ӊхсўв, нӆмет курсэв прайн па Москва вун воша ӊхсўв. Щӑта хур вўйӆисўв, аӆпа, щи хурӑт тӑйӆаӆӑн па тухӑӆ прайн вантыӆыӆӑн. 

Кaшӑӊ сўс картопка вўты тутӆисаюв. ма, каркама щӑта рупитсўв, кўтэвн кӑссўв: хй нх питӆ, хй аршӑк картоп­ка нх вўӆ. Щимӑщ м верӑт ёрэмӑӆӑт хун. 

Мўӊ классной руко­водителев Лидия Фё­доровна Слинкина вус. Мўӊ ӆўвеӆ ӑӊки юкана тӑйсэв, вуӆтэв хўват нумӆэв. 

Ма вуйтӆэм, тухӑӆ ёхӆӑв ӑнтумӑт, пӑрсӑт. Ван йис, ван нупӑт тӑйсӑт. Туп мўӊ ӆывеӆ нумӆӑӆӆӑв. Щит Раиса Ивановна Ермакова, Анастасия Яковлевна Сенгепова. Нын верум м верӆӑн, нын хӑншм нэпекӆӑн хӑщсӑт, нын вунӆтм няврэмӆӑн ву­на йисӑт. Щирн ӑн хун нумӆайтн!

Айӆат ёха, мсӑӊ ёха,

Мўӊ па хунты ищи вусўв, 
ха ищи вунӆтысўв,        

Иса м вер верыӆысўв.                                                

Нумыӆмаӆӑн, тынӑӊ нэӊӆӑм:
Секцияя ха ӊхсўв,    

Ӆухн кӑсты Топӑӆ воша                                              

Ищи, маӆн, ӊхиӆысўв.                                                

Якты ищи вунӆтыйӆсўв 
ДК нэмпи м тӑхайн.                                                        

Лидия Фёдоровна нумӆэв:
Ӑӊки юкана ӆўв вуӆмаӆ.
Тўӊа вуӆты вуныӆтӑсӆэ, 
м верӑт иса аӆиӆисӆэ.                                                                    

Тӑӆаӊ нӆ тӑӆ ха вўсўв,
Тӑӆаӊ нӆ тӑӆ нмӑс кӑншсўв.  
Юхӑт тохӆӑӊа мўӊ йисўв.
Эсӑӆсаюв – мўӊ пурӆӑсўв, 
Кашиӊ нэӊев ӆўв юш кӑншӑс, 
Кашиӊ нэӊев атэӆт юш вуйтӑс. 
Лакки мӑнсўв, лакки питсўв.
Туп ищипа тухӑӆ прайн
Нмса питӆӑт щи нӆ тӑӆӆӑв,
Хун Евдокия Андреевна мўӊев
Хӑнты ясӑӊа вунӆтӑсӆэ,

Хун общежития хщи                                                        

Кӑт хот ятн мўӊ щи вусўв. 
Кашиӊ комнатаев хщи 
Нӆхщъяӊ ӆты лот щи тӑйсўв.
Воспитателя вуӆмаӆ
Щи прайн мўӊ хщевн                                              

Мария Кузьминична м нэ.       
Нявлӑк ясӑӊ нынӑна ястӑӆўв,  
«Пумaщипа» ясӑӊ птӑртӆўв 
Юшев хщи вуӆман вўрӑӊӑн,
Пӑнтэв хщи вуӆман вўрӑӊӑн. 
Ясӊем хоӆӑс, птрэм хӆӑс.
Еӆӆы пеӆы па ат вуӆӆўв,
Хўв йис, нупӑт ат мўӊ тӑйӆўв. 

Зоя НОВЬЮХОВА,
Тэк курт