Тӑмхӑтӆ, 80 оӆ тум­пийн Вуӆаӊ ӆаӆьн нух питум пӑта мўӊ мӑӊ­хӑтӆ тӑйӆўв – кашӑӊ хӑн­нєхә сӑмн щит мєт вән мӑӊхӑтӆ. Мўӊ ух пунӆўв щи ёх пӑта, мӑта хуятӑт тарма ӆаӆяссӑт па ӆыв ӛреӆн мўӊ рәт мўвев тӑ­ӆаӊа хӑщӑс па єтӑр хӑри тәрум хәтӆӑс.
Ӆаӆь оӆнитум оӆӑӊ хӑт­ӆӑтн округев эвӑӆт ар щурӑс хӑннєхә ӆаӆь пӑн­та ӆоӆьсӑт. Ӆыв ӆаӆяссӑт Москва па Лениград ху­ща, тарма вуракӑт веӆсӑт  Курской дуга хуща, Европа мира нух питты нётсӑт, Берлин вўша ӆаӆясман юхӑтсӑт. 
Ёмвошев тәса щи аӆьщӑӆы – «Город тру­довой доблести». Щит тӑм мўвн каркама рәпитум ёх пӑта, ӆаӆьн нух питты пӑта ӆыв вєра ар ӛр пунсӑт. 
Тӑмхӑтӆ 80 оӆ мӑнӑс, мўӊ ищимурт кашӑӊ хӑн­нєхә, кашӑӊ вєр ма нәм­ӆэв! Нәмман тӑйӆӑӆўв ӆаӆь хӑрн хӑщум ёхӆўв.
Нәмман тӑйӆӑӆўв, мӑта ёх нянь єнмӑӆтӑты хӑрн рәпитсӑт, мӑта ёх карты пурмӑсӑт вєрсӑт. 
Нәмман тӑйӆӑӆўв ӑӊкет, имет, упет, ӆыв ӆаӆясум ёхӆаӆ ӆавӆӑсман вәсӑт.
Мўӊ – Вуӆаӊ ӆаӆьн нух питум ёх хиӆэт. Мўӊева кантум вєр – ӆаӆь пурайн вәӆум вєрӑт нәмман тӑй­ты, ӆаӆь пурайн вәӆум ёх нумӑсн тӑйты.
Тӑмхӑтӆ ӆаӆь оӆӑӊӑн ювра путрӑт хӑншӆыйт, ӆаӆь хӑрн укщум вєрӑт вєрум ёх ин ма тӑйты питсайт.
Тӑм хӑтӆӑтн, Вуӆаӊ ӆаӆьн вәӆум ёх иты, мўӊ ӆаӆясты ёхӆўв ищи тарма неофашистӑт пиӆа ӆаӆясӆӑт. Вуӆаӊ ӆаӆьн нух питум ёх хӑщуптум ясӊӑт мўӊ нумӑсӆўвн иса пўш вана тӑйты питӆӑӆўв. Ӆыв ӆаӆь пӑнтӆаӆ иса пўш мўӊ сӑмӆўвн хӑщӆӑт . 
Вуӆаӊ ӆаӆьн нух питум мӑӊхӑтӆ пиӆа!

Югра кәща хә 
Руслан Кухарук
Хӑнты ясӑӊа тулмащтӑс: Пётр Молданов