Лыпӑт хойты тыӆӑщ 18-20-мит хӑтӆӑтн Югра мўвевн вәӆты мир Государственной, окружной, районной, вошӑӊ па кәртӑӊ дума тӑхета депутатӑт пирисӑт. Избирательной комиссия кәща хә Денис Корнеев дума тӑхета пириты хӑтӆ мӑнум пийн айкеӆӑт хӑншты ёх пиӆа вәйтантыӆӑс.

Ӆўв ясӑӊӆаӆ щирн, тӑм оӆ округевн иса пириты тӑхета 62% муӆтас арат хӑннєхә юхтыӆӑс, щит 2021-мит оӆ киньщи арашӑк питӆ.
Тӑм оӆ «ИнформУИК» тӑхи щирн нємасыя щи вєр пӑта вәӆты хӑннєхуятӑт хотӑтн ӊхсӑт па ӑӆ мир пиӆа депутатӑт пириты вєр оӆӑӊӑн путӑртсӑт. Ко­миссия ёх лупӆӑт, хута тӑм щирн хӑннєхуятӑт пи­ӆа путӑртсы, щӑта аршӑк хуят пириты тӑхета юхтӑс.
Денис Корнеев лупӑс, тӑм хӑтӆ вәнты Югра мў­вев ӆуваттыйн партияйт кўтн Единая Россия – 55% ясӑӊ тӑйӆ, ЛДПР – 15%-кєм, КПРФ – 10% муӆтас. «Новые люди» па «Справедливая Россия» - 5% муӆтас. Па партияйт 1-2% арат ясӑӊ ёша павӑтсӑт. 
Одномандатной щирн Государственной думая №222 пирєсты округн мєт ар ясӑӊ, щит 54% муӆтас арат, Павел Завальный вўс, Дмитрий Аксёнов №223 избирательной округн – 45% муӆтас ясӑӊ.
Округевн тӑм пўш пи­рєсты вєр вет щурӑс муӆ­тас хуят нух вантсӑт, щит Общественной палата, партияйт па кандидатӑт эвӑӆт вантты хӑннєхуятӑт вәсӑт. Ӆыв вантсӑт, ӆәӆн пириты вєр тўӊщирӑӊа ат ӆэщӑтсы.
Мосӆ лупты, хуты тӑм оӆ избирателята нивӆ бюллетень ёша мийӆясы, пириты хуят ар вәс па ка­шӑӊ ут атэӆта ӆўӊӑтты мосӆ. Щит пӑта ясӊӑт хўвшӑк ӆўӊӑтты мосӆ па еӆӆы щи ӆўӊтум ясӊӑт па щира питӆӑт. Муй щирн иса пириты вєр сухнӑӆ, мўӊ нынана па хӑншӆўв.

Округ избирком тӑхи айкеӆ 
хӑнты ясӑӊа тулмащтӑс: Надежда Вах