Шуши мирев вәԯупсы - Жизнь хантыйского народа

Йис путрӑн хӑншман вәӆ:
«Хӑннєхә сєма питум пурайн
Ӆўв вәӆупсэӆ хўват хәтӆӑты пӑта 
Тәрум хуща йиӆуп хәс вўщийӆ»

Нивӑӆъяӊ оӆ юхӆы тови оӆӊитум пурайн ай кєр тыӆӑщ 10-мит хӑтӆӑн Кев Ас хонӑӊӑн м вошн Костинӑт хоттєӆ ёх хуща эвие сє­ма питӑс. Тарас Григорьевич па Елизавета Семёновна Костинӊӑн ӑӊки-ащи и нумӑсн Варвара нємн пунсӑӊӑн. 

Хӑнты нє Клавдия Владимировна Собя­ни­на Сўмӑтвошн войт лекщитты хотн кәща нєӊа рәпитӆ. Мӑнум товийн мин вәтаӊа йисумн, ӆўв вәӆупсэӆ па рәпатаеӆ оӆӑӊӑн ясӑӊ тәс.

Ӆўв вой лекщитты вєра Пуӆӊавӑт вошн вәнӆтыӆӑс, щӑта 1994-мит оӆн вуӆаӊ нєпек ёша павтӑс па имухты Сўмӑтвош райо­на Няксимволя рәпитты мӑнӑс. Щӑта нивӆ оӆ мӑр вой лекщитты хотн кәщая вәс. Щи пийн Сўмӑтвоша касӆӑс, Санэпидстанция хуща баклабораторияйн нивӆ оӆ рәпитӑс.

Тәняӆ оӆн лыпӑт тыӆӑщ ртъяӊмит хӑтӑӆн Пуӆӊавӑт вошн Ямал мўв хуща «Нӛрум мўв ӆыӆ» нємуп Мўвтєӆ мирӑт мӑӊхӑтӆ вән кәщайт ӆэщӑтыйӆсӑт. Щи пурайн ма ищиты рәпатам щирн щӑта вәсум па арсыр айкеӆ кӑншсум. 

Щи киньща тынєсты-ӆәтӑсты хӑр вєрсы, хута хӑнтэт, юрнӑт, сӑранӑт, рўщӑт па сыр-сыр иха юхтум увӑс мир хӑннєхуятӑт ёшн вєрум пурмӑсӑт муй па ӆәмӑтсухӑт ванӆтӑты па еӆ тыныты щирӑта ӆэщӑтсӑт. Имуӆтыйн, тывеӆт-тухеӆт ӊхман, тәса вєрӑнтты хӑнты ёхӆам пӑсан еӆпия ванамӑсум. Щиты Анатолий Павлович Сотруев пиӆа вәйтантсум па ӆўв эвӑӆтэӆ айкеӆ вўсум.

Тӑм ванӑн рәт Асов кәр­тєма ӊхмємн ӆа­ӆясум ёх ванӆтупсыйн Иван Дмит­риевич Ковалёв оӆӑӊӑн ай шиваӆӑсум. 

Ӆўв 1906-мит оӆн Ӆор­вошн сєма питӑс. Ӑшкола пийн вәнӆты­ӆӑс па хўӆ веӆпӑсӆӑты тӑ­хийн вух ӆўӊӑтты хәя рәпитӑс. Тӑм пура вәнты хўӆ веӆпӑсӆӑты хӑнтэт ӆўв оӆӊеӆн м ясӊӑт ястӑӆӑт. 

Лыпӑт хойты тыӆӑщ 13-мит хӑтӆӑн 1941-мит оӆн Кушеват кәрт эвӑӆт район Муши кәрта вохсы. Щи тӑхи эвӑӆт ӆаӆя китсы. 

Пушкӑн эвӑӆт єсӑӆты хә Иван Ко­валёв 1208-мит стрелковой полк 362-мит стрелковой дивизияйн Калининской фронт хуща ӆаӆясӑс. 

Тӑм ванӑн мўӊ редакцияева Поӆнавӑт кәрт эвӑӆт Светла­на Николаевна Сайнахова Василий Николаевич Сай­нахов ӆаӆя­сум шатьщащеӆ оӆӑӊӑн путрӑӆ китсӑӆэ.

Уша йис, вухаӆь хә Василий Нико­лае­вич Сайнахов 1908-мит оӆн хўӆ веӆпӑсӆӑты ще­мьяйн сєма питӑс. Еӆӆы вәнӆтыӆӑс, нєпекӑӊа йис, Ёмвошн партийной ӑшко­ла етшуптӑс, Советской Союз Коммунистической партияя ӆуӊман вәс. Ӆўв 1930-мит оӆӑтн рәт мўвӑӆн иса муй вєрӑс, ӆәӆн вухаӆь мирӆ нєпекӑӊа ат йис. 

Имуӆтыйн Муши вошн Ӆорвош райо­нӑн Ямал мўвн «Ма Ӆорвош мўвєм» мӑӊ­хӑтӆ постӑ­сы. 

Щи киньща кимит хӑ­тӑӆн етна пєлка Ӆорвош район ӆуваттыйн ратива па телевидения рәпитты тӑхия вохсыюм. Вантэ, шушия вәӆты хӑн­нєхуятӑта па хӑнтэта ищи­ты мосӑс щимӑщ айкеӆ хӑнты, рўщ ясӑӊӊӑнӑн ӆэщӑтты, хутыса тӑм нум мўвевн хӑнты ёхӆўв вәӆӆӑт, вәӆты-хоӆты щирӑт еӆӆы пєӆы тәӆӑт.
Айкеӆӑт муйт ратива па телевидения хўват миймєм пийн ма нєма­сыя щи тӑхи кәща ӆӑӊкӑр нє Наталья Ивановна Пи­чугина путрємӑтыя хущ­сєм.

«Малышок» ай няврєм хӑтӆ мӑр тӑйты па вәнӆтӑты хот Сўмӑт­вошн вәӆ. 2017-мит оӆ эвӑӆт кәщая щӑта Екатерина Михайловна Тихонова рәпитӆ. 

Тӑм йиӆуп 2024-мит оӆ «Хоттєӆ ёх оӆ» нємн пунса. Тӑм садик хот вошн вәӆты хуятӑтн ма тӑйӆа, тыв вән семьяйӊ хуя­тӑт пушӑхӆаӆ ищи ӊхӆӑт. 
Екатерина Михайлов­на ястӑӆ: 

Ин Татьяна Ива­новна Анисимова (Выртупенкова) Сәр­ханӆ вошн вәӆ, ӆўв Дёмино кәртӑн Сў­мӑтвош районӑн сє­ма питӑс. Хән вет тӑӆа йис, ӑӊкеӆ па ащеӆ пиӆа Поӆнавӑт воша вәӆты па рәпитты мӑн­сӑт. Щӑта ӆўв ӑш­кола етшуптӑс па учи­лищайн ӆєтут ка­вӑртты нєӊа вәнӆ­тыӆӑс. 

Татьяна Ивановна пу­тӑртӑс:

Йисӑӊ-нәптӑӊ рўщ ими Валентина Георгиевна Литвиненко тӑм юхи хӑщум оӆӑтн рўтьщуман пенсияйн Сўмӑтвошн вәӆ. Вәӆупсы хўватн ӆўв иса 32 оӆ мӑр «Югра вәӆупсы» нємуп айкеӆ хӑншты Сўмӑтвош районӑӊ газетайн рәпитӑс. 

Мєт оӆӑӊ пураитн, вантэ, иса корреспондент нє щирн сыр-сыр айкеӆӑт ӑкӑтман ай кәртӑт па вән вошӑт хўватн араттєӆн ӊхӑс па рәпитӑс.
Ӛхӑт па газета кәщая йис. 

Тӑм вухаӆь нє Татьяна Петровна Хозумова пиӆа ма рәпатам щирн Сўмӑтвошн айкеӆӑт ӑкӑттыя ӊхмємн вәйтантыйӆсум. Щи пурайн сыр-сыр литературной вәйтантупсэт айӆат па вәнӆат хӑннєхуятӑт пӑта вошӑӊ киникайт ӆўӊӑтты хотӑтн ӆэщӑтсум. Ӛхӑт па веӆщи сыр-сыр тӑхетн рәпитты хәйт па нєӊӑт пиӆа вәйтантыйӆсум па арсыр мӑнєма мосты айкеӆӑт иха мсыева ӑкӑтсум. Айкеӆ тәты ёхӆам кўтн Татьяна Хозумова ӆикмӑс па ма ӆўв пиӆэӆа ищиты айкеӆ щирн мсыева путрємӑсум па рәпата вєрӆаӆ ушӑӊа-сащӑӊа щи пурайн вєрсум.

- Татьяна Петровна, мӑта тӑхийн нӑӊ сєма питсӑн, єнумсӑн, вәнӆтыйӆсӑн?