Шуши мирев вәԯупсы - Жизнь хантыйского народа

Вәйт ӆор тыӆӑщн 30-мит хӑтӆӑн Ёмвошн «Торум Маа» музей хотн ванӆтупсы пўншса. Щит «Народный мастер России» нєм тӑйты хә Николай Тасьманов 50 оӆа вмаӆ пӑта. Ванӆтупсы пўншум тӑхийн ӆўв вєрум пурмӑсӆаӆ ванӆтӑсыйт, щӑӆта па хўв мӑр ӆўв вәӆупсы пӑнтӑӆ оӆӑӊӑн путӑр мӑнӑс.

«Торум Маа» тӑхи кәща ими Людмила Алфёрова м вўща ясӑӊ тӑм хӑннє­хәя лупӑс: 

Ӆўӊ пура оӆӊитумн мўӊ хӑнты па вухаӆь газетайӊӑн ӆэщӑтты хотэва рәт ясӑӊ тәса вәты вәнӆата вум вухаӆь имие Раиса Павловна Хозумова ӆуӊтыӆӑс. Раиса Павловна ар оӆ мӑр Сўмӑтвош район Саранпауль кәрт ӑшколайн няврємӑт вухаӆь ясӑӊа вәнӆтыӆӑс. Щи тумпи учебникӑт па па сыр-сыр мосты нєпекӑт рәт ясӑӊ вәнӆтӑты щира ӆэщӑтӑс. Вантэ, вухаӆь ясӑӊ ӆўв айтєӆн ма тӑйӆӑӆэ па вәӆупсы хў­ват рәт ясӑӊ пиӆа шәшӆ. 

Вәйт ӆор тыӆӑщн 23-мит хӑтӆӑн ӆапӑтъяӊ оӆа йиӆ, хән сєма питӑс Ольга Александровна Кравченко (Молданова). Ин ӆўв хўв пӑнта питман вәӆ. Тәп нумӑсӆаӆ па вєрӆаӆ айӆат ёхн тӑка катӑӆман тӑйӆайт. 

Конда мўв хуща вәтаӊ хә Владимир Власович Ишматов вәӆ. Тәняӆ Кондинской район 100 тӑӆ постум пурайн ӆўв «Почётный житель Кондинского района» нємн мӑсы. Ӆўв ар оӆ рәпитӑс, щит эвӑӆт 30 муӆтас оӆ мир мӑӆтӑс, щи тумпи Кондинской район кәща ӆӑӊкӑр хәя вәс, шуши мир нўшайт тўӊматӑс. ма па вещката рәпитмаӆ пӑта «Шуши мир йис вєрӑт еӆӆы тўвум вєр хўват округ премия лауреат» па «Ветеран труда» нємӊӑн хоӆумтӑс.

Мўӊ ӆўв пиӆэӆа вәй­тантыйӆсўв па вә­ӆупсэӆ па рәпатайӆ оӆӑ­ӊӑн иньщӑссэв. 

Ма мирєм ясӑӊ 

Нуви сӑӊхум район Касум кәртӑн «Потум союм» нємпи община рәпитӆ. Ма тӑм тӑхи кәща нє Анна Степановна Истомина пиӆа тәняӆ сўс Югорск вошн «Шуши мир. Мўв-авӑт. Нефть. Поступсы» ӆэщӑтум вән мирхотн вәйтантыйӆсум па путӑртсум. 

- Анна Степановна, муйсӑр вєрӑт нын тәӆӑты?

- Мўӊ община ёхӆўв пиӆа арсыр воньщумутӑт ӑкӑтӆўв па хўӆ веӆпӑс­ӆӑ­ӆўв. Мўӊ тӑхев нӆ оӆ рәпитӆ. 2020-мит оӆн мосты нєпекӑт ӆэщӑтсўв. Общинаев Касум кәрт пўӊӑӆн вәӆ. Щӑта мўӊ рәт вўт кәртэв тӑйӆўв, хўӆ веӆпӑсӆӑты пӑта мосты лицензия нєпек тӑйӆўв. Общинаев хуща ӆапӑт хуят рәпитӆ.

Сўмӑтвошн хӑтӆ мӑр ай няврєм тӑйты тӑхийн Валентина Николаевна Охрименко рәпитӆ. Ӆўв ӑӊкеӆ Нина Еремеевна Полуянова вәӆупсы оӆӑӊӑн нәмӑӆмӑс. Мосӆ лупты, ӑӊкеӆ вуӆаӊ ӆаӆь еӆпийн сєма питӑс, щирн ӆўв вәӆупсэӆ щи пурайн вәӆум мир пиӆа ихурпия ӆавӑрта вәс.

Валентина Николаев­на лупӑс: 

Саранск вошн вәӆум вәйтантупсыя «Национальная школа лидерства» мўӊ округев эвӑӆт Артём Тарлин ӊхӑс. Ӆўв Касум вошн Нуви сӑӊхум район хуща вәӆ, 22 оӆа йис. Ин ӆўв «Центр Историко-культурного наследия «Касум ёх» нємуп тӑйхийн методиста рәпитӆ. 

Ин кашӑӊ оӆ хўӆ веӆпӑс­ӆӑты ёх хӑтӆ пориӆӑӆы, рўть­щӑты хӑр тӑхи вєрӆа. Хәнты хўӆ веӆпӑс хот, Сўмӑтвош хўӆ вўты тӑхи нєм така-сыяӊа сащӑс. Округевн мӑӊхӑтӆ постӑты щирн щи оӆӑӊӑн нәмӑӆ­мӑӆўв па м ясӊӑт луп­ӆўв.

Тӑмӑщ нєм вантӆупсы тӑйс, мӑта ут лыпӑт єнумты тыӆӑщ 25-мит хӑтӆӑн Югорской государственной университет хуща вәӆты Увӑс мир тӑхийн ӆэщӑтман вәс.

Щи университетн вәнӆтыӆум айӆат нє Александра Тарлина ӆўв пиӆэӆа вәнӆтыйӆты айӆат ёх пиӆа щи ванӆ­тупсы ӆэщӑтӑс. Ӆўв лупӑс, хуты мєт сыры ӆўв Тарлин рәтӆ оӆӑӊӑн уша вєрсӑӆэ, рәт ӆєрӆ хӑншсӑӆэ, хот­тєӆ ёх пурмӑсӑт па нєпе­кӑт ӑктӑс.

Тӑм ванӆтупсы «Ёмвош ёх» нєӊӑт «Ван рәтӑт» ар ариман пўншсӑт.

Еӆӆы Александра ястӑс:

Вәщ тыӆӑщ 14-мит хӑтӆӑн пәщта рәпатнекӑт мӑӊхӑтӆ вәс. Тӑм товийн вән кєр тыӆӑщ 15-мит хӑтӆӑн ар оӆ пәщтайн рәпитум хӑнты ими Евдокия Иосифовна Денисюк (Миляхова) 75 оӆ постӑс. Щи хӑтӆӑн ма ӆўв хущеӆа мойӊа ӊхсум па хӑнты газетаев ёх эвӑӆт ар хошум ясӑӊ ястӑсум.

Евдокия Иосифовна Ямал мўв Ӆорвош район Касум-Нюӆ кәртӑн сєма питӑс, ӆўв щемьяйӆ оӆӑӊӑн путӑртӑс: