Шуши мирев вәԯупсы - Жизнь хантыйского народа

Ма ӑңкєм Октябрина Петровна Сенгепова тӑм о 80 тӑа йис. ўв Пыжьян кәртӑн 1938-мит он Ас потты тыӑщ 7-митн сєма питӑс. Аще – Пётр Киливич (Климович) Нечу, ӑңке – Валентина Имшеевна (Ильинична) Венго-Нечу вәнт юрн хуятңӑн. ын рәт мире иты вўэт тӑйман вәнт шушийн вәсңӑн, рәт ясӑңӑн яма путӑртсӑңӑн.

Лыпӑт хойты тыӑщн Нуви сӑңхум вошн «Коренные народы. Окружающая среда. Нефть. Закон» нємуп вән мирхот мӑнӑс.

Тәня о Ёмвоша «Салыкве» нємпи арӑң-якӑң вантупсыя округев эвӑт ар няврєм юхтыӑс. Тӑм арӑң па якӑң якхот 2002-мит о вўш эвӑт Югра мўв уваттыйн эщӑтты питсы. Тыв юхтум пушхӑт артащты ёха 40 мутас әмӑщ як, хурамӑң ар па нарӑсты сый, ущхуь утӑт вантӑсӑт. Мєт амтӑң, хән хуыева хоттє ёх әмӑщ шуши мир якхот вантӑты вєритӑт. Щиты Юлия Яркина Артём пухие пиа мойң мир ещат йис нарӑсты сыйт, арӑт па якӑт аьсӑт. 

Сўса йис. Ешаву хўв па ищки тӑэв ёхӑт. Тaрымaн-птмaн па щий яңхты-шушиыты питўв. Щи прайн ям ўң хӑтыет нмса питӑт, ям верӑт нмса ёхӑтӑт. Мосӑң, тӑм верӑт па нумӑмаӑв. 

Ям арат о юхы «Ван рәтӑт» нємпи хӑнты мир емӑңхӑта Хӑнты-Муши кәрта яңхмємн ма нумсӑң па вєрӑң хӑнты хә пиа вәтаңа йисум. Щит Дмитрий Ильич Тарагупта.

ўңӑн «Мужские и женские ремёсла: музееведческий и этнопедагогический аспекты» нємуп мирхотн Ирина Семёновна Тырлина пиа путӑртсум. Щи айат нє Любовь Николаевна па Семён Александрович Айпин семьяйн єнмӑс. ўв ӑңке па аще – вәтаң хуятңӑн, мўң мўвевн па па тӑхетн ын ар мирн вәыйңӑн. Мос лупты, щи мирхота Ирина ӑңке пиа юхтыӑс, путӑртмємн пурайн Любовь Николаевна ищи и вєр оӑңӑн ай павтӑс. 

Рәт мир моньщӑт па арӑт нух хӑншӑ

Каркама оса вєрӑт тәты ики Александр Михайлович Константинов васы мӑнты тыӑщ 23-мит хӑтӑн 70 оа йис. ўв кєшӑа Ёмвошн СССР  хур хӑншты ики В. А. Игошев хотн нємасыя вәйтантупсы вәс. Щив рәтнаа, вәтаң ёха па ўв пиаа рәпитум хуята ӑкмийсӑт. 

Кӑт о юхы «ЮграТур-2016» нємуп рўтьщӑты па вантупсы хӑра Камчатской мўв эвӑт якты-ариты хә Леонид Сысоев па мирӑт творчества хот рәпатнек Мария Беляева юхтыйсӑңӑн. Леонид оӑңӑн 2017-мит он 13-мит «Хӑнты ясӑң» нєпекн хӑншсўв, тӑм хӑт  М. Беляева пиа путӑр ўңтатн. Мос лупты, щи нє мєт сыры Москвайн «Государственное муниципальное управление» нємуп вєра вәнтыӑс, ӛхӑт РАНХиГС нємуп хотн юриста йис. Тӑм ванӑн ўв Витус Беринг нємуп Камчатской государственной университет хущи аспирантура етшуптӑс. Ёмвош вантупсыйн Мария па Леонид, ма щирємн, шуши мирӑт әмтутн вәсңӑн.

Тӑм ўңӑн ай хопӑтн кӑсупсыя яңхмємн ма рәт нєңєм пиа вәйтантыйсум. Нєм Лариса Сергеевна Тыликова, эви опращнєм Лонгортова. ўв вещи Ямал мўв эвӑт Ёмвош округева Нефтеюганск воша Зинаида упе хуща мойңа юхтыӑс. Щи тумпи и классӑн вәнтыум пинєңӑ Зоя Николаевна Молданова (Ептина) пиа вәйтантыӑс.

Мўң вәты ёхмӑң, хәрӑң, орӑң па юханӑң емӑң мўвевн арсыр воньщумут, тулӑх па нохӑр єнум. Катра йис вўш эвӑт хӑнты мир мўвевн єнумты арсыр воньщумутӑт тӑн єты кєша ӑктыйсӑт. Ин вән вошӑтн апкайтн мәрӑх, сэвупсы па па воньщумутӑт эвӑт вєрты саккарӑң па єпӑң утӑт рӑх әтты. Ма тӑм ванӑн арсыр воньщумутӑт, тулхӑт тыныты щурас хә пиа вәйтантыйсум. Владимир Борисович Водопьянов Нижневартовской мўвн Излучинск вошн вә. ўв 1999-мит о вўш эвӑт юкан вєр пўншӑс. Тӑм мўвн єнумты сыр-сыр воньщумутӑт, тулхӑт па нохӑр сємӑт мир кєша эщӑтты питӑс.