Марий Эл мўва яңхмємн ма Моркинской район кәща хә Сергей Харитонович Григорьев пиӆа вәйтантыйӆсум. Ӆўв ай тәс, хутыса щӑта мир вәӆ.
Моркинской район 1924-мит оӆн тывӑс. Щӑта 82 процент арат – щит мари мир, щи тумпийн рўщӑт, хӑтанят па па мирӑт вәӆӆӑт. Мари мир ищи йиңк-мўв ӆәңхӑта эвӑӆӆӑт. Морки кәртӑн буддийской тӑхи вәӆ, вантэ, щӑта щи тәрума эвӑӆты мир ищи вәӆ. Морки кәртӑн мари мир оӆӑңмит писатель Сергей Чавайн сєма питӑс, щи тумпийн ар унтӑс па ӛр пунум 700 культурной рәпатнек тӑм район эвӑӆт вәӆ.