Мӑнум о Ас потты тыӑщ 28-30-хӑтӑтн Коми мўв Усть-Куломской район Помоздино кәртӑн финно-угорской айат ёх «FUROR-2014» нємпи III-мит вәйтантупсыя ӑктӑщийсӑт. Тыв Эстония, Финляндия, Коми, Мордовия, Марий Эл, Удмуртия, Ямал, Югра мўвӑт па Санкт-Петербург вош эвӑт 120 айат хуят юхтыӑс.
Округев эвӑт тӑм вән мирхота мєт оӑңпўш Ас-угорской айат ёх яңхсӑт. Щит Югорской университетн вәнтыйты пухңӑн Виталий Сигильетов па Иван Гындыбин, Ас-угорской институтн рәпитты айат нє Анастасия Шиянова па «Хӑт» нємпи театӑрн рәпитты актриса Алла Иштимирова-Посохова.