Финно-уграт - Финно-угорские народы

Тӑм йисн няврємӑт рәт ясӑӊа вәнӆтӑты ӆавӑрт вәӆ. Хутысаты щи вєр Удмуртияйн вєрӆы, щи оӆӑӊӑн «Билингва» нємуп тӑхи кәща нє Татьяна Геннадьевна Волкова III-мит Мўвтєӆ ху­до­жественной культура мирхотн (2017) па Год языков коренных народов в России (2019) нємуп вәйтантупсыйн ай павтӑс. Мо­сӑӊ, ӆўв путрӑӆ хӑнтэта па ву­хаӆята, хуйтат няврємӑт вәнӆ­тӑӆӑт, әмӑщ ӆўӊӑтты питӆ.  

Удмуртской ясӑӊӑн путӑртты әмща йис 

Ас нопӑтты тыӆӑщ 20-25-мит хӑтӆӑтн Ёмвошн «Финно-угорской тови – 2019» нємпи айӆат ёх пӑты Мўвтєӆ вән вәй­тантупсы вәс. Тӑм арӑӊ-якӑӊ мӑӊхӑтӆ кӑт щирн ӆэщӑтсы: оӆӑӊ – «Югра мўв финно-угрӑт вәйтантупсы», кимит – «Мисс студенчества Финно-Угрии – 2019».

Щиты вет хӑтӆ мӑр вошев нюр айӆат ёх пӑта мӑӊ­хӑтӆӑӊ хӑра йис. Россия мўв арсыр вошӑт па па хон пєлӑк Венгрия, Финляндия па Эстония мўвӑт эвӑӆт мойӊа юхтум ёх пӑ­та арсыр вәйтантупсэт, ӆўӊ­туп­сэт, етнхотӑт, арӑӊ-якӑӊ вє­рӑт, мирхотӑт, ванӆтупсэт, вәнӆ­тыйӆты хӑрӑт ӆэщӑтсыйт.

Вуӆаӊ Отечественной ӆаӆьн ӆаӆясум сӑран хә Никон Кондратьевич Хатанзейский тӑм ванӑн 93 оӆа йис. Ӆўв Коми мўвн Сыктывкар вошн вәӆ. Мӑнум оӆн ма ӆўв пиӆэӆа вәйтантыйӆсум, ӆўв путӑртӑс ӆаӆясум пураеӆ оӆӑӊӑн.

Хўв йистєӆн мўң увӑс мирўв па хон пєлӑк учёной ёхн єрамтты питсыйт. Тӑм йисн ыв хуна арсыр вєрӑт оӑңӑн уша павӑтӑт, щирн ванкўты мўң хущева мойңа юхтыйӑт. Ям арат пўш Русскинской кәрта увӑс мир ар сувӑт, нарӑсты сыйт єрамтты финн хә Яркко Ниеми юхтыӑс. И пўш щив вўєң ёх емӑңхӑта яңхмємн ма щи ики шиваӑсум па путӑртсум.

– Яркко, еша нӑң оңенӑн путӑрта.

Сәрхан вошн ай тӑхет потты тыӑщ 19-20-мит хӑтңӑнӑн «Катра Сәрхан» тӑхийн финно-угрӑт ияха ӑктыйсыйт. Щив Мордва мўв, Санкт-Петербург, Ёмвош, Сәрхан, Русскинская эвӑт мойң мир юхтыйсӑт. Кӑт хӑт мӑр юхтум хуятӑт рәпитсӑт. 

Васы мӑнты тыӑщ 21-мит хӑтӑн аңки вош катра пурмӑсӑт авӑты хот пўңӑн вәты аңки-пасоль кәртӑн «Финно-угорской мир» нємпи емӑңхӑт постӑсы. 
 

Коми мўвн вәты ёх кашӑң хӑт и щос мӑр рәт ясӑңӑн радива хәӑнтты щир тӑйӑт. Щи айкеӑт «Комигор» телерадиокомпания ёх эщӑтӑт. Щи оӑңӑн мӑнєма лупӑс щӑта шеф-редактора рәпитты нє Галина Вениаминовна Ведерникова. 

ПАРМАЛÖ
Тэнат шынньöлыт, мамлöн кыдз, шоныт.
Пиканiсь да пистикись горт менам дона.
Гöрдззöмась ыббезыт веж горадзуллезiсь,
Асывсянь рытöдз ыбшаррезыс дзульзьöны.
Шондi малалö кузь лун рожабаннэзтö,
Гуммез тыр öкта, мед орсны пöляннэзöн.
Ветла морошкала Гайнаись нюррезö,
Гортöс ме ассим гажöта кывбуррезöн.
Род менам Пармаö  лэдзöма вужжесö,
Внуккез и правнуккез татöн ась чужöны.

Ям арат о юхы Марий Эл мўва яңхмємн ма сыры Моркинской район вәум кәща ики Юрий Никитич Алексеев пиа путӑртсум. ўв ай тәс, муй щирн рәпитӑс, муйсӑр ям вєрӑт вєрӑс, муйсӑр нўшайт тӑм пурайн щӑта вәӑт.

Вәщ тыӑщ 18-25-мит хӑтӑтн Марий Эл мўвн финно-угорской айкеӑт ӑкӑтты ёх пӑта Валериан Петров нємпи хур вўты вәнтӑты вєр эщӑтман вәс. Валериан Петров шәңӑт — мари мир па финно-угрӑт кўтн айкеӑт ӑкӑтты па хур вўты вәтаң хәя вәс. Шӑь, хуты 2014-мит он ӑнтәма йис.