Лыпӑт нуви тыӆӑщ 1-мит хӑтӆ Россия мўвн няврємӑт ӆавӑӆты хӑтӆа ӆўӊӑтӆа. Ёмвошн «Югорская шахматная академия» хущи кашӑӊ оӆ тӑм хӑтӆ округ мўв ар вошӑт эвӑӆт няврємӑт кӑсупсыя юхтыӆыӆӑт.

Тӑм пўш кӑсупсыя сора шахматӑтн юнт­ты щира 2008-2019-мит оӆӑтн сєма питум эвет па пухӑт юхӑтсӑт.
Сәрханӆ па Нефтею­ганск вошӊӑн эӆты 138 арат няврєм юхӑтсӑт. 

Няврємӑт пӑта 9 юнт­ты тур вәс.

- 2019-мит оӆн сєма пи­тум эвет кўтн нух питӑс Ага­фон Козлов, кимит тахи – Михаил Костенко, хәӆмит тӑхи – Амир Исламов.

- 2016-2018 –мит оӆӑтн сєма питум пухӑт кўтн оӆӑӊ тӑхи – Алексей Бу­ров, кимит тӑхи – Лев Гле­вацкий, хәӆмит тӑхи – Савелий Реуцкий.

Эвет кўтн нух питӑс Василиса Козлова, кимит тӑхи вўс Дарья Савина, хәӆмит тӑхи – Адриана Низаметдинова.

- 2012-2015-мит  оӆӑтн сєма питум хә няврємӑт кўтн оӆӑӊ тӑхи вўс Вла­димир Варламов, кимит тӑхи – Матвей Шарыпов, хәӆмит тӑхи – Андрей Добриков. Эвет кўтн нух питӑс Наргиз Керимова, кимит тӑхи вўс Арина Бак­ланова, хәӆмит тӑхи – Наталия Бозина.
- 2008-2011-мит оӆӑтн сєма питум хә няврємӑт кўтн Александр Мачанкин нух питӑс, кимит тӑхи вўс Леонид Миронов, хәӆмит тӑхи – Валерий Колбин. Эвет кўтн оӆӑӊ тӑхийн – Любовь Калмачевских, ки­мит тӑхийн – Арина Чиг­ринская, хәӆмит тӑхийн – Камилла Суйлейманова.
Хуӆ няврємӑт ишӑк нєпекӑтн мӑсыйт. Па пўш ӆыв тӑмӑщ кӑсупсыя па юхӑтӆӑт. 

Няврємӑт па ӆыв ӑӊ­киӆаӆ-ащиӆаӆ шахматной академия кәща ёхн м вўща ясӑӊӑн ястӑсайт!

Путӑр хӑншӑс: 
Наталья Краснопеева