Тăм йиӆпа оӆӊитты кăт щурăс хәс нӆмит оӆн мин нынана луплумн тăлаӊ ёш па тăлаӊ кўр, хўв нә­пăт, хўв йис уӊа-пищăӊа, ма вәӆаты!
Мўӊ шєӊк ӆӑӊхаӆўв, ӆәӆн сорашăк ӆаӆь ат етшăс, ӆәӆн мўвев пăта таранӆăты ёхӆўв тăӆаӊа юхӆы ат кєрӆăсăт. Пӑӆтап мәшăт йира ат мӑнсăт, кашӑӊ хоттєӆ ёх кӑшиӆы-мәшӆы ат вәсăт. Нын ӆэщӑтум вєрӆӑн ма па тәса ат мӑнсӑт, рәпата тӑхетн ищи тәп сӑмӑӊа па хӑрщия кашӑӊ утые ат тывăс. Вәнт шушийн вәӆты хуятӆўв шуши мир йис вєрӆўв ищиты айкємн еӆӆы ат тәсăт: вўӆэт ӆавăӆсăт па вой-хўӆ веӆпăсӆуман ат вәсăт, рәт ясӑӊ сӑмӆаӆн ат тӑйсӑт па щитн ат путӑртсӑт, мўӊ рәт мирӆўв йис вәӆупсы аӆ вәтшӑсўв.
Йиӆуп 2024-мит оӆ тәп амăт па уй ат тәӆ, ӆәӆн кашӑӊ хӑннєхә сӑмӑӊ нумсӑт ат тывсӑт.

Алексей па Светлана Тарлинӊăн