8-мит хӑтӆӑн ван хӑтӆп тыӆӑщн Ёмвошн «Торум-Маа» хщи Хосyм кyрт эӆты мӑнм ёх вуй­тaнтыйӆсӑт па вyсӑт. Щи еӆпийн ар рyпитсўв, Хосyм куртӑн вyӆм Неттин ёх рут ӆэр нх ӆэщӑтсўв, йис вўш эвӑӆт рутӆӑв ӆэрамтсўв па нх нэпека хӑншсўв. 

Нивӆ хӑннэху вyӆм йис (8 поколений) вyйтсўв. Вaнтэ, пирӑщ ёхӆӑв вyӆ­меӆ прайн, тухӑӆ верӑт ӑнт иньщӑссўв. Ин, хyн ӆыв ӑнтyмӑт, нмсӑн ёхтыӆыӆаюв: «А муя па мўӊ тӑм вер, тум вер пи­рӑщ ёхӆӑв эӆты ӑнт ӆэ­рамтсэв!»

Щирн щи тӑмӑщ рут ӆэрӑт верты мосӆ. Муӊ па, вyн ёх, ипўша хyн вәӆ­ӆўв! Хәнты, мосӑӊ, мӑт­ты энмты хӑннэху рyт­ӆаӆ оӆӑӊӑн нумӑӆмийӆ, вун опращӆaӆ вyйтты ӆӑӊхамӑӆ. Щи прайн щи ин мўӊ верты нэпекӆӑв мосмӑтӆӑт. Щиты ки вер питӆ, щит на щи, м вер мўӊ певн хӑщты ёхӆӑва версўв. 

Вун пyмащипа ясӑӊ яс­тӑӆм Наталья Евгеньев­на Краснопеевая, ӆўв вўянтӑс тӑмӑщ ӆавӑрт вер нх ӆэщӑтты. Вун пyмащипа ясӑӊ Людми­ла Александровна Алфёро­вая, Раиса Германовна Решетниковая ястӑӆм хӑнты верӆӑв еӆӆы тўтэт вўраӊӑн. 

Вyн пyмащипа яс­тӑӆм «Торум-Маа» х­щи рyпитты ёхӆаӆа, хй нётӑс тӑм вyн па м вер тўӊщирӑӊа верты. Вyн пyмащипа ястӑӆм Антонина Васильевна Чупровая па Людмила Васильевна Туполевая м храмӑӊ прмӑс выс­тавкая тўвмӑн вўраӊӑн. Мосӆ ястӑты, Ёмвош эӆты ищи ар хят ёхтыӆысӑт, ма птӑртсӑт рyтӆaӆ оӆӑӊӑн. Ӆывеӆа ищи вyн пyма­щи­па!

Ёхи хӑщм ясӊем яс­тӑӆм. Ин Хосyм кyрт эӆты мӑнм ёх мўӊ мўвевн, мўӊ хонэвн ар тӑхайн вyӆӆӑт: Дальний Восток вўш эвӑӆт Санкт-Петербург вyнты. Вyн вошӑтн, ай кyртӑтн, ар мўвӑтн иса рyтӆӑв вyӆ­ӆӑт. Ростов-на-Дону, Ка­зань,Тюмень, Югра па Ямал ар вошӑтн. 

Щи тумпи па йира вyӆ­ты хонӑтн Хосyм курт эӆ­ты мӑнм ёх вyӆӆӑт: щит Америкайн, Украинайн, Турцияйн. Йи хӑннэху эвӑӆт (мет вун опращев ики – Николай) мўӊ рyтэв мӑнӑс. Еӆӆы пеӆы па ма рут ӆэрэв ат мӑнӆ, рyт­ӆӑв тумтака ат вyӆӆӑт, оп­ращӆаӆ ал ёрэмӑӆӑт. Ояӊа-пищӑӊа ат вyӆӆӑт, Турм Ащийн ат шавиӆайт!

*    *    *
Хосyм куртӑӊ рyтыйӆӑв,
Хосyм куртӑӊ сырыйӆӑв, 
Ищки тӑӆ вaн хӑтӆп 
тыӆщӑн 
Ар мўв эӆты вyн Ёмвоша 
И нмӑс вермaн 
ёхтыӆысўв.

Щӑта ха вyйтaнтыйӆсўв,
ха щӑта 
омсыӆыяӆсўв.
Опрaщ рутӆӑв 
нyмӑӆмыяӆсўв,
Ар м птӑр 
ёхӆӑв оӆӑӊӑн 
Щӑта пyтӑртсўв, 
щӑта хәӆсўв.

на, умща верӆӑв 
мӑнсӑт, 
Сора ищки хӑтӆэв мӑнӑс     
Етна пелка сора щи йис. 

Ай пyшихӆӑв 
йис верӑт оӆӑӊӑн 
Щи прайн ша версӑт,
Ар  верӑт хyӆсӑт, 
нмса пнсӑт. 

Ма щирэмн, 
щит м вер щи:
«Рутӆӑв-сырӆӑв нх 
кӑншты щир 
Рyт ӆэр верты-хӑншты 
вер».

Хyнты, мосӑӊ, мӑтты хӑтӆ
Мўӊ певн хӑщты мирэв
Нмсӑн ёхӑтӆа: 
«Йис рутэм хота,
Хўв прайн хоӆьща вyс,
Хота энмӑс, муй ӆўв ӆэс?
Рyпитты, аӆпа, 
ищи хошӑс!
Муйсӑр прмӑс верты 
ӆӑӊхaс?»
Щиты питӆ ки – 
шеӊк щи м:

«на, аӆпа, 
м вер версўв,
Рутӆӑв-сырӆӑв нх 
кӑншсўв-хӑншсўв
Па щи верӆӑв ай ёха 
хӑйсўв!».

Тэк хӑнтэт путрупсыйн хӑншӑс:
Зоя Новьюхова