Йиӆуп 2025-мит оӆ пиӆа!

Хуӆам оӆэв мӑӊхӑтӆӑт, хуӆам оӆэв тарум вєрӑт нумӑса ки питӆӑт, мўӊ иса пўш вәӆэв, мўӊ мўвев мєт вән тащ, Югра мўвев мєт вән тащ – щит сӑмӑӊ па вещкат мирев, щит ӛрӑӊ па апрӑӊ мирев, щит м нумӑсн вәӆты мирев.

Хуӆам оӆэв оӆӑӊӑн нә­мӑсты ки питӆўв, мўӊ м вўща ясӑӊ ӆаӆь хӑрн вәӆ­ты ёхӆўва китӆўв, ӆыв мўӊ вәӆты мўвев шави­ман тӑйӆэӆ. м пәмащи­па ясӑӊ ма лупӆум нефть па газ вўты ёха, нуви тўт вєрты ёха па хотӑт омӑсты хӑннєхуятӑта, няврємӑт вәнӆтӑты па ёх мӑӆтӑты мира, иса хуятӑта, мӑта ёх мўӊ хотӆўва хошум рўв па нуви тўт тәӆӑт, щи вєр вєрман ӆыв мўӊ Россия мўвев така вєрӆэӆ.

Рўтьщӑты хӑтӆӑтн Йи­ӆуп оӆн мўӊ м нумӑсн вәӆӆўв, муйсӑр каш сӑм­ӆўвн тӑйӆўв, щи кашӆўв ат йинумӆӑт, щитӑт ӆавӑӆ­ман мўӊ щи вәӆӆўв.

Мўӊ еӆӆы м нумӑсн вәӆӆўв, мўӊ вәӆэв, тӑм ӆаӆьн мўӊ нух питӆўв. Мўӊ иса пўш ха катӆӑсман вәӆӆўв, мўӊ рәт ёхӆўв пиӆа па иса мирев пиӆа ӆәхсӑӊа вәӆӆўв па м вєрӑт оӆӑӊӑн нәмӑсӆўв. Мўӊ мўвев йис вєрӑт нумӑсн тӑйман, щи вєрӑт ӑн юрємуман еӆӆы шәшумӆўв. Мўӊ вәӆэв, ӆыпийн тӑйты нумӑсӆўв вєр вәнта юхӑтӆӑт, тәс ёш хўват еӆӆы шәшумӆўв. Экономика вєрӑт така тӑйӆӑӆўв, ёх пӑта йиӆуп рәпата тӑхет пўншӆўв, ӛшӑт па нурӆӑт, ӑшколайт па пәӆьницайт вєрӆўв, культураев па йис вєрӑт шавиман тӑйты питӆўв.

2025-мит оӆ – вуӆаӊ оӆ. Мўӊ округев 95 оӆа йиӆ. Иса мирев пила Вуӆаӊ ӆаӆьн нух питум 80-мит оӆэв мӑӊхӑтӆ постӑӆўв. Па 65-мит оӆа йиӆ, хән шаимской нефть вәйтса. Иса вєрӑт ма ӆэщӑтӆӑӆўв 2025-мит оӆэв ма мӑнты пӑта.

Йиӆуп оӆ – щит хотӑӊ ёх мӑӊхӑтӆ. Мўӊ иса пўш мєт мосты вєрев, щит мўӊ хотӑӊ ёхӆўв уяӊа-пищӑӊа, нәптӑӊа-йисӑӊа ат вәӆӆӑт. Хотӑӊ ёхӆўв тарӑн эвӑӆт ат сайӆӑӆыйт, мәш-кӑши эвӑӆт ат сайӆӑӆыйт. Щи вєрӑт ат йинумӆӑт.
Тынӑӊ Югра мирев! Еӆӆы тӑӆаӊа ма, уяӊа пищӑӊа вәӆаты!
Йиӆуп оӆ пиӆа Югра!

Руслан Кухарук, округ кәща хә
Хӑнты ясӑӊа тулмащтас: Пётр Молданов