Вәнт хуща ӆаӊки пушхиеӆаӆ пиӆа вәс. ма вәсӑт. Ӆаӊки ӑӊкеӆ няврємӆаӆ мосман тӑйсӑӆэ. Ӆаӊки па ӆўв пушӑхӆаӆ пӑта вәнт – щит рәт хотэӆ вәс. Ӆыв иха ӑӊки, ащи па ай ӆанкет кӑрӑщ х әӊхӑн вәсӑт.
Аӊщащеӆ па щащеӆ ванӑн па хн вәсӊӑн. Ӆаӊки няврємӑт х нўвӑт хўват аӊщащеӆ па аӊкаӊкеӆ хот вәнта хәхӑӆман ешащсӑт. 
Ащеӆ па ӑӊкеӆ нохӑр сєм ӑкӑт­ман хӑт хўват навӑрсӑӊӑн. Ӆаӊки щемья ма вәс.

Пӑӆтап 

Ӆаӊки ӑӊки юрємӑс, хуты итәх пурайн вәнтӑн пӑӆтап вєрӑт вәӆ­ӆяӆӑт. И пўш ай ӆаӊкет вәнтӑн юнтсӑт. Етн юхи юхӑтсат, вантӆӑт – ай ӆаӊкеӆ ӑнтәм. Кӑншты щи питсӑт. Ӑн вәйтсэӆ па юхи мӑнсӑт. Ащеӆа па ӑӊкеӆа лупсăт, ай ӆаӊкеӆ вәшӑс. Йха кӑншты щи питсӑт. 

Щи пурайн ай ӆаӊкеӆ вәнт па пєлка еӆ хәхӑӆман наврӑс. Ӆўв па ӛш хўват вәнт па пєлка щи наврӑс. Ӆомтӑс. Па ӑн вәлы вәнт хўват щи хәхӑӆмӑс, щиты вәнт сухӑнты вәнта юхтӑс. Щӑта и кӑрӑщ х вәс. Щӑӆтаса роман вухсар єтӑс. Ай ӆаӊки кӑрӑщ ха пӑста хәхӆӑс. Вухсар омӑсман ай ӆаӊки пєӆы вантты щи питӑс. 
Роман пушкан сый эвӑӆт вухсар иӆ рӑкнӑс. Щит, нєш, вәнта вой веӆты хә юхтӑс. Щит Агапий – ӆўв хўӆ па вой м веӆпӑсӆӑты хӑнты хә. Ӆўв хәт тӑӆ ӆуват вўш эвӑӆт веӆпӑса ӊхты питӑс. Ар вой сух колхоса мӑс, щи тумпи м арат хўӆ веӆпӑсӆӑс, нємасыя кӑсупсэтн нух питыӆӑс. Веӆум хўӆ ищи колхоса мӑс.
Агапий вухсар аӆємӑс, вантӑс па лупӑс:

– Ай ӆаӊкие, аӆ пӑӆӆа, еӆӆы вәӆа па єнма! 

Агапий веӆум вухсарӆ пиӆа юхи щи мӑнӑс. 

Ай ӆаӊки еша ӆавӆӑс па вәнт хў­ват еӆӆы щи навӑрмӑс. Юхи мӑнты ӛш-пӑнт кӑншты щи питӑс. Роман ӆўв ещӑӆтэӆа ӑӊкеӆ щи єтӑс. Ӆын шєӊк амӑтсӑӊӑн. Яйӆаӆ, апщиӆаӆ тӑм амӑт сый пєӆы ищи навӑрман юхӑтсӑт. Иха юхи кєрӆӑсӑт – рәт вәнт хуща. 

м веӆпӑс хә

Агапий еша вос, щӑӆта вуӆаӊ ӆаӆь оӆӊитсы. Агапий ӑн нәмӑсман ищи рәт мўв эвӑӆт вуракӑт вошит­ты мӑнӑс. 

Ӆаӊкет щи пурайн хурамӑӊ вән­тӑн вәсӑт. Тӑм вәнт хуща арсыр тухӆӑӊ вой сыйт сащӆӑт, тӑта атум пушкан сый ӑн сащӆ. 

Агапий мўӊ мирев пиӆа вуракӑт вошитты така нётӑс. Ӆўв, вантэ, айтєӆн войт веӆпӑсӆӑты вәнӆӑс, щирн ӆаӆь пурайн пушкан эвӑӆт тәса нёӆӑт єсӆӑс, пушканӑӆ эвӑӆт ар вурак веӆӑс. 

Ӆаӆь сухăнты пура вәнты мәш­мӑӆсы, щӑӆта госпитальн лек­щи­тыйӆмаӆ пийн юхи мӑнӑс. Еша вәс па амтӑӊ хӑтӆ юхтӑс – Нух питум хӑтӆ – щит 1945-мит оӆ Ас нопӑтты тыӆӑщ 9-мит хӑтӆ вәс. 

Путрăт хăншăс:
Наталья Мешалкина