ән хӑннєхә яма, тӑӑңа ат єнмӑс па еы вәс нємасыя витамин нємпи пуртән єты мос. Витамин – хӑннєхә пӑта щит мєт мосты ут.

Округ пәьницайн ай няврємӑт лекщитты тӑхийн рәпитты нє Ольга Ершова лупӑс, ән няврєм тӑӑңа па яма ат єнмӑс, арсыр витаминӑт єты мос. Мєт ар щимӑщ утӑт товийн мосӑт, хән хӑннєхә ӛр хуа, ух кӑши, нємӑт вєрты каш ӑн тӑй. Щи хуятӑт хуйтӑт иса витаминӑт єӑт тӑӑңа вәӑт, няврємӑт сора вәна єнумӑт, шим кӑшитӑт. РАМН питания институт тӑхийн нух вантсы, хуты Россия мўвевн 90 процента няврємӑт мосты витаминатн ӑн тӑрумыйт. 80-100 процента пушхӑт С нємпи витамин шим тӑйӑт, 40-60 процента хуятӑта А, В1, В2, В6, Д, Е витаминӑт мосӑт. Итәх ёха минерал нємпи утӑт (железо, йод, цинк па па утӑт) ӑн тӑрумӑт. Еы О. Ершова иньщассы:– Арсыр о уват хуятӑта и арат витамин мос муй па кашӑң хӑннєхәя юкан арат мос? – Кашӑң хӑннєхә ўв юкан мера тӑй. Айат ёха и нємпи витаминӑт рӑхӑт, вәна ювум хуятӑт па хурасуп утӑт, пирӑщ ёха па ўв юкан пуртәнӑт мосӑт. Мир вәты тӑхет па нух вантты мос, итәх ёх увӑс мўвн вәӑт, итәх па нyм мўвн. – Хута мєт ар витамин вә: єтутн муй па нємасыя вєрум пуртәнӑн? – Вантты мос, муй щирн єтутӑт шавиман тӑйыйт. эваса уты єтутатн витамин шима йи. Хўв мӑр уты овощет па фруктӑт хущи витамин иса хyт вәш. ўң па сўс пурайн щӑта ар витамин, тӑн па товийн – шим. – Тыв нyм мўв эвӑт юхтум хуятӑта мосӑң витамин шим мос?– Ӑнтә, ыв увӑс мўвн вәӑт ки ывеа ищи щи арат витамин мос, муй арат тӑта сєма питум па єнмум хуят є. – Шуши хуятӑта щимӑщ витаминӑт мосӑт муй ӑнтә?– Ӑн хән мосӑт. Итәх ёх ихурасуп єтут єӑт. Щит пӑта ывеа ищи витаминӑт мосӑт. – Щи путӑр эвӑт уша йис, хуты витаминӑт о мӑр иса мосӑт. Муй вєрты мос, ән єтут хущи витаминӑт иса ат вәсат?– Мўңева нәмты мос, ән хӑт мӑр хӑннєхә арсыр єтут ат єс: єсум йиңк, нюхи, хў, мис вуй, картәпка, сыр-сыр овощет, фруктӑт, курпайт. Хўв мӑр уты муй па кавартты єтутӑт хущи витаминӑт хут вәшӑт.