Кашӑң о ими єсум атум кӑши нух єнма, ар хуят мәшӑңа йи. Тӑм йисн ар айат нє тӑм атум мәшн кӑшитты питсӑт.

Муйсар нєңӑт мєт сыры тӑм атум кӑшийн юхӑтыйт? Няврєм хуна ӑн тӑюм, няврєм єсум йиңкан ӑн аптум имет, 30 тӑ юпийн няврєм тӑйты нєңӑт, нух вўянтты имет, икия ӑн яңхум нєңӑт. Ӑңкиа па упиа щи мәшн кӑшитсӑт ки, эвиа па апанєа ищи щи мәшн кӑшитты вєритӑт.Муй эвӑт щи мәш оӑңӑн уша вєры? Хән єсум хир ай пувупсыйн юхӑты. Хән щимӑщ пувупсы тывӑс, имухты тохтўра вантыйты мос.Муй щирн єсум нух вантты мос?Кашӑң нє ўв саптэа єсумңаа вантты щир тӑй. Айат нєңӑт 4-5 хӑт ай хота питты вўш эвӑт. 50 о пєлка ювум нєңӑт кашӑң тыӑщ оӑңмит хӑтан. уй тыйн айтыева єсум хир єты маӑсман ямсыева нух вантты мос. Муй щи пурайн мєт така вантты мос: - хән єсум хир ай пyвупсы тӑй;- хән єсум еңтая є сух яха таы;- хән єсум є сух хӑийн єта; - хән ӑңкар муй па хонӑң пӑты нух пyва; - єсум эвӑт йиңк щурий;- єсум хир сух хут єңхтыйн вантты мос, йиңкан пушсы муй ӑнтә.Щи утӑт эвӑт муты шивааты ки, имухты леккар хущи мӑнты мос. Сырышӑк щи пyвупсы оӑңӑн уша вєраты ки, кєншӑк щи ут яматы пит. Тӑм йисн арсыр мосты щўңкӑт вәӑт, ән єсум мәш оӑңӑн уша павӑтты па интам тохтўрӑт щи мәш тәса яматы па вәнтыйсӑт. Мєт яма щи мәш кӑ, хән маммография (щит, рентген) щирн єсум нух ванты. Щимӑщ маммография 40 тӑ уват имета кӑт о мӑр ипўш вєрты мос. Имет щит вєрты гинеколог тохтўрн китыйт. Ай хота питты вўш эвӑт 7-12 хӑт мӑнты пурайн. Щи вәнат имет, хуйтӑт ай хота питты вєр вәтшасӑт, ывеа рӑхты хӑтатн. Айат нєңӑта маммография юкана УЗИ вєры. Тынӑң имет, нынана нәмты мос, хуты нын няврєм тӑйаты. А пӑаты пәьницая яңхты па тохтўра вантыйты. Нын няврємана, икиана, рәтана шєңк мосаты! Тӑӑң ёш, тӑӑң кўр!